اسلام آباد: نگران وزیراعظم انوارالحق کاکڑ نے کہا ہے کہ معاشی مسائل کے حل کیلئے کوشاں ہیں۔
تفصیلات کے مطابق نگران وزیراعظم انوارالحق کاکڑ نے گفتگو کرتے ہوئے کہا کہ نگران کابینہ میں بہترین لوگوں کا انتخاب کیاگیا، سرمایہ کاری کیلئے اہم ترجیحی شعبوں کی نشاندہی کی گئی ہے۔
نگران وزیراعظم نے کہا کہ آئی ٹی، زراعت، کان کنی کے شعبوں کو آگے بڑھائیں گے، دنیا نے معدنی ذرائع سے اپنی معیشتوں کو مضبوط کیا، معدنی شعبے میں 5سے 6 ٹریلین ڈالر کی صلاحیت ہے، ریکوڈک 700 ملین ڈالر سے زائد کا منصوبہ ہے۔
نگران وزیراعظم کا کہنا تھا کہ خصوصی سرمایہ کار کونسل کے ذریعے سرمایہ کاروی کو فروغ دینا ہے، ملک میں انتخابات کرانا الیکشن کمیشن کا کام ہے، ہمیں ٹیکس محصولات کے نظام میں تربیت لانے کی ضرورت ہے۔
نگران وزیراعظم انوارالحق نے کہا کہ ہمارے پاس پالیسی آپشن نہیں ہیں، ہمارا ملک قدرتی وسائل سے مالا مال ہے، ٹیکسز کی ریکوری کیلئے بہتر کام کریں گے۔
نگران وزیراعظم انوارالحق نے کہا کہ ہمیں دہشت گردی کے چیلنجز ہیں، ایسا نہیں ہے کہ پاکستان کا انفرااسٹرکچر نیچے جارہا ہو۔
