The news is by your side.

Advertisement

برطانیہ میں ٹیکسی ڈرائیوروں کا ریکارڈ چیک کرنے کا قانون لانے کی تجویز

لندن: برطانیہ میں محکمہ ٹرانسپورٹ نے عوام کے تحفظ کے لیے اہم قدم اٹھایا ہے جس کے تحت برطانیہ میں ٹیکسی ڈرائیوروں کا ریکارڈ چیک کرنے کا قانون لانے کی تجویز زیر غور ہے۔

غیرملکی خبررساں ادارے کے مطابق برطانیہ میں ٹیکسی ڈرائیوروں کا ریکارڈ چیک کرنے کا قانون لانے کی تجویز زیر غور ہے، حکام کے مطابق اس طرح کے اقدام سے حادثات کی روک تھام ہوسکے گی۔

لندن کی محکمہ ٹرانسپورٹ نے گاڑیوں میں سی سی ٹی وی لگوانے پر بھی غور شروع کردیا ہے۔

حکومتی رپورٹ کے مطابق موجودہ قانون جدید دنیا میں مناسب نہیں ہے، واضح رہے کہ برطانوی نژاد پاکستانیوں کی اکثریت ٹیکسی کے شعبے سے منسلک ہے۔

مزید پڑھیں: شہزادہ فلپ نے اپنا ڈرائیونگ لائسنس رضاکارانہ طور پرسرینڈرکردیا

یاد رہے کہ 18 جنوری کے دن ملکہ برطانیہ کے شوہر 97 سالہ شہزادہ فلپ کی کار کو حادثہ پیش آیا تھا تاہم وہ اس حادثے میں محفوظ رہے تھے لیکن خاتون زخمی ہوگئی تھیں۔

برطانوی ملکہ الزبتھ کے شوہر اور شاہی خاندان کے سربراہ پرنس فلپ کو ٹریفک پولیس نے سیٹ بیلٹ نہ باندھنے پر وارننگ دی تھی، محکمہ پولیس نے خبردار کیا کہ اگر آئندہ قانون کی خلاف ورزی کی گئی تو چالان کیا جائے گا۔

واضح رہے کہ حادثے میں بال بال محفوظ رہنے والی خاتون ایما نے شہزادے کے فوری معذرت نہ کرنے پر ان پر کڑی تنقید کی تھی۔

چند روز قبل ملکہ برطانیہ کے شوہر شہزادہ فلپ نے رضاکارانہ طور پر اپنا ڈرائیونگ لائسنس ٹریفک حکام کے حوالے کردیا تھا، برطانیہ میں ٹریفک کے نئے قانون لاگو ہونے کو اسی سلسلے کی کڑی قرار دیا جارہا ہے۔

Comments

comments

یہ بھی پڑھیں