لاہور : کاؤنٹر ٹیررزم ڈیپارٹمنٹ (سی ٹی ڈی) نے انٹیلی جنس بیسڈ آپریشن کے دوران داعش کے اہم کمانڈر کو ساتھی سمیت گرفتار کرلیا۔
تفصیلات کے مطابق کاؤنٹر ٹیررزم ڈیپارٹمنٹ (سی ٹی ڈی) کی پنجاب کے مختلف شہروں میں کارروائیاں جاری ہے، انٹیلی جنس بیسڈآپریشن کے دوران 5 دہشت گرد گرفتار کرلئے گئے ہیں۔
ترجمان سی ٹی ڈی کا کہنا تھا کہ کارروائیاں گوجرانوالہ اور ملتان میں کی گئیں، اس دوران گوجرانوالہ سے داعش کا اہم کمانڈر ساتھی سمیت گرفتار کرلیا گیا۔
سی ٹی ڈی نے کہا کہ دہشت گردوں سےبارودی مواد ،ڈیٹو نیٹر،موبائل فون ،اسلحہ اورافغان شناحتی کارڈ برآمد کی، دہشت گردوں کی شناحت حنیف،سیدعرف سیدو ، طارق ، خالد اورعبدالستار کے نام سے ہوئی، دہشت گردوں کیخلاف مقدمات درج کرکے تفتیش شروع کردی ہے۔
ترجمان کے مطابق رواں ہفتے200کومبنگ آپریشنز کے دوران 46 مشتبہ افراد گرفتار کیے، کومبنگ آپریشنز میں 10ہزار755 افراد سے پوچھ گچھ کی گئی۔
