کراچی : خطرناک نیگلیریا وائرس نے ایک اور جان لے لی ، رواں سال نیگلیریا سے انتقال کرنے والوں کی تعداد 9 ہوگئی۔
تفصیلات کے مطابق کراچی میں دماغ خور امیبا ایک اور زندگی نگل گیا، نیوکراچی میں نیگلیریا سے 45 سالہ عدنان طارق انتقال کرگئے۔
محکمہ صحت سندھ کا کہنا تھا کہ رواں سال نیگلیریا سے انتقال کرنے والوں کی تعداد 9 ہوگئی، پانی میں کلورینیشن کے استعمال سے نیگلیریا سے بچا جاسکتا ہے۔
نگلیریا وائرس کیا ہے؟
نگلیریا ایک ایسا امیبا ہے، جو اگر ناک کے ذریعے جسم میں داخل ہوجائے تو دماغ کو پوری طرح چاٹ جاتا ہے، جس سے انسان کی موت واقع ہوجاتی ہے، یہ عموماً گرم پانی میں تیزی سے پرورش پاتا ہے۔
یہ وائرس عموماً سوئمنگ پولز، تالاب سمیت ٹینکوں میں موجود ایسے پانی میں پیدا ہوتا ہے، جس میں کلورین کی مقدار کم ہوتی ہے، شدید گرمی بھی نگلیریا کی افزائش کا سبب بنتی ہے۔
طبی ماہرین ’نگلیریا‘ کو خاموش قاتل قرار دیتے ہیں کیونکہ اس نے اب تک دنیا میں ہزاروں افراد کو ابدی نیند سلادیا ہے.
علامات
یہ ایک خطرناک وائرس ہے، جو ناک کے ذریعے دماغ میں داخل ہوجاتا ہے اور دماغ متاثر کرنا شروع کردیتا ہے، اس کی علاماتیں سات دن میں ظاہر ہوتی ہے، جو گردن توڑ بخار سے ملتی جلتی ہیں، سرمیں تیز درد ہونا، الٹیاں یا متلی آنا ، گردن اکڑ جانا اور جسم میں جھٹکے لگنا اس کی واضح علامات ہیں
