دبئی: متحدہ عرب امارات کی انتظامیہ نے دبئی شارجہ روڈ کو مرمت کی وجہ سے عام ٹریفک کے لیے بند کردیا ہے۔
خلیج ٹائمز کی رپورٹ کے مطابق دبئی شارجہ سروس روڈ کو 9 روز کے لیے بند کیا گیا۔ محکمہ انفاراسٹریکچر اور ڈویلپمنٹ کی جانب سے شاہراہ کو بند کرنے اور متبال روٹ کا اعلان بھی کردیا گیا۔
وزارت کی جانب سے جاری ہونے والے اعلامیے میں عوام کو بتایا گیا ہے کہ مرمت کی وجہ سے شارجہ کے شیخ محمد بن زاید روڈ کے سروس روڈ پر گاڑیوں کا داخلہ آئندہ 9 روز تک بند ہوگا۔
محکمے کی جانب سے بند کی جانے والی شاہراہ ال تھیقہا کلب بریج پر آتی ہے جو دبئی سے شارجہ، عجمان کی طرف آرہی ہے۔ محکمے کی جانب سے گاڑیاں رکھنے والے افراد کو متبادل روٹ بھی بتائے گئے ہیں۔
یاد رہے کہ اس شاہراہ پر سے روزانہ سیکڑوں کی تعداد میں گاڑیاں گزرتی ہیں کیونکہ یہاں سے دبئی کے مکین ابوظبی ، شارجہ اور دیگر علاقوں کو پہنچتے ہیں۔