پاکستان تحریک انصاف کے مرکزی رہنما بیرسٹر گوہر علی نے کہا ہے کہ پی ٹی آئی کسی بھی دوسری جماعت میں ضم نہیں ہو رہی ہے۔
پاکستان تحریک انصاف کے مرکزی رہنما اور نومنتخب رکن قومی اسمبلی بیرسٹر گوہر علی خان نے ایک مقامی نجی ٹی وی سے گفتگو کرتے ہوئے کہا ہے کہ پی ٹی آئی کسی پارٹی میں ضم نہیں ہو رہی تاہم مخصوص نشستوں کے حصول کے لیے ہم مجلس وحدت مسلمین (ایم ڈبلیو ایم) کا سہارا لیں گے۔
بیرسٹر گوہر نے کہا کہ پیپلز پارٹی اور ن لیگ کے ساتھ کوئی اتحاد نہیں بنائیں گے۔ پی ٹی آئی اپوزیشن میں بیٹھے گی اور تگڑی اپوزیشن کا کردار ادا کرے گی۔
پی ٹی آئی رہنما نے کہا کہ الیکشن کمیشن کے مطابق ہمارے پاس 90 نشستیں ہیں جب کہ ہم ایک سو اسی سیٹیں جیت چکے ہیں۔ ایک کے سوا تمام منتخب ارکان ہمارے ساتھ کھڑے ہیں۔
ہمارے ارکان کو 25 کروڑ کی پیشکش کی جارہی ہے، بیرسٹر گوہر
واضح رہے کہ بیرسٹر گوہر نے گزشتہ روز اڈیالہ جیل کے باہر میڈیا سے گفتگو کرتے ہوئے دعویٰ کیا تھا کہ پی ٹی آئی کے حمایت یافتہ آزاد ایک ایک امیدوار کو پچیس 25 کروڑ کی آفرہوئی ہے۔
