کراچی : معروف فیشن ڈیزائنر کے خلاف سیلز ٹیکس چوری کا مقدمہ کرلیا گیا، فیشن ڈیزائنر پر اسمگل کپڑا استعمال کرکے جعلی سیلز ٹیکس انوائسز بنانے کے الزامات ہیں۔
تفصیلات کے مطابق فیشن ڈیزائنر انڈسٹری ایف بی آر کے ریڈار پر آگئی ، معروف فیشن ڈیزائنر کیخلاف ایف بی آر نے سیلز ٹیکس چوری کا مقدمہ درج کرلیا۔.
فیشن ڈیزائنر پر اسمگل کپڑا استعمال کرکے جعلی سیلزٹیکس انوائسزسےقومی خزانےکونقصان پہنچانے کا الزام ہیں۔
ذرائع نے بتایا ہے کہ فیشن ڈیزائنر انڈسٹری کے بڑے برانڈز سیلز ٹیکس چوری میں ملوث ہیںم معروف فیشن ڈیزائنر کیخلاف ایف بی آر آئی آر انٹلی جنس کراچی کی درج ایف آئی آر اے آر وائی نیوز نے حاصل کرلی۔
دستاویزات کے مطابق 83کروڑروپےکی سیل میں 14کروڑکاسیلزٹیکس چھپایاگیا، برانڈز جی بی اور دیگرعلاقوں سےاسمگل شدہ کپڑااستعمال کرتے ہیں۔
ذرائع آئی آر انٹلی جنس کراچی کا کہنا ہے کہ ملک کے نامور فیشن ڈیزائنر جعلی سیلز ٹیکس انوائسز میں ملوث ہیں، جلد ملک بھر میں معروف فیشن ڈیزائنرز کیخلاف کریک ڈاؤن کا امکان ہے۔
مشہور برانڈز گلگت بلتستان اور دیگر علاقوں سے اسمگل شدہ کپڑا استعمال کرتے ہیں اور معروف فیشن ڈیزائنر نے مقدمہ درج ہونے پر پچاس لاکھ روپے کی ضمانت قبل از گرفتاری کرالی۔
