نجی شعبے میں آپریٹ ہونے والی نئی ائیرلائن فلائی جناح کی اسلام آباد اور کوئٹہ کے درمیان پروازوں کا آغاز آج 23جولائی سے کردیا گیا ہے۔
اس حوالے سے ترجمان ائیرلائن کا کہنا ہے کہ مذکورہ روٹ پر پہلی پرواز آج بروز اتوار سے آپریٹ کی جائے گی، اسلام آباد اور کوئٹہ کے درمیان ہفتہ وار5پروازیں آپریٹ کی جائیں گی۔
ترجمان کے مطابق اسلام آباد اور کوئٹہ روٹ پر ائیربس 320ساختہ طیارے استعمال کیے جائیں گے، دونوں شہروں کے درمیان مسافروں کو فضائی سفر کا ایک نیا موقع فراہم کیا جا رہا ہے۔
انہوں نے کہا کہ مسافر سستی سفری سہولیات کے ساتھ ساتھ آرام دہ سفر سے بھی مستفید ہو سکیں گے، کسی بھی اکانومی کیبن کے مقابلے میں زیادہ کشادہ نشستیں فراہم کررہی ہے۔
ائیرلائن ترجمان کا مزید کہنا ہے کہ فلائی جناح اسکائی کیفے کے آن بورڈ مینو کے ذریعے سستا، معیاری اور اپنی مرضی کے کھانے کا تجربہ بھی فراہم کررہی ہے۔