آسٹریا کے دارالحکومت ویانا میں دو مختلف واقعات میں چار خواتین اور 13 سالہ بچی کو بہیمانہ تشدد کے بعد قتل کر دیا گیا۔
غیر ملکی میڈیا کی رپورٹس کے مطابق ڈسٹرکٹ بریگیٹناؤ میں پولیس نے فحاشی کے اڈے سے تین خواتین کی لاشیں برآمد کیں جنہیں ممکنہ طور پر چاقو کے وار کر کے قتل کیا گیا۔
پولیس نے جائے وقوعہ کے قریب سے ایک شخص کو گرفتار کیا جس کے قبضے سے چاقو برآمد ہوا ہے۔ پولیس نے مشتبہ شخص سے تفتیش شروع کر دی۔
تاہم اب تک قتل کے پیچھے کے محرکات معلوم نہیں ہو سکے۔
قتل کے دوسرے واقعے میں پولیس نے ایک اپارٹمنٹ سے خاتون اور اس کی 13 سالہ بیٹی کی لاش برآمد کی۔ پولیس کے مطابق مقتولین کو ممکنہ طور پر گلا دبا کر یا پھر زہر دے کر موت کے گھاٹ اتارا گیا۔
پولیس نے بتایا کہ اس کیس میں خاتون کا شوہر مرکزی ملزم ہے جو فرار ہے، لاشوں کو پوسٹ مارٹم کیلیے اسپتال منتقل کر دیا۔