آج سے کرکٹ کا سب سے بڑا میلہ آئی سی سی ون ڈے ورلڈ کپ بھارت میں شروع ہو رہا ہے انٹرنیٹ سرچ انجن گوگل پر بھی کرکٹ ورلڈ کپ کا بخار چڑھ گیا ہے۔
اے آر وائی نیوز کے مطابق دنیائے کرکٹ کا سب سے بڑا میلہ آئی سی سی ون ڈے ورلڈ کپ آج سے بھارت میں سج رہا ہے۔ ڈیڑھ ماہ تک جاری رہنے والے اس ایونٹ کے لیے شائقین کرکٹ چار سال کا طویل انتظار کرتے ہیں جو آج ختم ہوگا۔
ورلڈ کپ کے 13 ویں ایڈیشن نے دنیا بھر کے شائقین کرکٹ کو بری طرح اپنے سحر میں جکڑ لیا ہے جس سے انٹرنیٹ سرچ انجن گوگل بھی نہیں بچا ہے اور اس نے ورلڈ کپ کے افتتاح کے موقع پر اپنے ڈوڈل کو کرکٹ کے رنگ میں ڈھال لیا ہے۔
کرکٹ کی عالمی جنگ کا آج سے آغاز ہوگا
اس متحرک ڈوڈل میں دو ڈک ہاتھ میں بیٹ تھامے کریز کے درمیان رنز بناتے دکھائے جا رہے ہیں جو شائقین کرکٹ کے جوش وجذبے کو مزید بڑھا رہے ہیں۔
گوگل کا کرکٹ ڈوڈل دیکھنے کے لے اس لنک پر کلک کریں۔