جماعت اسلامی کے سینیٹر مشتاق احمد خان نے کہا ہے کہ پیمرا ترمیمی بل کی سینیٹ سے پاس کرنےکی حکومتی کوشش ناکام بنا دی۔

ایکا بیان میں سینیٹر مشتاق نے کہا کہ پیمرا ترمیمی بل سینیٹ کی اسٹینڈنگ کمیٹی بھیج دیا گیا ہے مریم اورنگزیب صبح نشست پر آئیں اور بل کی منظوری کی درخواست کی لیکن میں نے بل پر تحفظات کا اظہار کیا اور کہا کہ تعاون نہیں کر سکتا۔

سینیٹرمشتاق نے کہا کہ حکومت 10ماہ سے بل پر مشاورت کر رہی تھی تو سینیٹ سے بھی کرتی، بل میں ورکرز کی بہبود کا سہارالے کر سنسرشپ کو مضبوط کیا گیا ہے پیمرا ریگولیٹر ہے اس کا کام حکومت کی بولی بولنا نہیں ہے۔

ان کا کہنا تھا کہ پیمرا ترمیمی بل اختلافی آوازوں کا گلا گھونٹنا ہے میڈیا کی آزادی سلب کرنا ہے گن پوائنٹ پر قانون سازی نہ کریں، صحافیوں کو زنجیریں نہ ڈالیں میڈیا کو ہتھکڑیاں نہ لگائیں۔

Comments