حج درخواستوں کی وصولی میں اس بار کمی دیکھنے میں آئی ہے، اس تعداد کو بڑھانے کیلئے سیلولر کمپنیز کی خدمات حاصل کرلی گئی ہیں۔
تفصیلات کے مطابق رنگ ٹونز کے ذریعے صارفین کو سرکاری حج اسکیم کی تفصیلات سے آگاہ کیا جائے گا۔ پہلی مرتبہ سرکاری حج اسکیم کے لیے رنگ ٹونز کا استعمال کیا جا رہا ہے۔ وزارت مذہبی امورنے پہلی بار ٹی وی پر بھی حج اسکیم کی تشہیر شروع کردی ہے۔
سرکاری ریگولر اور اسپانسرشپ اسکیم کی تشہیر اور رابطوں کے مثبت نتائج آنے لگے ہیں۔ سرکاری ریگولر اسکیم کے تحت اب تک 53 ہزار درخواستیں موصول ہوگئی ہیں۔
اسپانسر شپ اسکیم کے تحت اب تک ڈھائی ہزار حج درخواستیں موصول ہوسکیں۔ وزارت مذہبی امور اسپانسرشپ اسکیم کےلیے ساڑھے 22 ہزار درخواستوں کی منتظر ہے۔
اسپانسر شپ اسکیم کے لیے بیرون ملک سے ڈالرز میں درخواستیں جمع کروائی جاسکتی ہیں۔ اوورسیز پاکستانیوں کے لیے درخواستیں جمع کرانے میں رکاوٹیں دور کی جارہی ہیں۔