بھارت میں ہمیشہ ایسے مضحکہ خیز واقعات سوشل میڈیا کی زینت بن جاتے ہیں اسی طرح ایک شخص نے اپنی بیوی کی شادی اس کے دوست کے ساتھ کروا کر دو محبت کرنے والوں کو آپس میں ملا دیا۔
اسی طرح ایک واقعہ بھارتی ریاست بہار کے ضلع نواڈا پیش آیا، جہاں بلاک بسٹر فلم ’ہم دل دے چکے صنم‘ جیسا واقعہ حقیقت میں رونما ہو گیا۔
رپورٹ کے مطابق یہ واقعہ اس وقت سامنے آیا جب لڑکی رات دیر گئے اپنے دوست سے ملنے اس کے گھر گئی اور اس وقت لڑکی کا شوہر کام پر گیا ہوا تھا تاہم لڑکے کے گھر والوں نے دونوں کو رنگے ہاتھوں پکڑ لیا۔
ساس کو سگریٹ پیتا دیکھ کر دولہے کا شادی سے انکار
لڑکے کے گھر والوں نے لڑکی کے دوست کی پٹائی کی اور دونوں کو گھیرے رکھا، دونوں کو پکڑنے کے بعد کچھ افراد نے دونوں کو گاؤں بدر کرنے کا مشورہ بھی دیا۔
अनोखा ब्याह, नवादा: पति ने कराई अपनी ही पत्नी की दूसरी शादी,
रात के अंधेरे में प्रेमिका से मिलने आया था प्रेमी युगल, दोनों ही बेडरूम में ऑन द स्पॉट पकड़े गए, ग्रामीणों ने दोनों को पकड़कर नारदीगंज थाने में करा दी शादी,
#BiharNews #nawada pic.twitter.com/f5FXfWtYEG— Sonu Singh, Journalist (@BhumiharSonu) July 5, 2023
تاہم جب لڑکی کا شوہر گھر پہنچا اور اسے واقعے کا علم ہوا تو وہ دونوں کو مندر لے گیا اور دونوں کی شادی کروا دی، لڑکی سے شادی کرنے والا لڑکا بھی پہلے سے شادی شدہ اور تین بچوں کا باپ ہے۔
میڈیا رپورٹس کے مطابق لڑکی کے شوہر کی جانب سے اپنی بیوی کی شادی اس کے محبوب کے ساتھ مندر میں کروانے کی ویڈیو بھی سوشل میڈیا پر وائرل ہے۔
ویڈیو میں لڑکے کو لڑکی کے ماتھے پر سندور بھرتے بھی دیکھا جا سکتا ہے، ویڈیو میں لڑکی کو روتے بھی واضح طور پر دیکھا جا سکتا ہے۔
