راولپنڈی: جدہ جانے والے مسافروں کے بیگ سے ایک کلو 200 گرام آئس برآمد کر لی گئی، ایف آئی اے نے دونوں ملزمان کو گرفتار کرلیا گیا۔
اے آر وائی نیوز کے مطابق اینٹی نارکوٹکس فورس کی جانب سے منشیات کے خلاف ملک گیر کارروائیاں جاری ہی، اسلام آباد ایئرپورٹ پر غیرملکی پروازسے جدہ جانے والے 2 ملزمان گرفتار کرلیا گیا، ملزمان کے ٹرالی بیگ سے ایک کلو 200 گرام آئس برآمد ہوئی ہے۔
ترجمان اے این ایف کا کہنا ہے کہ بُرہان انٹرچینج اٹک کے قریب گاڑی سے 4 کلو 800 گرام چرس برآمد کرتے ہوئے ملزم کو حراست میں لے لیا گیا ہے۔
موٹروے ٹول پلازہ شیخو پورہ پر 2 گاڑیوں سے 18 کلو افیون برآمد ہوئی ہے، گاڑی میں موجود 2 ملزمان کو حکام نے گرفتارکر لیا ہے۔
اینٹی نارکوٹکس فورس کے حکام نے بتایا کہ ملتان انٹرنیشنل ایئرپورٹ پر غیرملکی پرواز سے قطر جانے والا مسافر کو بھی حراست میں لے لیا گیا ہے، ملزم کے ٹرالی بیگ میں چھپائی گئی 999 گرام آئس برآمد کر لی گئی۔
ترجمان اےاین ایف کے مطابق تمام ملزمان کے خلاف انسداد منشیات ایکٹ کے تحت مقدمات درج کر کے ان سے مزیدتفتیش جاری ہے۔