لاہور : استحکام پاکستان پارٹی نے انتخابات نئی مردم شماری پر کرانے کی حمایت کردی، جہانگیر ترین نے کہا الیکشن کچھ دن آگے ہو جائیں تو کوئی مسئلہ نہیں ہوگا۔
تفصیلات کے مطابق استحکام پاکستان پارٹی کے پیٹران چیف جہانگیرترین نے نئی مردم شماری پر انتخابات کرانےکی حمایت کردی۔
جہانگیرترین کا کہنا تھا کہ الیکشن کچھ دن آگے ہو جائیں تو کوئی مسئلہ نہیں ہوگا۔
یاد رہے اس سے قبل بھی وزیر اعظم شہباز شریف کے نئی مردم شماری کے تحت عام انتخابات کے بیان پر استحکام پاکستان پارٹی (آئی پی پی) نے کہا تھا کہ نئی مردم شماری کے تحت انتخابات ضروری ہے ہم اس کی حمایت کریں گے۔
استحکام پاکستان پارٹی نے مطالبہ کیا تھا کہ مردم شماری کے بجائے رائے شماری کو ترجیح دی جائے۔
فردوس عاشق اعوان کا کہنا تھا کہ نئی اور پرانی مردم شماری کی بحث وزیر اعظم شہباز شریف نے شروع کی، بحث میں عام انتخابات 5 سے 6 ماہ تاخیر کا شکار ہو سکتے ہیں۔
