امریکی صدر جو بائیڈن کی دعوت پر عراق کے وزیراعظم محمد شیاع السودانی اتوار کوسرکاری دورے پر واشنگٹن پہنچے ہیں۔
عرب نیوز ذرائع کے مطابق عراقی وزیر اعظم کے دورے کے موقع پر ہونے والی بات چیت میں امریکہ اور عراق کے درمیان باہمی تعاون، سکیورٹی و دفاعی شراکت داری اور اقتصادی تعلقات کے مختلف پہلو شامل ہوں گے۔
عراقی وزیراعظم کا دورہ امریکا اقتصادی تعاون کو تقویت دینے اور امریکہ اور عراق کے درمیان دیرینہ تعلقات کو مزید مضبوط بنانے کا اہم موقع ہے۔
عراق میں امریکی زیر قیادت فوجی اتحاد کے مستقبل کے بارے میں ہونے والے مذاکرات میں واشنگٹن اور بغداد کے درمیان اقتصادی تعاون پر زور دیا جائے گا۔
دوسری جانب امریکی صدر جوبائیڈن نے اسرائیلی وزیراعظم نیتن یاہو کو صاف بتادیا کہ ایران پر جارحانہ آپریشن میں حصہ نہیں لیں گے۔
امریکی نشریاتی ادارے سی این این کے مطابق وائٹ ہاؤس کے سینیئر حکام کا کہنا ہے کہ امریکی صدر جو بائیڈن نے نیتن یاہو کو بتایا کہ امریکا ایران کے خلاف جارحانہ آپریشن میں حصہ نہیں لے گا اور نہ ہی ساتھ دے گا۔
ایرانی حملوں کے بعد جی سیون ممالک کو ہوش آگیا
اسرائیلی وزیراعظم کو فون میں امریکی صدر ایرانی حملوں کی مذمت کی، صدر بائیڈن نے کہا اسرائیل پر داغے گئے تقریباً تمام ایرانی ڈرون اور میزائل امریکی مدد سے مار گرائے۔
