اسلام آباد : جسٹس سردار طارق مسعود نے بطور قائمقام چیف جسٹس حلف اٹھا لیا، وہ چیف جسٹس قاضی فائز عیسیٰ کے بیرون ملک قیام کے دوران بطور قائمقام چیف جسٹس کام کریں گے۔
تفصیلات کے مطابق چیف جسٹس قاضی فائز عیسی کی بیرون ملک روانگی کے باعث جسٹس سردار طارق مسعود نے بطور قائمقام چیف جسٹس آف پاکستان عہدے کا حلف اٹھا لیا۔
سپریم کورٹ آف پاکستان میں ہونے والی تقریب حلف برداری میں سینئر جج جسٹس اعجاز الاحسن نے قائمقام چیف جسٹس سے عہدے کا حلف لیا۔
حلف برداری تقریب میں سپریم کورٹ اور لاہور ہائی کورٹ کے ججز نے شرکت کی جبکہ اٹارنی جنرل، ریٹائرڈ ججز اور سینئر وکلاء سمیت ججز کے اہلخانہ اور بار نمائندگان بھی حلف برداری تقریب میں شریک ہوئے۔
چیف جسٹس قاضی فائز عیسیٰ کے بیرون ملک قیام کے دوران جسٹس سردار طارق مسعود قائم مقام چیف جسٹس آف پاکستان کے طور پر کام کریں گے۔