اسلام آباد: چیئرمین واپڈا سجاد غنی نے کے فور پراجیکٹ کا دورہ کیا اس دوران انھوں نے تعمیراتی کاموں کا جائزہ لیا۔
تفصیلات کے مطابق کے فور پراجیکٹ دو مراحل میں مکمل ہوگا، پہلا مرحلہ واپڈ تعمیر کررہا ہے۔ پہلا مرحلہ مکمل ہونے پر کراچی کو روزانہ 260 ملین گیلن پانی ملے گا۔ منصوبے کے پہلے مرحلے کی پی سی ون لاگت 126 ارب روپے ہے۔
کے فور پراجیکٹ پر اب تک 40 ارب روپے خرچ ہو چکے ہیں۔ کے فور پراجیکٹ کے پہلے مرحلے کا 40 فیصد کام مکمل ہوچکا ہے۔
بریفنگ کے دوران بتایا گیا کہ کے فور پراجیکٹ کی تمام 8 سائٹس پر تعمیراتی کام جاری ہے۔ کے فور پراجیکٹ کی تکمیل اکتوبر2024 میں شیڈول ہے۔
اس موقع پر چیئرمین واپڈا سجاد غنی کا کہنا تھا کہ منصوبے کی بروقت تکمیل کیلئے فنڈز کی وقت پر فراہمی ضروری ہے۔
چیئرمین واپڈا نے کہا کہ منصوبے کیلئے بجلی کی بروقت تکمیل بھی مساوی اہمیت کی حامل ہے۔ واٹر کارپوریشن کی جانب سے پانی تقسیم کے نظام میں توسیع بھی اہم ہے۔