کراچی: ڈکیتوں نے گاڑی نہ روکنے پر ٹیکسی ڈرائیور ممتاز کو گولی مار کر قتل کردیا ، مقتول ممتاز مسافروں کو ائیرپورٹ سے واپس گھرلارہا تھا۔
تفصیلات کے مطابق کراچی میں ڈکیتوں نے ایئرپورٹ سے نیوکراچی جانے والے مسافروں سےلوٹ مارکی کوشش کی اور گاڑی نہ روکنے پر ٹیکسی ڈرائیور کو قتل کردیا۔
پولیس نے بتایا کہ واقعہ بلال کالونی تھانےکی حدودنیوکراچی ڈیکاموڑکےقریب پیش آیا، مقتول ممتازعمرےکی ادائیگی کیلئےجانیوالی فیملی کوائیرپورٹ لیکر گیا تھا اور پروازمنسوخ ہونے پر مسافروں کوائیرپورٹ سے واپس گھر لا رہا تھا۔
پولیس کا کہنا تھا کہ اس دوران ڈکیتوں نے گاڑی روکنے کی کوشش کی اور گاڑی نہ روکنےپرٹیکسی ڈرائیورممتاز کو گولی ماردی۔
پولیس حکام نے جائے وقوعہ سےشواہد جمع کرلئے ہیں اور مزید تحقیقات کی جا رہی ہیں، مقتول کا تعلق نتھیا گلی سے ہے،گرین ٹاؤن میں اکیلارہائش پذیر تھا۔
لواحقین کا کہنا تھا کہ مقتول ممتاز کا بھائی ریاض بھی 8 سال قبل ڈکیتوں کی گولی کا نشانہ بنا تھا۔
