کراچی: گلستان جوہر میں شاہین فورس کے اہل کاروں کی فائرنگ سے جاں بحق ہونے والے نوجوان کی والدہ نے حکام سے انصاف کی اپیل کر دی ہے۔
تفصیلات کے مطابق کراچی کے علاقے گلستان جوہر میں گزشتہ روز پولیس اہل کاروں کی فائرنگ سے جاں بحق ہونے والے نوجوان عامر حسین کے بارے میں معلوم ہوا ہے کہ ان کا ایک 3 ماہ کا بیٹا حمزہ باپ کے سائے سے محروم ہو گیا ہے۔
’ہم عامر کی والدہ کی دوائیں لینے جا رہے تھے، بھانجی بھی ساتھ تھی، پولیس نے فائرنگ کر دی‘
مقتول عامر حسین کی والدہ نے دہائی دیتے ہوئے کہا ہے کہ ’میں اپنے 3 ماہ کے پوتے کو کیا بتاؤں گی کہ اس کا باپ کہاں ہے؟‘
بچی کے سامنے جعلی مقابلے میں عامر کی ہلاکت، دل دہلا دینے والی فوٹیجز سامنے آ گئیں
والدہ عامر نے کہا کہ میرے بیٹے کو بے گناہ قتل کیا گیا، مجھے اس کا جرم بتایا جائے، اگر شہریوں کو سڑکوں پر قتل کیا جائے گا تو عدالتیں کس لیے ہیں؟
شہری کو قتل کرنے والے شاہین فورس کے اہلکاروں کا 5 روزہ جسمانی ریمانڈ منظور
دکھی والدہ کا کہنا تھا کہ میرے بیٹے کا 3 ماہ کا بیٹا ہے حمزہ، اس کو انصاف دیا جائے، معصوم حمزہ کو پتا نہیں کہ اس کا باپ دنیا سے چلا گیا، میں اپنے پوتے کو کیا بتاؤں گی کہ اس کا باپ کہاں ہے؟
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔