کراچی میں ڈیفنس موڑ لائبریری سگنل کے قریب ٹرالر کی زد میں آکر مبینہ ڈاکو ہلاک ہوگیا۔
تفصیلات کے مطابق پولیس کا کہنا ہے کہ ہلاک ڈاکو کی لاش کو جناح اسپتال منتقل کردیا گیا ہے شناخت کا عمل جاری ہے۔
پولیس حکام کے مطابق موٹرسائیکل پر سوار دو ڈاکو لوٹ مار کے بعد فرار ہورہئے تھے راہ فرار کے بعد ٹرالر کی زد میں آکر مبینہ ڈاکو ہلاک ہوگیا۔
- Advertisement -
اس کے علاوہ کراچی کے علاقے جہانگیر روڈ کے قریب فائرنگ کے تبادلے میں 2 ڈاکو کو زخمی حالت میں گرفتار کیا گیا، پولیس کا کہنا ہے کہ ملزمان سے اسلحہ اور موٹر سائیکل برآمد کرلی ہے جبکہ ڈاکوؤں کو طبی امداد کیلئے اسپتال منتقل کردیا گیا۔
دوسری جانب یونیورسٹی روڈ کے قریب فائرنگ کا واقعہ پیش آیا ہے جس کے نتیجے میں ایک شخص زخمی ہوگیا۔ ریسکیو ذرائع کا کہنا ہے کہ زخمی کی شناخت محمد آصف کے نام سے ہوئی ہے۔
