خیبر: جمرود جیل میں منشیات کے الزام میں گرفتار قیدی دم توڑ گیا۔
تفصیلات کے مطابق پاکستان کے قبائلی علاقے خیبر ایجنسی کی تحصیل جمرود جیل میں منشیات کے الزام میں گرفتار قیدی دم توڑ گیا جس کے بعد لواحقین نے پاک افغان شاہراہ پر میت رکھ کر احتجاج کیا۔
پولیس کا کہنا ہے کہ قیدی کو 2 کلو منشیات کے الزام میں عید سے 2 دن پہلے گرفتار کیا تھا، قیدی نورلاامین کو صبح طبیعت خراب ہونے پر اسپتال منتقل کیا گیا۔
- Advertisement -
پولیس نے بتایا کہ پہلے قیدی نورلاامین کو جمرود اسپتال پھر بعد میں پشاور منتقل کیا گیا لیکن جانبر نہ ہوسکا، قیدی پہلے سے دل کے عارضہ میں مبتلا تھا۔
