لاہور : لاکھوں روپے خوردبرد میں ملوث ملزم کو محکمہ اینٹی کرپشن نے رنگے ہاتھوں پکڑ لیا، ملزم سرکاری دفتر میں درجہ چہارم کا ملازم تھا۔
تفصیلات کے مطابق اینٹی کرپشن پولیس نے سرکاری دفتر سے لاکھوں روپے خورد برد کرنے والے ملزم کو گرفتار کرلیا۔
اس حوالے سے ذرائع کا کہنا ہے کہ گرفتار ملزم نے انتہائی چالاکی سے چیف انفارمیشن کمشنر کے جعلی دستخط کرکے لاکھوں روپےخورد برد کیے۔
- Advertisement -
اینٹی کرپشن ذرائع کے مطابق ملزم عثمان خالد پنجاب انفارمیشن کمیشن میں درجہ چہارم کا ملازم تھا، ملزم عثمان ریکارڈ میں ردوبدل اور چیکس پر جعلی دستخط کرکے بھاری رقوم خورد برد کرتا تھا۔
ذرائع کا مزید کہنا ہے کہ محکمہ اینٹی کرپشن کے افسران نے مذکورہ ملزم کے خلاف چیف انفارمیشن کمشنر کی درخواست پر انکوائری شروع کی تھی۔
