بھارت کے مظفر نگر ضلع کے ایک گاؤں میں نابالغ بچی عصمت دری کا نشانہ بن گئی، جبکہ ملزم موقع سے فرار ہونے میں کامیاب ہوگیا۔
بھارتی میڈیا کے مطابق گھر والوں سے اطلاع ملنے کے بعد پولیس موقع پر پہنچی اور بچی کو ضلع اسپتال میں داخل کرایا۔ نابالغ کے والد کی جانب سے ملزم کے خلاف مقدمہ درج کرادیا گیا۔
سی او صدر راجو کمار ساؤ کا اس حوالے سے کہنا ہے کہ ایک شخص نے الزام عائد کیا ہے کہ اس کی نابالغ بیٹی کو جمعرات کی رات اسی گاؤں کے ایک نوجوان نے ورغلا کر زیادتی کا نشانہ بنایا۔ ملزم کی جلد گرفتاری کے لئے پولیس ٹیمیں تشکیل دیدی گئی ہیں۔
ایک اور معاملے میں گاؤں اکلوڑ میں ایک شادی شدہ خاتون مشتبہ حالت انتقال کرگئی، متوفی کے اہل خانہ نے قتل کا الزام لگا کر ہنگامہ کھڑا کردیا۔
رپورٹ کے مطابق گاؤں اکلوڑ میں جہیز کی لالچ میں شادی شدہ خاتون کو زہریلی چیز کھلا کر مار دیا گیا، جس کے بعد متوفی کے اہل خانہ خاتون کی لاش لے کر تھانے پہنچ گئے۔
ٹرین میں 15سالہ نابالغ لڑکی سے چھیڑ چھاڑ ملزم کو مہنگی پڑ گئی
مقتولہ کے والد نے بتایا کہ بیٹی کی شادی تقریباً سات سال قبل گاؤں اکلوڑ میں ہوئی تھی۔ بیٹی کو سسرال والوں کی جانب سے جہیز کے لئے مسلسل ہراساں کیا جارہا تھا، پولیس کی جانب سے تحقیقات کا آغاز کردیا گیا ہے۔
