اسلام آباد : نگراں وزیراطلاعات مرتضیٰ سولنگی نے پی پی رہنما فیصل کریم کنڈی کا الزام مسترد کرتے ہوئے کہا ہم نےکسی چینل کونہیں کہاکہ آصف زرداری کا کوئی کلپ چلائیں۔
تفصیلات کے مطابق نگراں وزیراطلاعات مرتضیٰ سولنگی نے اے آر وائی نیوز کے پروگرم الیونتھ آور میں پی پی رہنما فیصل کریم کنڈی کا الزام مسترد کردیا۔
مرتضیٰ سولنگی کا کہنا تھا کہ ہم نے کسی چینل کونہیں کہا کہ آصف زرداری کا کوئی کلپ چلائیں، آصف زرداری کا کلپ چلوانے کا کسی کے پاس ثبوت ہے تو پیش کرے۔
- Advertisement -
نگراں وزیراطلاعات نے کہا کہ ہمارا کام گزشتہ حکومتوں پر تنقید کرنا نہیں، ہمیں جو مینڈیٹ ملا ہے اس کے مطابق ہی کام کر رہے ہیں۔
ان کا مزید کہنا تھا کہ ہماری مدت کا تعین الیکشن کمیشن اورعدالتی نظام کرے گا، جس آئینی طریقہ کار کے مطابق نگراں حکومت بنی وہی طریقہ کارمدت کا تعین کرے گا۔
