اسلام آباد: پشاور ہائی کورٹ کی چیف جسٹس مسرت ہلالی کو سپریم کورٹ آف پاکستان کی جج تعینات کرنے کی منظوری دے دی گئی۔
چیف جسٹس پاکستان جسٹس عمر عطا بندیال کی زیرِ صدارت جوڈیشل کمیشن کا اہم اجلاس ہوا جس میں مسرت ہلالی کو سپریم کورٹ کا جج تعینات کرنے کی منظوری دے دی گئی۔
سپیرم کورٹ کے سینئر جج جسٹس قاضی فائز عیسیٰ نے بھی جسٹس مسرت ہلالی کو سپریم کورٹ کا جج تعینات کرنے کی تجویز دی۔
- Advertisement -
چیف جسٹس پشاور ہائی کورٹ کی سپریم کورٹ تعیناتی اتفاق رائے سے ہوئی۔
سپریم کورٹ میں اس وقت 15 ججز کام کر رہے ہیں جبکہ آئینی طور پر سپریم کورٹ میں 17 ججز کی گنجائش ہے۔ جسٹس مسرت ہلالی کی سپریم کورٹ میں تعیناتی سے ججز کی تعداد 16 ہو جائے گی۔