بھارتی فلم پروڈیوسر اور سیاستدان جعفر صادق کو بھارتی نارکوٹکس کنٹرول نے مبینہ طور پر 2000 کروڑ روپے کی منشیات اسمگلنگ کے الزام میں گرفتار کرلیا۔
بھارتی میڈیا رپورٹ کے مطابق بھارتی نارکوٹکس کنٹرول(این بی سی) اور دہلی پولیس کے خصوصی سیل نے تامل فلم کے پروڈیوسر جعفر صادق کو 2 ہزار کروڑ روپے کی منشیات اسمگلنگ کے الزام میں گرفتار کرلیا ہے ۔
بھارتی این سی بی کے مطابق ملزم بھارت سے آسٹریلیا اور نیوزی لینڈ میں منشیات اسمگلنگ کی کارروائیوں میں ملوث ہے جس نے اب تک بھارت سے آسٹریلیا اور نیوزی لینڈ میں 2 ہزار کروڑ کی منشیات اسمگل کی ہے۔
بھارتی این سی بی کے مطابق ملزم پروڈیوسر جعفر صادق نے ساؤتھ انڈین فلم انڈسٹری کے لیے کام کیا اور 4 فلمیں بنائی ہیں، ان کی پانچویں فلم اس ماہ کے آخر میں ریلیز ہونے والی ہے، ہمیں گزشتہ دو ہفتوں سے ملزم کی تلاش تھی۔
بھارتی حکام کا بتانا ہے کہ جعفر صادق نے 45 مرتبہ 3500 کلو ایفی ڈرین بیرون ملک بھیجی ہے، جعفر کی گرفتاری چنئی میں دو ٹرین مسافروں سے 180 کروڑ روپے کی منشیات برآمد ہونے کے بعد عمل میں آئی ہے۔