اسرائیلی وزیراعظم نیتن یاہو نے غزہ جنگ بندی کے حوالے سے امریکا کو دھمکی دے دی۔
نیتن یاہو نے دھمکی دی ہے کہ اگر امریکا سلامتی کونسل میں جنگ بندی کی قرارداد کو ویٹو نہیں کرتا ہے تو وہ واشنگٹن ڈی سی میں اسرائیلی وفد کی ملاقات منسوخ کر دیں گے۔
اسرائیلی میڈیا رپورٹ کر رہا ہے کہ وزیر اعظم نے کہا کہ اگر امریکا غزہ کی پٹی میں جنگ بندی کے لیے اقوام متحدہ کی سلامتی کونسل کی قرارداد کو ویٹو نہیں کرتا ہے تو وہ وائٹ ہاؤس کے دورے پر آنے والے وفد کی ملاقاتیں منسوخ کر دیں گے جس میں اسٹریٹجک امور کے وزیر رون ڈرمر اور قومی سلامتی شامل ہیں۔
غزہ میں فوری جنگ بندی کے لیے اقوام متحدہ کی سلامتی کونسل نے قرارداد منظور کر لی۔
الجزیرہ کے مطابق جنگ بندی کی قرارداد سلامتی کونسل کے 10 منتخب ارکان نے پیش کی ہے جس پر آج ہی ووٹنگ کی گئی۔ قرارداد کی 14رکن ممالک نے حمایت کی جب کہ امریکا نے ووٹنگ میں حصہ نہیں لیا۔
اس سے قبل روس اور چین نے جمعہ کو امریکی قراردار کے متن پر اعتراض کر کے ویٹو کر دی تھی۔
