کراچی : انٹرسال اول کے داخلوں کیلئے نئی پالیسی جاری کردی گئی، وہ طلبہ جن کا A+ اور A گریڈ ہوگا وہ کہیں بھی درخواست جمع کراسکیں گے۔
تفصیلات کے مطابق سیکریٹری کالج ایجوکیشن ڈپارٹمنٹ نے انٹرسال اول کے داخلوں کیلئےنئی پالیسی جاری کردی، سیکریٹری کالج ایجوکیشن ڈپارٹمنٹ راشداحمدکھوسو نے کہا کہ پالیسی کے مطابق پورے سندھ میں داخلے آن لائن سسٹم کے تحت ہوں گے۔
راشد احمد کھوسو کا کہنا تھا کہ آن لائن درخواستیں 27 جون سے 20 جولائی تک وصول کی جائیں گی اور 25 جولائی کو رزلٹ جاری کیا جائے گا۔
- Advertisement -
نئے زون سسٹم کے تحت بچوں کو گھر کے قریب داخلے دیئے جائیں گے، وہ طلبہ جن کا A+ اور A گریڈ ہوگا وہ کہیں بھی درخواست جمع کراسکیں گے اور جن طلباکا B,C,D گریڈ ہوگا صرف متعلقہ زون میں درخواستیں جمع کراسکیں گے۔