لاہور میں گھر سے میاں بیوی کی لاشیں برآمد ہوئی ہیں، پولیس نے واقعے کی تحقیقات کا آغاز کردیا۔

اے آر وائی نیوز کے مطابق لاہور میں تھانہ نواب ٹاؤن کی حدود میں گھر سے میاں بیوی کی لاشیں برآمد ہوئی ہے، پولیس نے لاشوں کو تحویل میں لے کر مردہ خانے منتقل کردیا۔

ذرائع کا کہنا ہے کہ متوفین کے لواحقین نے قانونی کارروائی سے انکار کردیا۔

پولیس کے مطابق پی سی ایس آئی آر سوسائٹی فیز ٹو کے بی بلاک میں گھر سے 26 سالہ حسن رضا کی پنکھے سے لٹکی لاش ملی جبکہ گھر کے دوسرے کمرے کے بیڈ پر خاتون مردہ حالت میں پائی گئی۔

پولیس کا کہنا ہے کہ اموات کی وجہ تاحال معلوم نہ ہوسکی، اہلخانہ نے رسی کاٹ کر حسن کی لاش پنکھے سے اتاری۔

مزید پڑھیں: لاہور میں میاں بیوی کی گلا کٹی لاشیں برآمد

پولیس کے مطابق ورثا کی اطلاع پر موقع پر پہنچ کر فرانزک کے ہمراہ شواہد اکٹھے کرکے لاشوں کو مردہ خانے منتقل کرکے مختلف پہلوؤں سے تفتیش کا آغاز کردیا گیا ہے۔

واضح رہے کہ رواں سال اپریل میں لاہور کے علاقے کوٹ لکھپت سے میاں بیوی کی گلا کٹی لاشیں برآمد ہوئی تھیں۔

پولیس کا کہنا تھا کہ مقتولین کی شناخت 62 سالہ ادریس اور 58 سالہ نگہت کے ناموں سے ہوئی ہے، ملزمان نے دونوں میاں بیوی کو گھر میں گھس کر قتل کیا۔

کراچی: نیشنل ہائی وے اتھارٹی نے موٹر وے ایم نائن پر سفر کرنے والوں کے ٹول ٹیکس میں ‏اضافہ کر دیا ہے۔

کار کا فی کلو میٹر 1 روپے 71 پیسے سے ریٹ بڑھا کر 1 روپے 99 پیسے کر دیا گیا جب کہ ویگن ‏کا 2 روپے 85 پیسے سے بڑھا کر 3 روپے 32 پیسے۔ کوسٹر اور مزدے کا 4 روپے سے بڑھا کر 4 ‏روپے 67 پیسے فی کلو میٹر مقرر کر دیا گیا ہے۔

بس کا 5 روپے 70 پیسے سے بڑھا کر 6 روپے 65 پیسے فی کلو میٹر مقرر کیا گیا ہے۔ ٹرک کا 7 ‏روپے 67 پیسے سے بڑھا کر 8 روپے 95 پیسے فی کلو میٹر مقرر کیا گیا ہے۔ ٹریلر کا 9 روپے 77 ‏پیسے سے بڑھا کر 11 روپے 40 پیسے فی کلو میٹر مقرر کر دیا گیا ہے۔

دوسری جانب گڈز ٹرانسپورٹرز نے ٹول ٹیکس میں اضافے کو مسترد کر دیا۔ ٹرانسپورٹرز کا کہنا ہے ‏کہ ڈیزل اور ٹول ٹیکس میں اضافہ واپس نہ لیا گیا تو پورے پاکستان کی مال بردار گاڑیوں کو کھڑی ‏کرکے مال کی ترسیلات بند کر دیں گے۔

کراچی میں قائم قدیم جوبلی مارکیٹ کی دکانیں زمین بوس ہوگئیں جس کے بعد مارکیٹ کو سیل کردیا گیا۔

اے آر وائی نیوز کے مطابق کراچی میں قائم جوبلی مارکیٹ کے اطراف نالے پر بنیں 8 سے 10 دکانیں زمین بوس ہوگئیں جس کے نتیجے میں متعدد دکانوں اور راستے کو نقصان پہنچا۔

پولیس کا کہنا ہے کہ دکانیں جوبلی مارکیٹ کے اطراف نالے پر بنی ہوئی تھیں۔

اسسٹنٹ کمشنر نے جائے وقوعہ پر میڈیا سے گفتگو کرتے ہوئے کہا کہ نالہ کمزور ہونے سے دکانیں دھنس گئی ہیں، دکانیں نالے کے اطراف بنی ہوئی تھیں۔

انہوں نے کہا کہ جوبلی مارکیٹ کو سیل کردیا گیا ہے۔

اسسٹنٹ کمشنر نے کہا کہ واقعے میں کوئی جانی نقصان نہیں ہوا، ٹیکنیکل ٹیم معاوئنہ کررہی ہے، مارکیٹ کا معائنہ کرنے کے بعد اسے کھولنے یا نہ کھولنے کا فیصلہ کیا جائے گا۔

دوسری جانب پولیس حکام کا کہنا ہے کہ ہوسکتا ہے گیس بھرجانے کے باعث نالہ بیٹھ گیا ہو، واقعے کی تحقیقات جاری ہیں۔