اسلام آباد: نور مقدم قتل کیس کے مرکزی ملزم ظاہر جعفر کی ڈرامے بازیاں کام نہ آئیں عدالت میں فٹ قرار دے دیا گیا۔

اے آر وائی نیوز کے مطابق اڈیالہ جیل کے ڈاکٹرز نے اسلام آباد کے ایڈیشنل ڈسٹرکٹ اینڈ سیشن جج عطا ربانی کی عدالت میں نور مقدم قتل کیس کے مرکزی ملزم ظاہر جعفر کی مکمل میڈیکل رپورٹ پیش کردی۔

ملزم کو آج بھی اسٹریچر پر لایا گیا تھا اس سے پہلے وہ وہیل چیئر پر آتا جاتا رہا ہے۔

ظاہر جعفر کے وکیل نے تفتیشی آفیسر سے جرح مکمل کی، اڈیالہ جیل حکام نے عدالت میں ملزم ظاہر جعفر کی میڈیکل رپورٹ پیش کی جس کے بعد ملزم کو مکمل فٹ قرار دیا گیا۔

ڈاکٹروں کا کہنا ہے کہ ملزم کا ایک نہیں کئی بار طبی معائنہ کروایا گیا، ماہر نفسیات نے بھی معائنہ کیا سب نے اسے فٹ قرار دیا۔

واضح رہے کہ ایڈیشنل سیشن جج نے محفوظ فیصلہ سناتے ہوئے مرکزی ملزم ظاہر جعفر کیلئے میڈیکل بورڈ کی درخواست مسترد کردی۔

،مزید پڑھیں: نور مقدم قتل کیس میں ڈرامائی موڑ ، ملزم ظاہر جعفر کو ذہنی مریض ثابت کرنے کی کوشش

نور مقدم قتل کیس میں ملزم ظاہر جعفر کو سزا سے بچانے کیلئے ذہنی مریض ثابت کرنے کی کوشش کی جارہی ہے ، مدعی شوکت مقدم کے وکیل شاہ خاور نے اے آر وائی نیوز سے گفتگو کرتے ہوئے کہا تھا کہ کیس میں ملزم کے ذہنی مریض ہونے کی درخواست شروع میں دی جاتی ہے ، ابھی کیس اپنے انجام کے قریب ہے۔

وکیل شاہ خاور کا کہنا تھا کہ ملزم کوبچانےکےلئے سوچی سمجھی منصوبہ بندی کےتحت یہ درخواست دی گئی لیکن یہ آخری حربہ تھا، میرا خیال ہےکہ ان کا یہ حربہ ناکام ہو جائے گا۔

مدعی وکیل نے مزید کہا تھا ملزم کےخلاف شواہداس قدر مضبوط ہیں کہ امیدہے کہ اسے سخت سزا ملے گی۔

پنجاب کی عوام کوکورونا وائرس سے بچانے کیلئے صوبہ بھرمیں لاک ڈاؤن سخت کرنے کا فیصلہ کیا گیا ہے۔

محکمہ پرائمری اینڈ سیکنڈری ہیلتھ کیئر کی جانب سے نوٹیفیکشن جاری کردیاگیا ہے اور وزیراعلی پنجاب کی ہدایات پر ویکسی نیشن مہم اور NPIs پر عمل درآمد تیز کرنے کے احکامات جاری کیے گئے ہیں۔

کورونا وائرس پازیٹوٹی شرح کے مطابق پنجاب کے محتلف علاقوں میں پابندیوں کا اطلاق کیا جا رہا ہے۔ 10 فیصد سے زائد پازیٹویٹی شرح والے علاقوں میں پابندیاں سخت کرنے کا فیصلہ کیا گیا ہے۔ لاہور اور راولپنڈی میں کورونا وائرس کی شرح 10 فیصد سے زائد ہے۔

سیکرٹری محکمہ پرائمری اینڈسیکنڈری ہیلتھ کیئر عمران سکندر بلوچ کے مطابق نوٹیفیکشن پنجاب بھر میں 31 جنوری تک نافذ العمل رہے گا، پنجاب بھر میں شادی کی تقریبات پر نافذ پابندیاں 24 جنوری سے 15 فروری تک جاری رہیں گی کاروباری سرگرمیاں اور دفتری امور معمول کے مطابق چلیں گے ہر قسم کے انڈور ڈائننگ پر 21 جنوری سے مکمل پابندی عائد کی جا رہی ہے۔

نوٹیفکیشن کے مطابق ہر قسم کے انڈور اجتماعات، شادی کی تقریبات، پر 24 جنوری سے مکمل پابندی عائد کی جا رہی ہے۔ صوبہ بھر میں آوٹ ڈور اجتماعات ،شادی کی تقریبات کی مکمل ویکسینیٹد 300 افراد کی گنجائش کے ساتھ اجازت ہو گی جب کہ آوٹ ڈور ڈائیننگ کیلئے صرف مکمل ویکسینیٹد افراد کو اجازت ہو گی۔

صوبہ بھر کے تمام مزارات، جمز اور سینما گھروں کو 50 فیصد گنجائش کے ساتھ کام کرنے کی اجازت ہو گی ہر قسم کی کانٹیکٹ سپورٹس پر مکمل پابندی عائد ہو گی۔

پنجاب بھرمیں ہر قسم کی پبلک ٹرانسپورٹ 20 جنوری سے 70 فیصد گنجائش کے ساتھ چل سکے گی جب کہ ریل گاڑی 80 فیصد گنجائش کے ساتھ چل سکے گی۔

مکمل ویکسی نیٹد افراد کے ساتھ کنٹرول ٹورزم کی اجازت ہو گی البتہ تمام تفریحی مقامات، پولز اور پارکس 50 فیصد گنجائش کے ساتھ کھلے رہیں گے۔ تعلیمی ادارے 12 سال سے زائد عمر کے بچوں کی 100 فیصد تعداد کے ساتھ کھلے رہیں گے۔ تعلیمی ادارے 12 سال سے کم عمر کے بچوں کے50 فیصد تعداد کے ساتھ متفرق دنوں میں کھلے رہیں گے۔ 12 سال سے زائد عمر کے تمام افراد کی مکمل ویکسی نیشن کروانے کی جامع منصوبہ کی گئی ہے۔

لاہور کے انار کلی بازار میں ہونے والے دھماکے میں 9 سالہ بچہ ابصار بھی زندگی کی بازی ہار گیا، ماموں اسپتال انتظامیہ کی نااہلی پر آبدیدہ ہوگئے۔

اے آر وائی نیوز سے گفتگو کرتے ہوئے بچے ابصار کے ماموں نے روتے ہوئے بتایا کہ دھماکے میں بھانجا شدید زخمی تھا، وہ میری گود میں سانسیں لے رہا تھا میں اپنے بچے کو بچا نہیں سکا، اسپتال انتظامیہ نے کہا ادھر لے جاؤ پھر کہا گیا دوسری طرف لے جاؤ۔

ماموں نے بتایا کہ بروقت امداد ہوتی تو میرا بچہ بچ جاتا یہاں بے حس لوگ موجود ہیں، کسی نے مدد نہیں کی میں اپنے بچے کو اٹھا کر بھاگتا رہا۔

انہوں نے کہا کہ میں کراچی سے آیا تھا مجھے تو یہاں اسپتالوں کا بھی معلوم نہیں تھا کسی طرح اسپتال پہنچا تو انہوں نے کہا بچہ وارڈ میں لے کر جائیں پھر کہا گیا دوسری طرف لے کر جائیں اسی اثنا میں بھانجے نے میری گود میں تڑپٹا رہا اور آخر میں اس کی لاش تھما دی گئی۔

متوفی کے نانا نے بتایا کہ ابصار کی والدہ کراچی کے علاقے کورنگی کی رہائشی تھیں شادی کے بعد مظفر آباد منتقل ہوئی تھیں، ابصار نانا نانی سے ملنے کے لیے کراچی آرہا تھا میں نے اس کے لیے سائیکل خریدی تھی۔

نانی نے بھی نواسے کی موت پر شدت غم سے نڈھال ہیں انہوں نے کہا کہ ہنستا کھیلتا بچہ چلا گیا میری بیٹی کیسے صبر کرے گی۔

واضح رہے کہ لاہور کی انار کلی بازار میں ہونے والے دھماکے میں 9 سالہ بچے سمیت 2 افراد جاں بحق اور 25 افراد زخمی ہوئے جبکہ زخمیوں میں حالت تشویش ناک بتائی گئی ہے۔