اے آر وائی ڈیجیٹل کے مقبول ڈرامہ سیریل ’جلن‘ کی یاد اداکار فہد شیخ نے تازہ کردی ہے۔

فوٹو اور ویڈیو شیئرنگ ایپ انسٹاگرام پر اداکار فہد شیخ نے ویڈیو شیئر کی جس میں اداکارہ منال خان ان سے ہاتھ ملارہی ہوتی ہے جسے وہ یہ کہتے ہوئے کردیتے ہیں کہ ’میں لڑکیوں سے ہاتھ نہیں ملاتا۔‘

اس پر منال خان کہتی ہیں کہ ’دن بدل گئے ہیں لیکن سوچ نہیں بدلی ہے۔‘

فہد شیخ کہتے ہیں کہ ’ٹھیک کہا، آج بھی مجھے چمکتی ہوئی چیزیں متاثر نہیں کرپاتیں۔‘

واضح رہے کہ جلن میں فہد شیخ نے ’احمر‘ کا کردار نبھایا تھا جبکہ منال خان اس ڈرامے میں ’نشا‘ منفی کردار میں دکھائی دی تھیں جو اپنے بہنوئی سے چکر چلاتی ہیں۔

View this post on Instagram

A post shared by Fahad Sheikh (@imfahadsheikh)

آخری قسط میں نشا ٹریفک حادثے میں جھلس کر زخمی ہوجاتی ہے اور اس کا چہرہ بری طرح متاثر ہوتا ہے جبکہ میشا کو چھوڑ کر نشا نے شادی کرنے والے اصفی (عماد عرفانی) کا انتقال ہوجاتا ہے۔

اصفی کی موت پر اس کی بہن (نادیہ حسین) کہتی ہے کہ چلو مرنے کے بعد تم دونوں پھر مل گئے اب تمہیں کوئی جدا نہیں کرسکتاجبکہ نشا حادثے کے بعد گھر نہیں جاتی اور کسی دوسری جگہ منتقل ہوتی ہے جہاں اسے کوئی پوچھنے والا نہیں ہوتا اور خواتین اس پر طنز کرتے ہوئے اس کا ماضی دوسروں کو بتارہی ہوتی ہیں۔

کام کے محاذ پر فہد شیخ ان دنوں اے آر وائی ڈیجیٹل کے ڈرامہ سیریل ’آپا شمیم‘ میں ’عبدالباری‘ کا مرکزی کردار ادا کررہے ہیں جبکہ منال خان شادی کے بعد انڈسٹری سے دور ہیں۔

اداکارہ طوبیٰ انور کا کہنا ہے کہ اگر پیسے نہیں ملیں گے تو میں وہ ڈرامہ بالکل بھی نہیں کرسکتی۔

اے آر وائی ڈیجیٹل کے ڈرامہ سیریل ’بے بی باجی‘ سے شہرت حاصل کرنے والی اداکارہ طوبیٰ انور نے حال ہی میں دنانیر مبین کے شو میں شرکت کی اور مختلف موضوعات پر اظہار خیال کیا۔

انہوں نے اعتراف کیا کہ وہ بغیر معاوضہ ڈرامے میں کام نہیں کرسکتیں اور لوگوں کے بارے میں برا کہنا بھی پسند نہیں ہے۔

جب ان سے ان کی نمایاں خوبی کے بارے میں پوچھا گیا تو انہوں نے کہا کہ میں بغیر کسی وجہ سے کسی کی برائی نہیں کرتی اور یہ میری اچھی عادت ہے۔

 

View this post on Instagram

 

A post shared by Galaxy Lollywood (@galaxylollywood)

طوبیٰ انور نے کہا کہ میری کوشش ہوتی ہے کہ اس طرح کی چیزوں میں نہ پڑوں، مجھے ڈرامے کرنا بالکل پسند نہیں ہے اور مجھے کسی بھی قسم کے ڈرامے میں دلچسپی نہیں ہے جس کے لیے مجھے معاوضہ نہیں دیا جائے۔

اداکارہ نے کہا کہ میں اپنی والدہ سے کہہ رہی تھی کہ امی میں یہاں نہیں روؤں گی کیونکہ مجھے اپنے آنسو بہانے کے لیے پیسے نہیں دیے جارہے۔

کام کے محاذ پر طوبیٰ انور نے آخری بار اے آر وائی ڈیجیٹل کے ڈرامہ سیریل ’بے بی باجی کی بہوئیں‘ میں ’فرحت‘ کا کردار نبھایا تھا جس میں وہ جنید جمشید نیازی کی اہلیہ بنی تھیں۔

اس کے علاوہ اداکارہ نے ڈرامہ سیریل ’تیرے جانے کے بعد‘ میں بھی منفی کردار ادا کیا ہے۔