لاہور: گورنرپنجاب چوہدری محمد سرور کا کہنا ہے کہ حکومت چھوٹے کاروباری طبقے کے لیے آسانیاں پیدا کررہی ہے، اہم سہولتیں میسر آئیں گی۔

تفصیلات کے مطابق گورنرپنجاب چوہدری سرور سے بزنس کمیونٹی کے وفد نے ملاقات کی اس موقع پر ملک میں کاروباری شعبے کے حوالے سے تبادلہ خیال کیا گیا اور کورونا صورت حال پر بھی روشنی ڈالی گئی۔

چوہدری محمد سرور نے کہا کہ وزیراعظم کا ریاست مدینہ کا مشن ضرور کامیاب ہوگا، سیاسی مخالفین اچھے کام میں رکاوٹیں ڈالنے کی پالیسی پر گامزن ہیں۔

ان کا کہنا تھا کہ ناانصافی کے خاتمے کے لیے حکومت عملی اقدامات کررہی ہے۔

گورنر نے بتایا کہ عوام کو مہنگائی سے نجات دلانا حکومت کی اولین ترجیح ہے، معاشی کامیابیوں کوعالمی ادارے تسلیم کررہے ہیں، حکومت چھوٹے کاروباری طبقے کیلئے آسانیاں پیدا کررہی ہے۔

انہوں نے مزید کہا کہ ہماری انڈسٹری، زراعت اور خدمات کے شعبے بہتر ہورہے ہیں۔

کراچی: شہرقائد سے وفاقی دارالحکومت جانے والا طیارہ حادثے سے بال بال بچ گیا۔

تفصیلات کے مطابق کراچی سے اسلام آباد پہنچے والی نجی ایئرلائن کی پرواز سے پرندہ ٹکرایا لیکن خوش قسمتی سے کوئی حادثہ پیش نہیں آیا۔ نیو اسلام آبادانٹرنیشنل ایئرپورٹ پر طیارہ حادثے سے بچ گیا۔

لینڈنگ سے قبل طیارہ سے پرندہ ٹکرایا تاہم طیارے کو بحفاظت اتار لیا گیا۔ نجی ائیرلائن کی پروازای آر500کراچی سےاسلام آبادائیرپورٹ لینڈ کررہی تھی۔

ایئرلائن انتظامیہ کا کہنا ہے کہ پرندہ ٹکرانے سے ائیر بس330طیارہ کے لینڈنگ گیئر کو نقصان پہنچا۔ پائلٹ نےجہازکوبحفاظت اتارا، طیارے کو گراؤنڈ کردیا گیا ہے، کراچی سے دوسری پرواز کے ذریعے طیارہ کے پرزاجات منگوانے ہیں۔

انتظامیہ نے بتایا کہ پرندہ ٹکرانے کے باعث کراچی جانے والی پرواز تاخیر کا شکار ہوگئی، مسافروں کو دوسرےطیارےکےذریعے کراچی روانہ کیا جائے گا، مسافروں کو تمام سہولتیں فراہم کی جارہی ہیں۔