اتوار, جون 29, 2025
ہوم بلاگ صفحہ 14049

کوئٹہ جانے والی قومی ایئرلائن کی پرواز تاخیر کا شکار، مسافر پریشان

0
پی آئی اے

لاہور : پاکستان ایئرلائن کے ذریعے کوئٹہ جانے والے مسافر پرواز میں تاخیر کے باعث لاہور ایئرپورٹ پر رُل گئے۔

تفصیلات کے مطابق پنجاب کے دارالحکومت لاہور سے کوئٹہ جانے والے پاکستان ایئرلائن کی پرواز تین گھنٹے تاخیر کا شکار ہوگئی۔

پرواز میں تاخیر کے باعث علامہ اقبال ایئرپورٹ پر بیٹھے مسافر رل گئے، مسافروں کو کہنا ہے کہ پرواز نے صبح دس بج کر پچاس منٹ پر کوئٹہ کےلیے روانہ ہونا تھا، لیکن تین گھنٹے گزر گئے ہمیں ابھی تک انتظار کروایا جارہا ہے۔

مسافروں نے کہا کہ پی آئی اے انتظامیہ کی جانب سے پہلے کہا گیا کہ پرواز 12 بجے روانہ ہوگی بعد میں کہا گیا کہ پرواز 1:30 پر اڑان بھرے لیکن یہ انتظامیہ کا یہ وعدہ بھی جھوٹا نکلا۔

مسافروں کو شکوہ ہے کہ پی آئی اے کی اکثر پروازیں تاخیر کا شکار ہوجاتی ہیں، بغیر کچھ کھائے پیے ہم مسلسل تین گھنٹے سے پرواز کا انتظار کررہے ہیں لیکن انتظامیہ کو کوئی پرواہ نہیں۔

سمندری طوفان کس خلیجی ملک سے ٹکرا گیا؟ بڑی تباہی (کمزور دل حضرات نہ دیکھیں)

0

مسقط: سمندری طوفان ‘شاہین’ خلیجی ملک عمان کے ساحل سے ٹکرا گیا جس کے نتیجے میں نظام زندگی درہم برہم ہے، کئی علاقے سیلاب کا سامنا کررہے ہیں۔

عرب میڈیا کی رپورٹ کے مطابق سمندری طوفان آج اتوار کی صبح سلطنت عُمان کے ساحل سے ٹکرایا، متعدد جگہوں پر سیلابی صورت حال ہے، موسلا دھار بارشوں اور تیز آندھی کی تصاویر و وڈیو کلپس سوشل میڈیا پر وائرل ہوگئیں۔

رپورٹ میں بتایا گیا کہ شاہین طوفان کے سبب مسقط صوبے میں انتہائی تیز بارشیں ہو رہی ہیں۔

عمانی شہری دفاع کا کہنا ہے کہ طوفان کے باعث مختلف حادثات بھی رونما ہوئے، شدید مالی نقصانات کا بھی سامنا کرنا پڑا جبکہ پھنسے ہوئے 25 شہروں کو محفوظ مقامات پر منتقل کیا گیا ہے۔

متعلقہ ادارے نے بتایا کہ شاہین طوفان کا مرکز مسقط صوبے سے تقریبا 130 کلو میٹر دور ہے جبکہ مرکز کے گرد ہوا کی رفتار کا اندازہ 116 کلو میٹر فی گھنٹہ ہے۔

ادھر عمانی وزارت صحت نے شاہین طوفان کے اثرات سے نمٹنے کے لیے نیشنل ایمرجنسی پلان نافذ کردیا۔

پاک بحریہ اور رائل سعودی نیول فورسز کی مشترکہ بحری مشق

0

کراچی: پاک بحریہ اور رائل سعودی نیول فورسز کی دو طرفہ بحری مشق نسیم البحر 13 کا آغاز ہوگیا، مشق کا مقصد دونوں ممالک میں دو طرفہ تعلقات کو مزید فروغ دینا ہے۔

تفصیلات کے مطابق پاک بحریہ اور رائل سعودی نیول فورسز کی دو طرفہ بحری مشق نسیم البحر 13 کا آغاز ہوگیا، مشق نسیم البحر پاکستانی اور سعودی بحری افواج میں باقاعدگی سے منعقد کی جاتی ہے۔

مشق میں بحری جہاز، فضائی اثاثے اور رائل سعودی ایئر فورس کے جہاز شرکت کریں گے، روایتی و غیر روایتی خطرات کے خلاف مشترکہ میری ٹائم آپریشنز کا انعقاد ہوگا۔

ترجمان پاک بحریہ کا کہنا ہے کہ مشق نسیم البحر مشترکہ میری ٹائم آپریشنز کی صلاحیت میں اضافے کا باعث بنے گی، مشق کا مقصد دونوں ممالک میں دو طرفہ تعلقات کو مزید فروغ دینا ہے۔

مسافروں کے لیے بری خبر!

0

کراچی: قومی ایئرلائن(پی آئی اے) کی پرواز تاخیر کا شکار ہونے سے مسافر رل گئے۔

تفصیلات کے مطابق لاہور سے پی آئی اے کی کوئٹہ جانے والی پرواز تین گھنٹے تاخیر کا شکار ہے جس کے باعث مسافر شدید مشکلات کا سامنا کررہے ہیں۔

مسافروں نے شکوہ کیا کہ لاہور سے کوئٹہ کی پرواز نے صبح 10:50پر روانہ ہونا تھی لیکن ہمیں 3گھنٹے سے انتظار کروایا جا رہا ہے۔

پریشان مسافروں کا کہنا ہے کہ پہلے کہا گیا پرواز12بجے روانہ ہوگی بعد میں کہاگیا پرواز1:30پر روانہ ہوگی، بغیر کچھ کھائے پرواز کا انتظار کر رہے ہیں۔

انہوں نے یہ بھی کہا کہ پی آئی اے کی اکثر پروازیں تاخیر کا شکار ہوتی ہیں۔

خیال رہے کہ حالیہ دنوں کراچی میں طوفانی بارشوں کی پیش گوئی کے پیش نظر بھی کئی پروازیں تاخیر کا شکار ہوئی تھیں۔

سمندری طوفان کے حوالے سے بڑی خبر!

0

صوبہ بلوچستان کے شہر گوادر کے ساحل پر سمندری طوفان کا خطرہ ٹل گیا ہے۔

تفصیلات کے مطابق سمندری طوفان کا خطرہ ٹلنے کے بعد سمندر میں ڈوبی ہوئی کشتیوں کے باقیات نکالنے کا کام جاری ہے، جبکہ شہر میں گزشتہ36گھنٹوں سے معطل بجلی جزوی طور پر بحال ہونا شروع ہوگئی۔

گوادر میں اور اس کے مضافات میں تاحال ہلکی بارش اور بوندا باندی جاری ہے۔

ادھر ایکسیئن واپڈا کا کہنا ہے کہ تیز ہواؤں کے باعث 3 درجن سے زائد کھمبے گر چکے ہیں، گرنے والے پولز کی تنصیب کا کام جاری ہے۔

محکمہ آب رسانی نے بتایا کہ آنکاڈہ ڈیم میں ایک سال کے لیے پانی جمع ہوگیا، سوڑ اور شادی کور ڈیموں میں بھی وافر مقدار میں پانی جمع ہوگیا ہے۔

پنڈی اسٹیڈیم میں نیشنل ٹی 20 کا آخری روز: سدرن اور سینٹرل پنجاب ایکشن میں نظر آئیں گے

0

راولپنڈی اسٹیڈیم میں نیشنل ٹی ٹوئنٹی کپ کا آج آخری روز ہے جس میں دو میچز کھیلے جائیں گے۔

پنڈی اسٹیڈیم میں کھیلے جارہے نیشنل ٹی ٹوئنٹی کپ کا آج آخری روز ہے جس میں پہلا مقابلہ دوپہر تین بجے خیبرپختونخوا اور نادرن کے مابین ہوگا۔

قومی ستاروں سے سجی نیشنل ٹی ٹونٹی کی کہکشاں کے آخری روز دوسرا مقابلہ شام ساڑھے 7 بجے سدرن پنجاب اور سینٹرل پنجاب میں کھیلا جائے گا۔

واضح رہے کہ سدرن پنجاب پانچ میچز کھیلنے کے بعد ایک بھی فتح حاصل کرنے میں ناکام رہی ہے۔

پوئنٹس ٹیبل پر خیبرپختونخوا اور سندھ کی ٹیموں نے آٹھ آٹھ پوائنٹس حاصل کیے ہیں جب کہ سینٹرل پنجاب اور ناردرن کے چھ چھ اور بلوچستان کے چار پوائنٹس ہیں۔

وادی سون میں ہزاروں سال قدیم قلعے کے آثار برآمد

0

لاہور: وزیر اعلیٰ پنجاب سردار عثمان بزدار کی ہدایت پر ماہرین آثار قدیمہ کی وادی سون میں مہم کامیاب رہی، وادی سون میں ہزاروں سال قدیم و تاریخی قلعہ تلاجہہ کے آثار برآمد ہوگئے۔

تفصیلات کے مطابق صوبہ پنجاب میں ہزاروں سال قدیم و تاریخی آثار قدیمہ کی دریافت پر کام جاری ہے، وزیر اعلیٰ پنجاب عثمان بزدار کی ہدایت پر ماہرین آثار قدیمہ کی وادی سون میں مہم کامیاب رہی۔

وادی سون میں ہزاروں سال قدیم و تاریخی قلعہ تلاجہہ کے آثار برآمد ہوگئے، پنجاب یونیورسٹی کی آرکیالوجی ٹیم خوشاب نے نوشہرہ کے نواح میں کام شروع کردیا۔

وزیر اعلیٰ عثمان بزدار کا کہنا ہے کہ سیاحتی مقامات کی ڈویلپمنٹ سے پنجاب کو ٹورازم حب بنائیں گے، آثار قدیمہ کی دریافت غیر ملکی سیاحوں اور محققین کے لیے دلچسپی کا باعث ہوگی۔

انہوں نے کہا کہ سیاحت کو فروغ دے کر مقامی معیشت کو فروغ دیا جائے گا۔

’کوئی آپ کی جگہ نہیں لے سکتا‘ عمرشریف کے انتقال پر مہوش حیات کا پیغام

0

پاکستانی اسٹار مہوش حیات نے لیجنڈری کامیڈی کنگ کے انتقال پر اظہار افسوس کرتے ہوئے کہا کہ عمر شریف آپ کا شکریہ جو مسکراہٹیں ہمارے چہرے پر بکھیریں اور خوشیاں ہماری زندگیوں میں لائے۔

پاکستانی شوبز انڈسٹری سے تعلق رکھنے والی مایہ ناز اداکارہ مہوش حیات نے عمر شریف کے انتقال پر گہرے رنج و غم کا اظہار کرتے ہوئے مداحوں سے ان کےلیے دعائے مغفرت کی درخواست کی اور ٹوئٹ میں کہا کہ ’کوئی بھی آپ کی جگہ نہیں لے سکتا‘۔

مہوش حیات نے اپنے ٹوئٹر پیغام میں کہا کہ ’قوم ایک اور عظیم لیجنڈ، کامیڈی کے بادشاہ کے انتقال پر سوگوار ہے‘۔

کامیڈی کنگ عمر شریف کی زندگی پر ایک نظر

واضح رہے کہ گزشتہ روز لیجنڈ کامیڈین عمر شریف طویل علالت کے بعد جرمنی کے اسپتال میں 66 برس کی عمر میں انتقال کر گئے۔

خیال رہے کہ اسٹیج ڈراموں کے بے تاج بادشاہ نے 1980ء میں پہلی بار آڈیو کیسٹ سے اپنے ڈرامے ریلیز کیے، جو پاکستان کے ساتھ ساتھ بھارت میں بھی کافی مقبول ہوئے۔

سعودی حکومت کی نئی پابندیاں، غیرملکی مشکل میں پھنس گئے

0

ریاض: سعودی حکام نے مقامیوں کے نام سے غیرملکیوں کے کارگو ٹرانسپورٹ پر نئی پابندیاں عائد کردیں۔

عرب میڈیا کی رپورٹ کے مطابق مملکت کی حکومت نے سعودی شہریوں کے نام سے تارکین وطن کے کارگو ٹرانسپورٹ کے انسداد کے لیے نئے سخت ضابطے مقرر کیے ہیں۔

حکام نے پابندی عائد کی ہے کہ سعودیوں کے نام سے کاروبار کرنے والے غیرملکیوں کے ٹرکوں کو کسٹم میں آنے جانے کی اجازت نہیں ہوگی۔

اسی طرح کوئی تارکین وطن ڈرائیور ہیوی ڈرائیونگ لائسنس حاصل کرنا چاہے گا تو ایسی صورت میں اس سے پبلک ٹرانسپورٹ اتھارٹی کی جانب سے جاری کردہ پروفیشنل کارڈ طلب کیا جائے گا۔

سعودی عرب: گاڑی مالکان اور ڈرائیورز ہوجائیں ہوشیار!

جبکہ سامان لادنے کے معاہدے صرف ان لوگوں کے ساتھ کیے جائیں گے جن کے پاس شاہراہوں پر سامان لانے لے جانے کے لیے پبلک ٹرانسپورٹ اتھارٹی کا اجازت نامہ ہوگا۔

نئے قوائد وضوابط کے تحت کارگو سروس کے بل کی ادائیگی میں اس بات کی پابندی کی جائے گی کہ پبلک ٹرانسپورٹ اتھارٹی کی منظور شدہ دستاویز رکھنے والے ٹرکوں ہی کے کارگو بل ادا ہوں گے اس طرح درپردہ معاملہ طے کرکے کارگو سروس فراہم کرنے والے غیرملکیوں کے کاروبار کا انسداد ممکن ہے۔

سعودی عرب: ‘6 ماہ بعد ملک بدر کردیا جائے گا’ تارکین وطن خبردار!

کارگو ٹرانسپورٹ کے حوالے سے دیگر اصول بھی طے کیے گئے ہیں جن پر عمل کرنا لازمی ہے۔

کرونا وائرس: ملک بھر میں 1 ہزار سے زائد نئے کیسز رپورٹ

0

اسلام آباد: ملک بھر میں کرونا وائرس کے مثبت کیسز کی شرح 3.26 فیصد ہوگئی، گزشتہ 24 گھنٹے میں 1 ہزار سے زائد نئے کیسز رپورٹ ہوئے۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 35 مریض انتقال کر گئے جس کے بعد کرونا وائرس سے مجموعی اموات کی تعداد 27 ہزار 866 ہوگئی۔

این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 1 ہزار 656 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 12 لاکھ 49 ہزار 585 ہوگئی۔

ملک میں کرونا وائرس سے صحت یاب مریضوں کی مجموعی تعداد 11 لاکھ 75 ہزار 489 ہوگئی۔

این سی او سی کے مطابق گزشتہ 24 گھنٹوں کے دوران کرونا وائرس کے 50 ہزار 779 ٹیسٹ کیے گئے، اب تک ملک میں 1 کروڑ 95 لاکھ 37 ہزار 730 کووڈ 19 ٹیسٹ ہوچکے ہیں۔

این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 3.26 فیصد رہی، ملک بھر کے 631 اسپتالوں میں کرونا وائرس کے 3 ہزار 445 کیسز تشویشناک حالت میں ہیں۔

ویکسی نیشن کی صورتحال

ملک میں اب تک 5 کروڑ 95 لاکھ 65 ہزار 195 افراد کو ویکسین کی ایک ڈوز جبکہ 2 کروڑ 90 لاکھ 54 ہزار 821 افراد کو ویکسین کی دونوں ڈوزز لگائی جا چکی ہیں۔