پیر, جون 30, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 16037

وزیراعظم عمران خان آج شام قوم سے خطاب کریں گے

کی طرف
ویب ڈیسک
-
0

اسلام آباد : وزیراعظم عمران خان آج شام قوم سے خطاب کریں گے، جس میں سینیٹ الیکشن کے بعد پیدا ہونے والی صورتحال کے حوالے سے قوم کو اعتماد میں لیں گے۔

تفصیلات کے مطابق وزیراعظم عمران خان کی سینیٹ الیکشن میں ہار کے بعد  پارٹی کے سینئر رہنماؤں اور حکومتی اتحادیوں سے مشاورت جاری ہے ، مشاورت کے بعد وزیراعظم عمران خان نے قوم سے خطاب کا فیصلہ کیا ہے۔

وزیراعظم عمران خان آج شام ساڑھے 7 بجے قوم سے خطاب کریں گے ، جس میں عمران خان سینیٹ الیکشن کے بعد پیدا ہونے والی صورتحال پر قوم کو اعتماد میں لیں گے۔

دوسری جانب وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا وزیر اعظم عمران خان آج شام قوم سے  خطاب کریں گے جبکہ صادق سنجرانی چیئرمین سینٹ کیلئے پی ٹی آئی کےامیدوار ہوں گے ، ہفتے کو دوپہر سوا 12 بجے قومی اسمبلی کا اجلاس منعقد ہو گا ، اجلاس میں ایوان وزیر اعظم پر اعتماد کا اظہار کرے گا۔

یاد رہے اس سے قبل وزیراعظم عمران خان سے آرمی چیف جنرل قمر جاوید باجوہ نے ملاقات کی، جس میں پاک فوج کے پیشہ ورانہ اور سیکیورٹی سے متعلق اہم امور پر تبادلہ خیال کیا گیا تھا ، اس موقع پر ڈی جی آئی ایس آئی لیفٹیننٹ جنرل فیض حمید بھی موجود تھے۔

پوری عرب دنیا معترف، سعودی ولی عہد کیلئے بڑا اعزاز

کی طرف
ویب ڈیسک
-
0

ریاض: سعودی ولی عہد محمد بن سلمان کے عرب دنیا کی تعمیروترقی کیلئے اٹھائے گئے اقدامات کے ہرطرف چرچے پھیل گئے، ان کی خدمات کے اعتراف میں خصوصی شیلڈ پیش کیا گیا۔

غیرملکی خبررساں ادارے کی رپورٹ کے مطابق عرب لیگ کی جانب سے شہزادہ محمد بن سلمان کو ‘عرب جدوجہد شیلڈ’ سے نوازا گیا ہے۔ ولی عہد کی کاوشوں کی سعودی عرب سمیت پوری عرب دنیا معترف ہے۔

عرب لیگ کے سیکریٹری جنرل ابو الغیط نے عرب جدوجہد شیلڈ سعودی وزیرخارجہ شہزادہ فیصل بن فرحان کے حوالے کیا جو ولی عہد محمد بن سلمان تک پہنچائیں گے۔

سیکریٹری جنرل کا کہنا ہے کہ محمد بن سلمان پوری امت مسلمہ کے لیے محنت کررہے ہیں۔

عرب وزرائے خارجہ کے 155 ویں سیشن کے اجلاس سے خطاب کرتے ہوئے ابولغیط نے کہا کہ حوثی باغیوں کے خلاف سعودی حکومت کے مؤقف کی حمایت کرتے ہیں۔

ان کا مزید کہنا تھا کہ حوثی مارب پر قبضے اور اس کے قدرتی وسائل لوٹنے کی کوشش کررہے ہیں۔

‘صادق سنجرانی ہی چیئرمین سینیٹ کیلئے حکومت کے امیدوار ہوں گے’

کی طرف
ویب ڈیسک
-
0
صادق سنجرانی کا نام نگراں وزیر اعظم کی دوڑ میں شامل

اسلام آباد : وزیراعظم عمران خان نے صادق سنجرانی کو چیئرمین سینیٹ کیلئے نامزد کردیا جبکہ اسپیکرقومی اسمبلی نے صادق سنجرانی کی بطورچیئرمین سینیٹ امیدوار کی حمایت کردی۔

تفصیلات کے مطابق وفاقی وزیر اطلاعات شبلی فراز نے سماجی رابطے کی ویب سائٹ ٹوئٹر پر وزیراعظم عمران خان کی جانب سے صادق سنجرانی کو چیئرمین سینیٹ نامزد کرنے کی تصدیق کردی۔

اس سے قبل چیئرمین سینیٹ صادق سنجرانی اوراسپیکر قومی اسمبلی کی ملاقات ہوئی تھی ، جس میں اسپیکرقومی اسمبلی نے صادق سنجرانی کی بطورچیئرمین سینیٹ امیدوار کی حمایت کی۔

اسپیکر قومی اسمبلی اسد قیصر نے پارلیمنٹ ہاؤس میں میڈیا سے گفتگو کی ، صحافی نے سوال کیا 17 اراکین اسمبلی نے وزیراعظم پر عدم اعتماد کا اظہار کیا؟ جس پر اسپیکرقومی اسمبلی نے کہا آپ یہ کیوں نہیں کہتے ہماری خاتون امیدوارجیتی ہیں، یہ اعتمادوعدم اعتماد کی بات نہیں یہ سیاسی عمل ہے،ہوتا رہتاہے۔

صحافی نے سوال کیا کہ آپکی کیا رائے ہے کہ چیئرمین سینیٹ کا حکومتی امیدوار کون ہوگا؟ جس پر اسد قیصر نے جواب میں کہا میری ذاتی رائے ہے صادق سنجرانی سےبہترکوئی نہیں،فیصلہ پارٹی کرے گی ۔

اسپیکر قومی اسمبلی کا کہنا تھا کہ وزیراعظم عمران خان پر اعتماد کے لئے اجلاس جلد بلایا جائے گا ، وزیراعظم اعتماد کا ووٹ لیں گے تو181اراکین حمایت میں کھڑے ہوں گے۔

خیال رہے پیپلزپارٹی نومنتخب یوسف رضاگیلانی کوچیئرمین سینیٹ بنانے کیلئے کوشاں ہیں ، سابق صدر آصف علی زرداری نے گزشتہ روز کہا تھا یوسف رضا گیلانی کوچیئرمین سینیٹ کاامیدوار بنانے کافیصلہ پی ڈی ایم کرے گی۔

وزیراعظم کیلئے اعتماد کا ووٹ: قومی اسمبلی کا خصوصی سیشن ہفتے کی شام 4 بجے طلب

کی طرف
ویب ڈیسک
-
0

اسلام آباد : قومی اسمبلی کا خصوصی سیشن ہفتے کی شام 4 بجے طلب کرلیا  گیا ہے ، وزیراعظم قومی اسمبلی سے اعتماد کا ووٹ لیں گے۔

تفصیلات کے مطابق صدر پاکستان عارف علوی نے قومی اسمبلی کا خصوصی سیشن ہفتے کی شام 4 بجے طلب کرلیا، ذرائع کا کہنا ہے کہ
وزیراعظم قومی اسمبلی سے اعتماد کا ووٹ لیں گے۔

گذشتہ روز اسلام آباد میں سینیٹ نشست ہارنے کے بعد حکومت نے قومی اسمبلی کا اجلاس طلب کرنے اور وزیر اعظم عمران خان نے ایوان سے اعتماد کا ووٹ لینے کا فیصلہ کیا تھا۔

جس کے بعد حکومت نے قومی اسمبلی کا اجلاس ہفتے کو طلب کرنے کے لیے سمری ایوان صدر ارسال کی تھی۔

یاد رہے وزیراعظم نے حکومتی وزرا کے اجلاس میں اظہار خیال کرتے ہوئے کہا تھا کہ اعتماد کا ووٹ لینے کا مقصد اپوزیشن کی پیسے کی سیاست کو بے نقاب کرنا ہے، میں چوہوں کی طرح حکومت نہیں کرسکتا، جس کومجھ پراعتماد نہیں سامنے آکر اظہار کرے۔

وزیراعظم نے کہا تھا کہ اقتدار عزیز ہوتا تو خاموش ہوکر بیٹھ جاتا، وزیراعظم کا عہدہ اہم نہیں نظام کی تبدیلی میرا مشن ہے، اگرعوامی نمائندوں کو مجھ پر اعتماد نہیں تو کھل کر سامنے آئیں۔

چاند کے سیاحتی دورہ کرنے کا نادر موقع! جاپانی ارب پتی کا بڑا اعلان

کی طرف
ویب ڈیسک
-
0

ٹوکیو : جاپان کے ارب پتی فیشن برانڈ کے بانی یساکو مائزاوا نے چاند کا سیاحتی دورہ کرنے کےلیے 8 افراد کو مدعو کرلیا۔

اس سے پہلے کبھی نجی طور پر چاند کا سیاحتی دورہ نہیں کیا گیا لیکن اب وہ گھڑی نزدیک ہے جب عام افراد چاند کا دورہ کریں گے، جاپانی ارب پتی پہلے شخص ہیں جنہیں ستمبر 2018 میں اسپیس ایکس نے چاند کے پہلے نجی سیاحتی دورے کے لیے منتخب کیا تھا۔

یساکو مائزاوا نے اعلان کیا تھا کہ وہ اپنے ساتھ 6 س 8 فنکاروں کو لیجانا چاہتے ہیں لیکن 2018 کا سیاحتی دورہ کسی وجہ سے ملتوی ہوگیا اور اب 2023 میں ہوگا۔

اس دورے پر 10 سے 12 افراد کو جائیں گے جس میں سے ایک جاپان کے فیشن برانڈ کے بانی یساکو مائزاوا ہیں جو 2 ارب ڈالر کے مالک ہیں۔

انہوں نے دوسری ویڈیو میں اعلان کیا ہے کہ میں ہر پس منظر کے افراد کو اپنے ساتھ لے جانا چاہتا ہوں، مشن میں 10 سے 12 افراد کے ہوں گے مگر میں 8 لوگوں کو اس سفر کے لیے مدعو کرنا چاہتا ہوں۔

جاپانی ارب پتی نے کہا کہ یہ ایک مقابلہ ہوگا جس میں کامیاب ہونے والے 8 افراد کا انتخاب کیا جائے گا۔

یساکو مائزاوا کی جانب سے سیاحتی دورے کےلیے ایک ویب سائٹ بھی تیار کی گئی ہے جس پر اب تک 27 ہزار درخواستیں موصول ہوچکی ہیں۔

نئے اعلان میں یہ واضح نہیں کیا گیا کہ منتخب افراد کو تربیت کیسے فراہم کی جائے گی مگر یہ ضرور واضح ہے کہ ان کے ٹکٹ کی قیمت جاپانی ارب پتی ہی ادا کریں گے۔

جاپانی ارب پتی کا کہنا تھا کہ چاند تک کا سفر تین دن کا ہے، وہاں پہنچ کر اسٹار شپ چکر لگائے گا اور پھر تین دن زمین پر واپس آنے میں لگے گیں۔

خیال رہے کہ اسٹار شپ اسپیس ایکس کا ایسا راکٹ سسٹم ہے جو انسانوں کے ساتھ 100 ٹن کا سامان خلائی سفر میں لے جانے کی صلاحیت رکھتا ہوگا۔

کیون پولارڈ نے سری لنکن اسپنر کو ہیرو سے زیرو بنادیا

کی طرف
ویب ڈیسک
-
0

کولمبو: ویسٹ انڈیز کے جارح مزاج آل راؤنڈر کیرون پولارڈ یوراج سنگھ اور ہرشل گبز کے بعد انٹرنیشنل کرکٹ کے ایک اوورز میں چھ چھکے مارنے والے دنیا کے تیسرے بلے باز بھی بن گئے ہیں۔

تفصیلات کے مطابق ویسٹ انڈیز کے آل راؤنڈر کرکٹر کیرون پولارڈ نے سری لنکا کے اسپنر دھننجیا کو ہیرو سے زیرو بنادیا، سری لنکا اور ویسٹ انڈیز کے درمیان کھیلے گئے پہلے ٹی ٹوئنٹی میچ میں سری لنکا نے ویسٹ انڈیز کو جیت کے لیے 132 رنز کا ہدف دیا۔

سری لنکا کے اسپنر دھننجیا نے ایک ہی اوور میں ویسٹ انڈیز کے ایوائن لیوس، کرس گیل اور نکولس پورن کو آؤٹ کرکے میچ میں سنسنی پھیلائی اور اپنی ہیٹ ٹرک مکمل کی، مگر ان کا اگلا اوور بھیانک خواب ثابت ہوا، جس نے سری لنکن اسپنر کو ہیرو سے زیرو بنادیا۔

ویسٹ انڈیز کے خلاف ٹی ٹوئنٹی میں پہلی ہیٹ ٹرک کرنے والے اکیلا دھننجایا جب اپنا دوسرا اوور کرانے آئے تو ان کا سامنا ویسٹ انڈیز کے کپتان اور جارح مزاج آل راؤنڈر کیرون پولارڈ سے ہوا، جہاں پولارڈ نے ان کے اوور میں لگاتار چھ چھکے جڑ دئیے، اس میچ میں پولارڈ نے11 گیندوں پر 38 رنز اسکور کیے اور ویسٹ انڈیز با آسانی 6 وکٹوں سے یہ میچ جیت گیا۔

اس کے ساتھ ہی پولارڈ کالی آندھی کی جانب سے انٹر نیشنل کرکٹ میں ایک اوور میں چھ چھکے مارنے والے پہلے بلے باز بن گئے، تاریخی کارنامے کے بعد وہ انڈیا کے یوراج سنگھ اور جنوبی افریقہ کے ہرشل گبز کے بعد انٹرنیشنل کرکٹ کے ایک اوور میں 6 چھکے مارنے والے دنیا کے تیسرے بلے باز بھی بن گئے۔

بھارتی کھلاڑی یوراج سنگھ نے 2007 میں ٹی ٹوئنٹی ورلڈکپ میں انگلینڈ کیخلاف 6 چھکے لگائے تھے جبکہ جنوبی افریقہ کے کھلاڑی ہرشل گبز نے بھی اسی سال ہالینڈ کے خلاف ورلڈ کپ میچ میں 6 چھکے مارے تھے۔

کیا تاج محل میں واقعی بم رکھا گیا ہے؟ حقیقت سامنے آگئی

کی طرف
ویب ڈیسک
-
0

نئی دہلی: بھارتی ریاست اترپردیش میں تاریخی تاج محل میں بم رکھنے کی اطلاع جھوٹی نکلی، پولیس نے افواہ پھیلانے والے شخص کی تلاش شروع کردی۔

غیرملکی خبررساں ادارے کی رپورٹ کے مطابق آگرہ میں کسی شہری نے فون کال کے ذریعے اطلاع دی تھی کہ تاج محل میں بم موجود ہے جو کچھ دیر بعد پھٹ جائے گا۔

اس خبر کے بعد پولیس اور قانون نافذ کرنے والے ادارے حرکت میں آئے لیکن تحقیقات سے پتا چلا یہ اطلاع جھوٹی ہے کیوں کہ تاج محل میں کوئی بم نہیں ملا۔ سیکیورٹی اہلکاروں نے افواہ پھیلانے والے شخص کی تلاش شروع کردی ہے۔

بم کی اطلاع: تاریخی تاج محل فوری طور پر بند

پولیس کا کہنا ہے کہ جھوٹی کال فیروزہ آباد سے کی گئی تھی۔

خیال رہے کہ تاج محل اور آگرہ کے قلعے کو کورونا وائرس کے باعث گزشتہ مارچ میں بند کردیا گیا تھا اور چھ ماہ کی بندش کے باعث اسے ستمبر میں کھولا گیا۔

کورونا کے باعث انتظامیہ نے تاج محل میں ایک روز کے دوران 5 ہزار سیاحوں کو داخلے کی اجازت دی رکھی ہے، جن میں سے 2500 سیاح دوپہر 2 بجے سے پہلے اور 2500 دو بجے کے بعد آتے ہیں۔

شہزادہ ہیری اور میگھن کے نئے انٹرویو پر برطانوی میڈیا بے چین

کی طرف
ویب ڈیسک
-
0

برطانیہ کے منحرف شاہی جوڑے شہزادہ ہیری اور ان کی اہلیہ میگھن مرکل نے معروف امریکی میزبان اوپرا ونفرے کو ایک انٹرویو دیا ہے جس کی جھلکیاں سامنے آنے پر انہیں سخت تنقید کا نشانہ بنایا جارہا ہے۔

اوپرا ونفرے کو دیے گئے اس انٹرویو کے چند ٹیزرز سامنے آئے ہیں جس کے بعد شاہی خاندان سمیت برطانوی میڈیا اور عوام کافی اضطراب میں مبتلا نظر آرہے ہیں۔

شہزادہ ہیری اور میگھن کے انٹرویو کے ٹیزر سے متعلق مختلف حلقوں کا کہنا ہے کہ ہیری اور میگھن کے اس تفصیلی انٹرویو میں اس جوڑے کی جانب سے اپنی علیحدگی کی وجہ بتاتے ہوئے شاہی خاندان کو عوام کے سامنے بطور ایک مافیا پیش کیا گیا ہے۔

انٹرویو کے ٹیزر میں دیکھا جا سکتا ہے کہ میزبان اوپرا میگھن سے پوچھ رہی ہیں کہ آپ خاموش تھیں یا آپ کو خاموش کروایا گیا تھا؟ انٹرویو کے دوران میگھن کو اس سوال پر خاموش دکھایا گیا ہے اور اس دوران ٹیزر میں ایک افسردہ دھن بھی چلائی گئی ہے۔

اس ٹیزر پر تبصرہ نگار رابرٹ جابسن کی جانب سے رد عمل دیتے ہوئے اس انٹرویو کی ریکارڈنگ کو ڈرامہ قرار دیا گیا اور اس میں استعمال کی گئی افسردہ دھنوں پر شدید تنقید کی گئی ہے۔

رابرٹ جابسن نے کہا کہ اوپرا انٹرویو میں شاہی خاندان کو مافیا کی طرح پیش کیا گیا ہے، یہ تقریباً بیوقوفی ہے۔

ایک اور ٹیزر میں شہزادہ ہیری اپنی والدہ کا ذکر کرتے ہوئے کہتے ہیں کہ میں بہت خوش ہوں کہ میری اہلیہ میرے ساتھ ہیں لیکن میری والدہ نے اکیلے ایک مشکل وقت گزارا ہے، یہ وقت ہمارے لیے بھی مشکل تھا لیکن کم از کم ہم ایک ساتھ تھے۔

ایک اور ٹیزر میں دکھایا گیا ہے کہ اوپرا میگھن سے پوچھتی ہیں کہ انہیں کیسا محسوس ہورہا ہے کہ شاہی محل انہیں اس وقت سچ بولتے ہوئے سن رہا ہوگا، جس پر میگھن نے کہا کہ ہم اتنے عرصے سے خاموش تھے میں نہیں جانتی اب اس کے بعد مزید ان (شاہی خاندان) کی کیا توقعات ہیں۔

وزیراعظم کی آرمی چیف جنرل قمر جاوید باجوہ سے اہم ملاقات

کی طرف
ویب ڈیسک
-
0

اسلام آباد : وزیراعظم عمران خان سے آرمی چیف جنرل قمر جاوید باجوہ نے ملاقات کی، جس میں پاک فوج کے پیشہ ورانہ اور سیکیورٹی سے متعلق اہم امور پر تبادلہ خیال کیا گیا۔

تفصیلات کے مطابق وزیراعظم عمران خان سے آرمی چیف جنرل قمر جاوید باجوہ کی ملاقات ہوئی، اس موقع پر ڈی جی آئی ایس آئی لیفٹیننٹ جنرل فیض حمید بھی موجود تھے۔

ملاقات میں پاک فوج کے پیشہ ورانہ امور پر گفتگو کی گئی اور ملکی سلامتی اور سیکیورٹی سے متعلق معاملات پر تبادلہ خیال کیا گیا۔

وزیراعظم اور آرمی چیف کے درمیان پاک بھارت ایل او سی پر سیز فائر کے حوالے سے پیش رفت پر بھی بات چیت کی گئی۔

اس سے قبل  25 جنوری کو وزیراعظم عمران خان سے آرمی چیف جنرل قمر جاوید باجوہ نے ملاقات کی جس میں اہم امور پر تبادلہ خیال کیا گیا تھا۔

راوی اربن پراجیکٹ: لاہور ہائی کورٹ نے حکومت کو زرعی اراضی استعمال کرنے سے روک دیا

کی طرف
عابد خان
-
0

لاہور : ہائی کورٹ نے راوی اربن پراجیکٹ کیلئے حکومت کو زرعی اراضی استعمال کرنے سے روکتے ہوئے ایل ڈی اے کے وائس چیئرمین اور راوی پراجیکٹ کے سربراہ کو طلب کر لیا۔

تفصیلات کے مطابق لاہور ہائیکورٹ کے جسٹس شاہد کریم نے راوی اربن پراجیکٹ کیلئے زمین ایکوائر کرنے کیخلاف شیراز ذکا ایڈووکیٹ کی درخواست پرسماعت کی۔

درخواست میں راوی اربن ریور پراجیکٹ کیلئے زرعی اراضی ایکوائر کرنے کے اقدام کو چیلنج کیا گیا، درخواست گزار وکیل نے نشاندہی کی کہ منصوبے کیلئے زرعی اراضی ایکوائر کرنا کسان کا استحصال کرنا ہے۔

عدالت نے ریمارکس دیئے اورنج لائن ٹرین میں جس طرح زمین ایکوائرکی گئی اس کا بڑانقصان ہوا، راوی اربن پراجیکٹ پر ماحولیاتی آلودگی کا جائزہ نہیں لیا گیا۔

عدالت نے ریمارکس دیئے کہ منصوبے کے ماحولیاتی آثرات کی جانچ کے بغیر اس پر کام نہیں شروع نہیں کیا جاسکتا، وکیل نے نشاندہی کی کہ زرعی اراضی کو منصوبے کیلئے استعمال کرنے سے ماحولیاتی آلودگی میں اضافہ ہوگا اور لاہور پہلے آلودہ ترین شہروں میں شمار ہو رہا ہے۔

عدالت نے منصوبے کیلئے زرعی اراضی کو استعمال کرنے سے روکنے کے احکامات میں توسیع کر دی اور درخواست پر مزید سماعت 8 مارچ تک ملتوی کردی۔

لاہورہائی کورٹ نے راوی اربن پراجیکٹ کیلئے زرعی اراضی کو استعمال کے معاملے پر راوی اربن اتھارٹی اور ایل ڈی اے سے جواب طلب کرلیا جبکہ ماحولیاتی اثرات کے جائزے کیلئے بین الاقوامی کنسلٹنٹ تعینات کرنے کی ہدایت کردی۔

1...16,03616,03716,038...30,817صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025