اسلام آباد: جعلی اکاؤنٹس کیس میں نیب راولپنڈی نے بڑی کارروائی کرتے ہوئے آصف زرداری کی مبینہ کمپنی پارک لین کے اکاؤنٹنٹ محمد حنیف کو گرفتار کر لیا۔

تفصیلات کے مطابق قومی احتساب بیورو کے راولپنڈی آفس نے جعلی اکاؤنٹس کیس میں اہم کارروائی کرلی، سابق صدر آصف علی زرداری کی ایک مبینہ کمپنی پارک لین کے اکاؤنٹنٹ کو گرفتار کر لیا گیا۔

نیب ذرایع کا کہنا ہے کہ محمد حنیف پارک لین اور پیراتھون کمپنی کے مالی معاملات دیکھتا تھا۔

نیب نے کہا ہے کہ ملزم حنیف آصف زرداری کی کمپنیوں کے لیے جعلی ڈرافٹ اور پے آرڈر استعمال کرتا تھا، ملزم دونوں کمپنیوں کی ٹرانزکشنز کے لیے جعلی بینک اکاؤنٹس بھی استعمال کرتا رہا۔

یہ بھی پڑھیں:  جعلی اکاؤنٹس کیس، آصف زرداری کی فرنٹ کمپنی کا منیجرگرفتار

واضح رہے کہ پانچ دن قبل جعلی اکاؤنٹس کیس میں نیب نے آصف زرداری کی فرنٹ کمپنی ٹرے کام کے جنرل منیجر سلیم فیصل کو بھی گرفتار کیا تھا، جو جعلی اکاؤنٹس کیس کا اہم ملزم ہے۔

نیب حکام نے بتایا کہ ملزم نے پیراتھون کمپنی کو کرپشن سے قرض دلوانے میں معاونت کی، پیراتھون کمپنی کو قرض دلوانے کے لیے پراپرٹی کا زیادہ تخمینہ لگایا گیا، فرضی کمپنی پیراتھون کو دھوکا دہی سے ڈیڑھ ارب کا قرض دلوایا گیا۔

لاہور: وفاقی وزیر طارق بشیر چیمہ اور تحریک انصاف کے رکن اسمبلی نذیر چوہان کے درمیان تلخ کلامی کی فوٹیج منظر عام پر آگئی۔

تفصیلات کے مطابق وفاقی وزیر طارق بشیر چیمہ اور پی ٹی آئی رکن اسمبلی میں سخت جملوں کا تبادلہ ہوا جس کے بعد وفاقی وزیر رکن پی ٹی آئی کے رویے سے ناراض ہوکر چلے گئے۔

نذیر چوہان نے میڈیا سے گفتگو کرتے ہوئے کہا کہ طارق بشیر چیمہ وفاقی کالونی کے دورے پر آئے تھے، مسائل حل کرنے کا مطالبہ کیا۔

نذیر چوہان کا کہنا تھا کہ طارق بشیر چیمہ سے کہا کہ وفاقی کالونی میرا حلقہ ہے، غریب ملازمین کے مسائل حل کیے جائیں، وفاقی کالونی میں لوگ سیوریج ملا پانی پی رہے ہیں۔

ان کا کہنا تھا کہ بل تنخواہوں سے کاٹ لیا جاتا ہے، مسائل بھی حل کیے جائیں، طارق بشیر چیمہ مسائل حل کیے بغیر ناراض ہوکر چلے گئے۔

نذیر چوہان وزیر صحت سے بھی الجھ پڑے

وفاقی وزیر سے تلخ جملوں کے تبادلے کے بعد پارلیمانی سیکریٹری نذیر چوہان وزیر صحت سے بھی الجھ پڑے، نذیر چوہان نے دفتر، اختیار نہ ملنے پر پنجاب اسمبلی میں واویلا مچادیا۔

نذیر چوہان کا کہنا تھا کہ میں کسی کے ناکردہ گناہوں کا جواب اسمبلی میں نہیں دینا چاہتا، صحت جیسے اہم معاملے پر کیا جواب دوں، مجھے بحیثٰت پارلیمانی سیکریٹری کا دفتر ہی الاٹ نہیں ہوا ہے۔

پارلیمانی سیکریٹری کا کہنا تھا کہ چند دن پہلے پارلیمانی سیکریٹری صحت مقرر ہوا ہوں، یاسمین راشد کے پاس بہت وقت ہے خود معاملات دیکھ رہی ہیں۔