ابوظبی: وزیراعظم کے معاون خصوصی برائے صحت ڈاکٹر ظفر مرزا کا کہنا ہے کہ حکومت ہیپاٹائٹس،ایڈز کی روک تھام کے لیے سنجیدگی سے کام کر رہی ہے۔

تفصیلات کے مطابق معاون خصوصی برائے صحت ڈاکٹر ظفر مرزا نے ابوظبی میں امریکی ادارے سی ڈی سی کے سربراہ سے ملاقات کے دوران انسداد پولیو کی کوششوں سمیت باہمی دلچسپی کے امور پر تبادلہ خیال کیا۔ سی ڈی سی کو قومی ایکشن پلان سے متعلق انجکشن سیفٹی پر بریفنگ بھی دی گئی۔

وزیراعظم کے معاون خصوصی برائے صحت نے کہا کہ حکومت ہیپاٹائٹس،ایڈز کی روک تھام کے لیے سنجیدگی سے کام کر رہی ہے، انجکشن سیفٹی کے حوالے سے جامع منصوبہ ترتیب دیا جا رہا ہے۔

ڈاکٹر ظفر مرزا نے کہا کہ انجکشن سیفٹی کی ٹاسک فورس مستعدی کے ساتھ منصوبے پر کام کر رہی ہے، سربراہ سی ڈی سی نے بیماریوں کے خاتمے کے لیے تعاون کا اعادہ کیا۔

ایک کروڑ بچوں کو ٹائیفائیڈ ویکسین دینے جا رہے ہیں، ظفر مرزا

یاد رہے کہ تین روز قبل وزیراعظم کے معاون خصوصی برائے صحت ڈاکٹر ظفر مرزا کا کہنا تھا کہ پاکستان دنیا میں ٹائیفائیڈ سے بچاؤ کی نئی ویکسین متعارف کروانے والا پہلا ملک بن گیا

ڈاکٹر ظفر مرزا کا کہنا تھا کہ ٹائیفائیڈ میں اضافے کے باعث ویکسین کے استعمال کا فیصلہ کیا، ایک کروڑ بچوں کو ویکسین دی جائے گی۔

اسلام آباد: وزیرخارجہ شاہ محمود قریشی نے کہا کہ نعیم الحق تحریک انصاف کا قیمتی اثاثہ ہیں، نعیم الحق کی پارٹی کے لیے خدمات کسی سے پوشیدہ نہیں۔

تفصیلات کے مطابق وزیرخارجہ شاہ محمود قریشی نعیم الحق کی عیادت کے لیے مقامی اسپتال پہنچے۔ وزیرخارجہ نے نعیم الحق سے ان کی خیریت دریافت کی۔

وزیرخارجہ نے کہا کہ نعیم الحق تحریک انصاف کا قیمتی اثاثہ ہیں، نعیم الحق کی پارٹی کے لیے خدمات کسی سے پوشیدہ نہیں ہے۔ شاہ محمود قریشی نے کہا کہ نعیم الحق کا شمار پارٹی کے بانی رہنماؤں میں ہوتا ہے، خواہش ہےنعیم الحق جلدروبہ صحت ہو کر اپنی ذمہ داریاں سنبھالیں۔

یاد رہے کہ تین روز قبل وفاقی وزیر ریلوے شیخ رشید احمد کو دل میں تکلیف کے باعث راولپنڈی انسٹیٹیوٹ آف کارڈیالوجی منتقل کیا گیا تھا جہاں ڈاکٹرز نے ان کا طبی معائنہ کرنے کے بعد 2 مرتبہ ای سی جی بھی کی تھی۔

بعدازاں شیخ رشید احمد کی انجیوگرافی کی گئی تھی۔ ڈاکٹروں کی جانب سے شیخ رشید کو مکمل آرام کرنے کی ہدایت کی گئی تھی۔