اسلام آباد: پاکستان مسلم لیگ ن کے رہنماؤں مریم نواز اور شاہد خاقان عباسی کی کل احتساب عدالت میں پیشی کے سلسلے میں وفاقی دار الحکومت میں سیکورٹی کے سخت انتظامات کرنے کی ہدایت جاری کی گئی ہے۔

ذرایع کے مطابق احتساب عدالت میں مریم نواز اور شاہد خاقان عباسی کی پیشی کے لیے سخت حفاظتی اقدامات کی ہدایت کی گئی ہے، احتساب عدالت کے داخلی و خارجی راستوں پر بھاری نفری تعینات ہوگی۔

ذرایع کا کہنا ہے کہ احتساب عدالت میں غیر متعلقہ افراد کے داخلے پر پابندی ہوگی، عدالت کے ارد گرد احتجاج کی بھی اجازت نہیں ہوگی۔

خیال رہے کہ نیب نے سابق وزیر اعظم شاہد خاقان عباسی کو ایل این جی اسکینڈل میں گرفتاری کے بعد اسلام آباد منتقل کر دیا ہے، کل انھیں احتساب عدالت میں پیش کیا جائے گا۔

یہ بھی پڑھیں:  شاہد خاقان عباسی کی گرفتاری کی وجوہ سامنے آ گئیں

آج قومی احتساب بیورو نے مسلم لیگ ن کے رہنما شاہد خاقان کو کرپشن اور کرپٹ پریکٹسز کے ٹھوس شواہد پر گرفتار کیا۔

ان پر الزام ہے کہا انھوں نے ایل این جی ٹرمینل ون کی بولی کی دستاویز کے لیے من پسند لیگل فرم کا استعمال کیا، انھوں نے یہ کام سوئی سدرن کی بہ جائے کیو ای جی کنسلٹنٹ کو دیا۔

نیب کے مطابق ای ای پی ٹی پی ایل کو ٹھیکا دینے کے لیے شاہد خاقان نے اثر و رسوخ استعمال کیا، ٹھیکے میں کمپنی مفاد کو ترجیح دینے پر قومی خزانے کو اربوں نقصان ہو رہا ہے۔

تھرپارکر: اندرون سندھ گوشت کے لیے نایاب ہرن کے شکار کا سلسلہ بدستور جاری ہے، وائلڈ لائف ٹیم نے اسلام کوٹ کے قریب چھاپا مار کر 4 نایاب ہرن برآمد کر لیے۔

تفصیلات کے مطابق تھرپارکر کے علاقے اسلام کوٹ میں محکمہ جنگلی حیات نے ایک اور چھاپے میں چار عدد نایاب ہرن بر آمد کر لیے ہیں۔

وائلڈ لائف ذرایع کا کہنا ہے کہ تھرپارکر کے ایک ہوٹل پر ہرن کا گوشت فروخت کیا جا رہا تھا، ہوٹل انتظامیہ نے اس سلسلے میں کوئی لائسنس حاصل نہیں کیا تھا اور بغیر لائسنس ہرن رکھے ہوئے تھے۔

یاد رہے کہ رواں ماہ 7 تاریخ کو عمر کوٹ میں بھی نایاب ہرن کی اسمگلنگ کی ایک کوشش ناکام بنائی گئی تھی، رینجرز نے ملزمان کی گاڑی ایک چیک پوسٹ پر روکی تو وہ گاڑی چھوڑ کر بھاگ گئے۔

متعلقہ خبریں پڑھیں:  عمرکوٹ: رینجرز نے نایاب نسل کے ہرن کی اسمگلنگ ناکام بنا دی

دوران تلاشی گاڑی سے 2 نایاب نسل کے ہرن اور ایک ریپیٹر برآمد ہوا تھا، بعد ازاں رینجرز نے برآمد ہونے والے ہرن محکمہ وائلڈ لائف کے حوالے کر دیے۔

یاد رہے کہ گزشتہ ماہ سندھ کے ایک تعلقے ڈاہلی میں نایاب ہرنوں کو ذبح کر کے اس کا گوشت فروخت کرنے کا انکشاف ہوا تھا، تھر میں ہرن ایک طرف بھوک پیاس کا شکار ہیں دوسری طرف شکاریوں کا بھی آسان ہدف بن گئے ہیں۔

یہ بھی پڑھیں:  تھر: بھوک پیاس کے مارے ہرنوں کا شکار، گوشت فروخت کیے جانے کا انکشاف

اس سلسلے میں ویڈیو بھی وائرل ہوئی تھی، جس میں تھر میں ایک نایاب ہرن کو گولی مار کر گرتے ہوئے دیکھا گیا، وائلڈ لائف افسر اشفاق میمن کا کہنا تھا کہ نایاب ہرنوں کے شکار کی خبریں زیادہ تر عمر کوٹ کے سرحدی علاقوں کی ہیں۔

واضح رہے کہ تھر کی خوب صورتی میں اضافہ کرنے والے نایاب ہرن ہزاروں کی تعداد میں پائے جاتے تھے لیکن اب یہ بہت کم تعداد میں نظر آنے لگے ہیں، جس کی وجہ عمر کوٹ کے صحرائے تھر سے لگنی والی بھارتی سرحد کی نزدیکی گوٹھوں میں اس کا بے دریغ شکار ہے جس پر محکمہ وائلڈ لائف نے بھی خاموشی اختیار کر رکھی ہے۔

اسلام آباد: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ کرپشن کیسز پرانے ہیں، پہلے ایکشن نہیں ہو رہا تھا ہم نے احتساب کا ماحول قایم کیا، سیاسی اعتماد کی فضا کی وجہ سے احتساب تیز ہو رہا ہے۔

تفصیلات کے مطابق اے آر وائی نیوز کے پروگرام میں گفتگو کرتے ہوئے فواد چوہدری نے کہا کہ طلال چوہدری کی بات میں وزن نہیں ہے، ایل این جی کیس ہم نے شروع نہیں کیا، جب ان کی حکومت تھی اور کیس بن رہا تھا تو کیا یہ سو رہے تھے۔

فواد چوہدری نے مزید کا کہ نواز شریف اور زرداری کے خلاف کیسز ٹھوس بینکنگ شواہد پر ہیں، دباؤ یا زبانی احکامات پر نہیں ثبوت کی بنیاد پر کیسز بنے ہیں، 2016 میں چوہدری نثار نے ایان علی کیس میں کیا کیا نہیں کہا، لیکن پہلے ایکشن نہیں ہو رہا تھا ہم نے احتساب کا ماحول قایم کیا۔

تازہ ترین خبریں پڑھیں:  شاہد خاقان عباسی کی گرفتاری کی وجوہ سامنے آ گئیں

وفاقی وزیر کا کہنا تھا کہ سیاسی اعتماد کی فضا کی وجہ سے احتساب تیز ہو رہا ہے، زرداری کے خلاف پہلے ن لیگ پھر ہماری حکومت نے تفتیش کی، ثبوت موجود ہیں، نیب کی کارروائیاں شفاف ہیں، دوسری طرف عمران خان حکومت کو سال ہو گیا کرپشن کا کوئی ٹھوس کیس نہیں آیا۔

[bs-quote quote=”فیصل واوڈا نے 4 دن پہلے کہا کہ شاہد خاقان گرفتار ہوں گے۔” style=”style-8″ align=”left” author_name=”طلال چوہدری”][/bs-quote]

انھوں نے کہا کہ نواز شریف، مریم نواز کو ریفرنس مکمل ہونے تک گرفتار نہیں کیا گیا تھا، نیب نے شہباز شریف سے ریکارڈ مانگا تو پتا چلا آگ لگ گئی، نیب نے علی عمران سے پوچھنے کی کوشش کی تو وہ لندن چلے گئے۔

فواد چوہدری نے کہا کہ ہمارے دو وزرا کے خلاف کیس بنا دونوں عدالت میں پیش ہوئے، مالم جبہ کا کیس انکوائری سے آگے گیا ہی نہیں کہ گرفتاریاں ہوتیں۔

انھوں نے مزید کہا کہ نا کافی شواہد پر گرفتاریاں ہوئیں تو آپ اعتراض کیوں نہیں اٹھاتے، پبلک آفس ہولڈرز کی جائیدادیں بڑھی ہیں تو اس پر جواب کیوں نہیں دیتے۔

خیال رہے کہ پروگرام میں طلال چوہدری نے کہا تھا کہ شاہد خاقان عباسی تین دہائیوں سے سیاست میں ہیں، اب یہ کلیئر ہو گیا ہے کہ آواز اٹھانے والوں کو مٹا دینا ہے، فیصل واوڈا نے 4 دن پہلے کہا کہ شاہد خاقان گرفتار ہوں گے، پہلے پکڑ پکڑ کر حکومت بنائی اب پکڑ پکڑ کر حکومت چلا رہے ہیں۔