جمعرات, جون 19, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 19981

شین واٹسن نے پی ایس ایل میں شرکت کے لیے رجسٹریشن کرادی

کی طرف
ویب ڈیسک
-
0

لاہور: سابق آسٹریلوی کرکٹر شین واٹسن نے پی ایس ایل میں شرکت کے لیے رجسٹریشن کرادی، مچل میکلنگن اور نکولس پوران بھی پلاٹینیم کیٹیگری میں شامل ہیں۔

تفصیلات کے مطابق سابق آسٹریلوی کرکٹر شین واٹسن پی ایس ایل سیزن فائیو میں حصہ لینے کے لیے پاکستان آرہے ہیں، انگلینڈ کے اسٹیون فن نے بھی گولڈ کیٹیگری کے لیے رجسٹریشن کرادی ہے۔

شین واٹسن نے کہا کہ پی ایس ایل فائیو میں شرکت کی غرض سے پاکستان روانگی کا منتظر ہوں، گزشتہ ایڈیشن کے دوران کراچی میں میچز کھیلنا شاندار تجربہ تھا۔

آل راؤنڈر شین واٹسن پی ایس کے چاروں ایڈیشن میں نمایاں تھے تاہم ان کا سب سے اچھا رن ریٹ 2019 کے ایڈیشن میں تھا جس میں انہیں پلیئر آف دی ٹورنامنٹ کا ایوارڈ دیا گیا تھا۔

انہوں نے کوئٹہ گلیڈی ایٹرز کی نمائندگی کرتے ہوئے پی ایس ایل میں پہلی مرتبہ ٹائٹل حاصل کرانے میں اہم کردار ادا کیا تھا۔

شین واٹسن نے پی ایس ایل کے 12 میچز میں میچز میں 143.81 کے اسٹرائیک ریٹ سے 430 بنائے ہیں، گزشتہ ایڈیشن میں سب سے زیادہ رنز بنانے والے باز تھے، 43 کی اوسط سے رنز بنانے وال کرکٹرز نے ایونٹ میں 4 نصف سنچریاں اسکور کی تھیں۔

واضح رہے کہ پی ایس ایل کے لیے ریٹینشن ونڈو یکم دسمبر کو بند ہوجائے گی اور کھلاڑیوں کی ڈرافٹنگ 6 دسمبر کو کی جائے گی۔

گوشت پکانے سے پہلے صاف نہ کرنے کا خوفناک انجام

کی طرف
ویب ڈیسک
-
0

بیجنگ : چین میں کچا گوشت کھانے والے شخص کے جسم میں کیڑے پڑگئے ، جنہوں نے دماغ، سینے اور پھپھڑوں میں ڈیرہ ڈال لیا ، ڈاکٹر کا کہنا ہے کہ اگر آپ کے پاس بغیر پکا ہوا گوشت آتا ہے تو اس بات کا امکان موجود ہے، اس میں کیڑے موجود ہو۔

تفصیلات کے مطابق صحت مند زندگی گزارنے کی خواہش کسے نہیں ہوتی تاہم ایک صحت بخش زندگی کے حصول کے لئے بہترین غذا کی اہمیت سے کوئی انکار نہیں کر سکتا لیکن غیر مناسب غذا صحت کے سنگین مسائل کا باعث بن سکتی ہے۔

انسانی جسم کے اندر کیل ، پن یا سکے برآمد ہونے کے متعدد واقعات پیش آئے ہیں ، لیکن چین کا ایک حالیہ واقعہ آپ کو چونکا دے گا۔

مشرقی چین کے ہانگ ژہو سے تعلق رکھنے والے 43 سالہ ژی ژونگ فا نے تقریباً ایک مہینے تک سر درد میں مبتلا رہنے کے بعد ڈاکٹر سے مشورہ کرنے کا فیصلہ کیا، لیکن کیا معلوم تھا کہ اسپتال کا یہ دورہ اس کی زندگی کا سب سے بڑا صدمہ بن جائے گا۔

ڈاکٹر وانگ جیان ژونگ نے ابتدائی میڈیکل چیک اپ کے بعد ایک حیران کن انکشاف کیا کہ اس شخص کو تینیاسس تھا ، جو کیڑے کی وجہ سے ہونے والے انفیکشن کے باعث ہوتا ہے تاہم جب اس کے اعضاء کی اسکین کے ساتھ مکمل چیک اپ کیا گیا تو انکشاف ہوا کہ اس شخص کے جسم میں 700 کے قریب کیڑے ہیں ، یہ کیڑے اس کے دماغ ، سینے اور پھیپھڑوں میں پائے گئے تھے۔

ڈاکٹر وانگ نے کہا مریض کے بیشتر اعضاء پہلے ہی کیڑوں سے متاثر ہیں، جب اس شخص نے اپنا پکا ہوا گوشت کھایا تو کیڑے کے انڈے زندہ تھے اور انفیکشن کا سبب بنے۔

ان کا مزید کہنا تھا کہ اگر آپ کے پاس بغیر پکا ہوا گوشت آتا ہے تو اس بات کا امکان موجود ہے کہ اس میں موجود کیڑے جسم میں داخل ہوکر آپ کو مختلف بیماریوں کا شکار کر سکیں۔

طلال چوہدری کی سزا کے خلاف نظرثانی درخواست سماعت کے لیے مقرر

کی طرف
ویب ڈیسک
-
0

اسلام آباد : سپریم کورٹ کا 5 رکنی لارجربینچ مسلم لیگ ن کے رہنما طلال چوہدری کی سزا کے خلاف نظر ثانی درخواست پر 28نومبر کو سماعت کرے گا، سپریم کورٹ نے توہین عدالت کیس میں طلال چوہدری کوسزاسنائی تھی۔

تفصیلات کے مطابق سپریم کورٹ میں مسلم لیگ ن کے رہنما طلال چوہدری کی سزا کے خلاف نظر ثانی درخواست سماعت کے لئے مقرر کردی گئی، 5 رکنی لارجر بینچ 28 نومبر کو سماعت کرے گا، 5رکنی بینچ کی سربراہی جسٹس مشیرعالم کریں گے، جسٹس عمرعطا بندیال، جسٹس اعجازالاحسن، جسٹس سجاد علی اور جسٹس منیب اختر بینچ میں شامل ہیں۔

خیال رہے کہ سپریم کورٹ آف پاکستان نے مسلم لیگ ن کے رہنما طلال چوہدری کو توہین عدالت کا مرتکب قرار دیتے ہوئے عدالت برخاست ہونے تک کی سزا سنائی گئی اور پانچ سال کے لیے نا اہل قرار دیا گیا جبکہ ان پر ایک لاکھ روپے جرمانہ بھی عائد کیا گیا تھا۔

 مزید پڑھیں: طلال چوہدری 5 سال کے لیے نا اہل قرار

سابق وزیر مملکت برائے داخلہ طلال چوہدری نے عدالت میں 2 گھنٹے 5 منٹ قید کی سزا کاٹی تھی ، بعد ازاں طلال چوہدری نے اپنی نااہلی کے فیصلے کے فیصلے کے خلاف سپریم کورٹ میں اپیل دائر کی۔

درخواست میں کہا گیا تھا کہ عدالتی فیصلہ قانون کی نظر میں درست نہیں اسے کالعدم قرار دیا جائے، شواہد کا درست انداز میں جائزہ نہیں لیا گیا۔ استغاثہ کے مؤقف کو اہمیت دی گئی لیکن دفاع کو نظر انداز کیا گیا۔

درخواست میں مزید کہا تھا کہ استغاثہ کے خلاف مواد کے باوجود درخواست گزار کو شک کا فائدہ نہیں دیا گیا، الزام ثابت کیے بغیر سزا دی گئی۔ فیصلے کو کالعدم قرار دینے کے لیے بے قاعدگیاں اور خلاف قانون پہلو موجود ہے۔

پاکستانی ٹیکس گزاروں نے 74 ارب ڈالر غیرملکی قرضہ ادا کرنا ہے، اسد عمر

کی طرف
ویب ڈیسک
-
0

پاکستانی ٹیکس گزاروں نے

اسلام آباد: وفاقی وزیر منصوبہ بندی اسد عمر نے کہا ہے کہ گردشی قرضے ہمارے لیے سب سے بڑا چیلنج ہیں، بیرونی قرضوں کی وجہ سے معاشی ترقی متاثر ہورہی ہے۔

تفصیلات کے مطابق وفاقی وزیر منصوبہ بندی اسد عمر نے نیوز کانفرنس کرتے ہوئے کہا کہ بیرونی قرضہ بڑھنے سے معیشت پر اثرات مرتب ہوئے ہیں، 74 ارب ڈالر پاکستانی ٹیکس گزاروں نے غیرملکی قرضہ ادا کرنا ہے، دو سے تین سال میں تجارتی قرضوں کی شرح میں واضح کمی آجائے گی۔

[bs-quote quote=”پورے خطے میں امن ہوگا تو سی پیک کے اصل ثمرات ملیں گے” style=”style-8″ align=”left” author_name=”اسد عمر”][/bs-quote]

اسد عمر نے کہا کہ ہمارا ریلوے کا نظام آہستہ آہستہ خرابی کی طرف جاتا رہا، سی پیک کے تحت پاکستان پر 4.9 ارب ڈالر قرض ہے، پاکستان کو منصوبے سے فنانسنگ اور انفرا اسٹرکچر منصوبوں میں سرمایہ کاری ملی، معیشت پر اس بوجھ کا تعلق سی پیک سے نہیں ہے۔

وزیر منصوبہ بندی نے کہا کہ چین کے قرضوں پر شرح سود صرف 2.34 فیصد ہے، سی پیک کے پہلے مرحلے میں روڈ انفرا اسٹرکچر پر سرمایہ کاری کی گئی، سی پیک کے تحت پہلا اقتصادی زون رشکئی میں جلد بننے جارہا ہے، خصوصی اقتصادی زون سے روزگار کے لاکھوں مواقع پیدا ہوں گے۔

انہوں نے کہا کہ چین پاکستان کا انتہائی قریبی دیرینہ ساتھی ہے، دنیا کے ممالک کے ساتھ ہم بہترین تعلقات چاہتے ہیں، ہم تو چاہتے ہیں امریکا سے انویسٹمنٹ آئے، سی پیک کے پراجیکٹ میں ہم نے تھرڈ پارٹی کی بات کی تھی، چین نے کہا یہ تو بہت اچھا ہوگا، ہم چاہتے ہیں افغانستان میں امن آئے، ایران اور امریکا کے تعلقات بہتری کی طرف جائیں، پورے خطے میں امن ہوگا تو سی پیک کے اصل ثمرات ملیں گے۔

[bs-quote quote=”سی پیک کے خلاف باقاعدہ مہم چلائی جارہی ہے” style=”style-8″ align=”right” author_name=”اسد عمر”][/bs-quote]

اسد عمر نے کہا کہ امریکی نائب وزیر خارجہ کا سی پیک سے متعلق تجزیہ درست نہیں ہے، دوست ملکوں کے ساتھ تعلقات کسی کے کہنے پر خراب نہیں کرسکتے، سی پیک کے اصل ثمرات خطے میں قیام امن کے بعد ملیں گے۔

انہوں نے کہا کہ سی پیک کے خلاف باقاعدہ مہم چلائی جارہی ہے، چین نے مشکل ترین حالات میں پاکستان کی مدد کی، ہم موقف دے چکے ہیں سی پیک سرمایہ کاری ہے امداد نہیں ہے، حکومت کا موقف ہے ہمیں امداد کا کوئی فائدہ نہیں ہے، سی پیک سے پاکستان اور چین دونوں کو فائدہ ہوا، چینی کمپنیوں کو کاروبار ملا اور پاکستان کو انفرا اسٹرکچر ملا ہے۔

آئین شکنی کیس کا فیصلہ محفوظ ، پرویز مشرف نے عدالت سے رجوع کرلیا

کی طرف
جہانگیر اسلم
-
0

اسلام آباد : سابق صدر پرویزمشرف نے خصوصی عدالت کے فیصلہ محفوظ کرنے کیخلاف عدالت سے رجوع کرلیا، جس میں کہا گیا عدالت نے مؤقف سنے بغیر کیس کا فیصلہ محفوظ کیا، کیس کی سماعت تندرست ہونےتک ملتوی کی جائے۔

تفصیلات کے مطابق سابق صدر پرویزمشرف نے آئین شکنی کیس میں خصوصی عدالت کے فیصلہ محفوظ کرنے کیخلاف درخواست دائر کردی ، جس میں وفاقی حکومت،وزارت قانون وانصاف، ایف آئی اے اور رجسٹرارخصوصی عدالت کو فریق بنایا گیا ہے۔

درخواست میں مؤقف اختیار کیا گیا ہے کہ خصوصی عدالت نے19نومبرکومؤقف سنے بغیرکیس کا فیصلہ محفوظ کیا، بیماری کی وجہ سے بیرون ملک زیرعلاج مقیم ہوں، بیماری کی وجہ سےخصوصی عدالت میں مؤقف پیش نہیں کرسکا۔

درخواست میں استدعا کی گئی سپریم کورٹ کے فیصلوں کے مطابق سماعت دوبارہ شروع کی جائے اور خصوصی عدالت کا فیصلہ محفوظ کرنے کا حکم معطل کیا جائے۔

مزید پڑھیں : پرویزمشرف کے خلاف آئین شکنی کیس کا فیصلہ محفوظ ، 28 نومبر کو سنایا جائے گا

درخواست میں کہا گیا عدالت کیس کی سماعت تندرست ہونےتک ملتوی کرنے اور غیرجانبدارمیڈیکل بورڈتشکیل دینے کا حکم دے۔

یاد رہے 19 نومبر کو خصوصی عدالت نے سابق صدر پرویز مشرف کے خلاف آئین شکنی کیس کا فیصلہ محفوظ کیا تھا، جو 28 نومبر کو سنایا جائے گا، فیصلہ یک طرفہ سماعت کے نتیجے میں سنایا جائے گا۔

عدالت نے پرویز مشرف کے وکلا کو دفاعی دلائل سے روک دیا تھا اور پراسیکیوشن کی نئی ٹیم مقرر کرنے کا حکم دیا تھا ، نئی ٹیم مقرر کرنے میں تاخیر پر عدالت نے بغیر سماعت فیصلہ محفوظ کیا، عدالت کا کہنا تھا کہ مشرف کے وکیل چاہیں تو 26 نومبر تک تحریری دلائل جمع کرادیں۔

چیف الیکشن کمشنر کی ریٹائرمنٹ ، قومی ووٹرز ڈے 5 دسمبر کو منانے کا فیصلہ

کی طرف
ویب ڈیسک
-
0

اسلام آباد : چیف الیکشن کمشنر سرداررضا کی ریٹائرمنٹ کے باعث قومی ووٹرز ڈے 7دسمبر کی بجائے 5 دسمبر کو منایا نے کا فیصلہ کیا گیا ہے ، چیف الیکشن کمشنر 6 دسمبر کو ریٹائرڈ ہوں گے۔

تفصیلات کے مطابق ذرائع کا کہنا ہے کہ الیکشن کمیشن آف پاکستان نے قومی ووٹرز ڈے 2 روز قبل منانے کا فیصلہ کرلیا ہے ، قومی ووٹرز ڈے7دسمبر کی بجائے 5 دسمبر کو منایا جائے گا، قومی ووٹرز ڈے کی تاریخ چیف الیکشن کمشنرکی ریٹائرمنٹ کی وجہ سے تبدیل کی گئی ہے۔

الیکشن کمیشن نے ووٹرزڈے کی تقریب مرکزی دفترمیں منعقد کرنے کا فیصلہ کیا ہے، قومی ووٹرز ڈے 7 دسمبر کو منایا جاتا ہے اور ماضی میں قومی ووٹرز ڈے کی مرکزی تقریب ایوان صدر میں ہوتی تھی۔

خیال رہے چیف الیکشن کمشنرسردار رضا چھ دسمبر کو ریٹائرڈ ہوجائیں گے ، الیکشن کمیشن نے چیف الیکشن کمشنر جسٹس ریٹائرڈ سردار رضا کی ریٹائرمنٹ سے متعلق حکومت کو آگاہ کردیا ہے۔

الیکشن کمیشن نے بذریعہ خط وزارت پارلیمانی امور کو آگاہ کیا ، جس میں کہا گیا چیف الیکشن کمشنرجسٹس ریٹائرڈ سرداررضا کی مدت 6 دسمبر کو مکمل ہو جائے گی ، سرداررضا نے 6 دسمبر2014 کو عہدہ سنبھالا تھا۔‏

وزارت پارلیمانی امور کو چیف الیکشن کمشنر کا خط موصول ہوگیا ہے، چیف الیکشن کمشنر کی ریٹائرمنٹ کے بعد الیکشن کمیشن غیر فعال ہوجائے گا۔

بڑے ریٹیلرز کے لیے ایف بی آر کا ایک اور اقدام

کی طرف
ویب ڈیسک
-
0

اسلام آباد: ایف بی آر کے چیئرمین شبر زیدی کا کہنا ہے کہ بڑے ریٹیلرز کو تاکید کی جاتی ہے کہ وہ سسٹم کے ساتھ ضم ہوجائیں، یہ بڑے ریٹیلرز کے لیے فائدہ مند ہوگا۔

تفصیلات کے مطابق فیڈرل بورڈ آف ریونیو (ایف بی آر) کے چیئرمین شبر زیدی نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایف بی آر بڑے ریٹیلرز کے لیے آٹو میٹڈ پوائنٹ آف سیلز آئندہ ماہ لانچ کرے گا۔

شبر زیدی کا کہنا تھا کہ بڑے ریٹیلرز کو تاکید کی جاتی ہے کہ وہ سسٹم کے ساتھ ضم ہوجائیں، یہ بڑے ریٹیلرز کے لیے فائدہ مند ہوگا۔

اپنے ٹویٹ میں انہوں نے کہا کہ اقدام سے ایف بی آر سے پرسنل انٹر ایکشن کم سے کم ہوجائے گی۔

اس سے قبل ایک موقع پر شبر زیدی نے کہا تھا کہ ایف بی آر نے گزشتہ سال کی نسبت 16 فیصد زیادہ ٹیکس گروتھ حاصل کی، جولائی تا اکتوبر ڈائریکٹ ٹیکس کی مد میں 454 ارب روپے جمع کیے۔

انہوں نے بتایا تھا کہ 5 ہزار 500 ارب ٹیکس ہدف کے لیے 43 فیصد کی گروتھ درکار ہے۔ جولائی تا اکتوبر 167 ارب روپے کا شارٹ فال رہا۔

کراچی: نوجوان کو قتل کرنے والے پولیس اہل کاروں کا جسمانی ریمانڈ

کی طرف
ویب ڈیسک
-
0

کراچی: کینٹ اسٹیشن کے قریب پولیس اہل کاروں کی فائرنگ سے نوجوان کی موت کے کیس میں گرفتار تین اہل کاروں کا جسمانی ریمانڈ منظور کر لیا گیا۔

تفصیلات کے مطابق گزشتہ روز کینٹ اسٹیشن کے قریب گاڑی پر فائرنگ کر کے نوجوان نبیل ہوڈ بائے کو قتل کرنے والے پولیس اہل کاروں کو آج انسداد دہشت گردی کی منتظم عدالت میں پیش کیا گیا۔

عدالت نے تینوں پولیس اہل کاروں کو 4 روزہ جسمانی ریمانڈ پر پولیس کے حوالے کر دیا، پولیس اہل کاروں میں سب انسپکٹرعبدالغفار، ہیڈ کانسٹیبل آفتاب اور کانسٹیبل محمدعلی شاہ شامل ہیں، ملزمان کے خلاف آرٹلری میدان تھانے میں مقدمہ درج ہے جس میں قتل، اقدام قتل اور دہشت گردی کے دفعات شامل ہیں۔

یہ بھی پڑھیں:  پولیس کے ہاتھوں قتل کروڑ پتی کا مقدمہ درج، اے آر وائی نیوز نے اصل کہانی معلوم کرلی

یہ مقدمہ مقتول کے دوست امام رضا کی مدعیت میں درج کیا گیا تھا، ملزمان نے گزشتہ روز کینٹ اسٹیشن کے قریب مقتول کی گاڑی پر فائرنگ کی تھی جس سے نوجوان نبیل جاں بحق اور دوست امام رضا زخمی ہو گیا تھا۔

تحقیقات میں معلوم ہوا تھا کہ گذری پولیس نے دونوں دوستوں کو چیکنگ کے لیے روکا تھا، پولیس نے گاڑی کی تلاشی لینا چاہی تو بیئر کین کی موجودگی کے باعث انھوں نے گاڑی بھگا دی، جس پر پولیس موبائل نے ان کا پیچھا کیا اور کینٹ اسٹیشن کے قریب گاڑی رکنے پر اہل کار نے فائرنگ کر دی۔

گواہی دینے کی ہمت نہیں تو انصاف نہیں مانگیں، چیف جسٹس

کی طرف
ویب ڈیسک
-
0

چیف جسٹس آف پاکستان جسٹس آصف سعید کھوسہ نے کہا ہے کہ کسی میں گواہی دینے کی ہمت نہیں تو انصاف نہیں مانگیں، تہیہ کرلیں کہ ہم نےجھوٹی گواہی کونہیں ماننا، انصاف کرنامقصدنہیں بلکہ قانون کے مطابق انصاف کرنا ہمارا مقصدہے۔

تفصیلات کے مطابق لاہور میں تقریب سے خطاب کرتے ہوئے چیف جسٹس نے کہا کہ میری پہلی ترجیح بطورچیف جسٹس عدالت میں پیش ہونےوالوں کےاحترام کی بحالی رہی۔

چیف جسٹس نے کہا کہ عدالتوں میں پیش ہونےوالےحکام کااحترام نہیں کیاجاتاتھا، میری پہلی ترجیح رہی ہےعدالت بطورعدالت ہی کام کرے،ترجیح رہی کہ اداروں کی جانب سےپیش آنےوالوں کی عزت بحال رہے اس میں کامیاب بھی رہے۔

چیف جسٹس کا کہنا تھا کہ جب بھی ملک میں کوئی مسئلہ عوامی توجہ حاصل کرتا تو سوموٹوکی توقع کی جاتی اگرحکام اپناکام کررہےہوں توعدالت کومداخلت کی ضرورت نہیں۔

[bs-quote quote=”ترجیح رہی کہ اداروں کی جانب سےپیش آنےوالوں کی عزت بحال رہے اس میں کامیاب بھی رہے” style=”style-8″ align=”left”][/bs-quote]

جسٹس آصف سعید کھوسہ کا کہنا تھا کہ نوٹس لینےپرحکام معاملےپرتوجہ دینےکے بجائے عدالت میں پیشی کی پہلےفکرکرتے، اب کوئی واقعہ ہوتاہےتوتمام متعلقہ ادارےاورحکام متحرک ہوجاتےہیں، اس صورتحال میں عدالت کےتوجہ کرنےکی ضرورت نہیں رہ جاتی۔

 

انہوں نے بتایا کہ اگرہم پہلےدن سےہی مداخلت کریں تومعاملہ الجھ جائےگا، کچھ کیسزمیں نوٹس لیاگیا اورکہا گیا دہشت گردی کامعاملہ ہے لیکن بعدمیں معاملہ ذاتی دشمنی کانکلا،تب ہمارےہاتھ بندھ جاتےہیں۔

چیف جسٹس  نے کہا کہ میں آئی جیزکا بہت مشکورہوں کہ ہرضلع میں شکایت کےلیےایس پی مقررکیے اب لوگوں کواپنی شکایات کےلیے مقدمےاورعدالت کی ضرورت نہیں رہی، ایک لاکھ 20ہزارشکایات میں سےایس پی کی سطح پر80 فیصد مسئلے حل ہوئے اور شکایات کرنےوالےان فیصلوں سےمطمئن ہوئے اگرتب بھی مسئلہ حل نہ ہوتوعدالت کادروازہ کھلاہے۔

[bs-quote quote=”ایک لاکھ 20ہزارشکایات میں سےایس پی کی سطح پر80 فیصد مسئلے حل ہوئے” style=”style-8″ align=”left”][/bs-quote]

انہوں نے کہا کہ کسی میں گواہی دینے کی ہمت نہیں تو انصاف نہیں مانگیں، تہیہ کرلیں کہ ہم نےجھوٹی گواہی کونہیں ماننا، انصاف کرنامقصدنہیں بلکہ قانون کے مطابق انصاف کرنا ہمارا مقصدہے۔

پی ٹی آئی رہنماؤں کی ناروے میں قرآن پاک کی بےحرمتی کے واقعے کی شدید مذمت

کی طرف
ویب ڈیسک
-
0

اسلام آباد: پاکستان تحریک انصاف کے رہنماؤں نے ناروے میں قرآن پاک کی بےحرمتی کے واقعے کی شدید مذمت کرتے ہوئے کہا ہے کہ ناروے جیسے واقعات انسانیت کے لئے خطرہ ہیں۔

تفصیلات کے مطابق دنیا بھر میں ناروےمیں قرآن پاک کی بےحرمتی کےواقعےکی مذمت کی جارہی ہے ، سینیٹر فیصل جاوید نے سماجی رابطے کی ویب سائٹ ٹوئٹر پر اپنے بیان میں کہا اسلاموفوبیا الارمنگ ہوتا جارہا ہے، یہ ایسا مسئلہ ہے، جس پر دنیا کو توجہ دینے کی ضرورت ہے، ناروے جیسے واقعات انسانیت کے لئے خطرہ ہیں، اسلام امن کا مذہب ہے ، اسلام دوسرے مذاہب کا احترام سکھاتا ہے، توقع ہے دوسرے بھی ہمارے مذہب کا احترام کریں گے۔


وزیراعلیٰ پنجاب عثمان بزدار نے بھی ناروےمیں قرآن پاک کی بےحرمتی کے واقعے کی شدید مذمت کرتے ہوئے بہادر نوجوان الیاس کی بہادری کو خراج تحسین پیش کیا۔

وفاقی وزیر مذہبی امور پیر نور الحق قادری نے بھی ناروے میں قرآن کریم کی بے حرمتی کے واقعہ انتہائی افسوس ناک قرار دیتے ہوئے کہا مذہب اسلام کے تمسخر یا قرآن کریم کی توہین ہمارے لئے ناقابل برداشت ہے، مغرب اور یورپ کو ایسے شرمناک واقعات پر قابو پانا چاہئے اور مسلمانوں سے معافی مانگنی چاہئے۔

انہوں نے کہا کہ اس طرح کے واقعات تصادم اور انتشار اور عالمی امن کیلئے خطرہ کا باعث سمجھتے ہیں ، ناروے حکومت کو اہلیان پاکستان کا غم و غصہ اور احتجاج ریکارڈ کرایا جائے گا۔

واضح رہے کہ ناروے میں اسلام مخالف ریلی میں ایک ملعون کو قرآن کریم کی توہین سے روکنے والے مسلم نوجوان کو ہیرو قرار دے دیا گیا۔

1...19,98019,98119,982...30,692صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025