کراچی : پاکستان پیپلز پارٹی کے رہنما اور سابق چیئر مین فشریز نثار مورائی کو حساس اداروں نے حراست میں لے کر چندگھنٹوں کی تفتیش کے بعد رہا کردیا ہے۔
تفصیلات کے مطابق نثار مورائی سابق اسٹیل ملز کے چیئر مین کے قتل کے الزام میں کیس کی سماعت کے لیے سٹی کورٹ پیش ہوئے تھےجہاں سے سادہ لباس اہلکار انہیں اپنے ہمراہ لے گئے تھے تا ہم چند گھنٹوں کی تفتیش کے بعد اب انہیں رہا کردیا گیا ہے۔
واضح رہے کہ نثار مورائی اسٹیل ملز کے چیئرمین کے قتل کیس میں ضمانت پر رہا ہیں جس کی سماعت کے لیے وہ عدالت میں حاضر میں تھے جس کی سماعت 3 دسمبر تک ملتوی کردی تھی۔
کیس کی سماعت کے بعد وہ سٹی کورٹ سے نکلے تو ڈینسو ہال کے قریب 10سے 15 گاڑیوں نے نثار مورائی کی گاڑی کو گھیر ے میں لے لیا ، گاڑیوں میں سوار سادہ لباس میں ملبوس افراد نثار مورائی کو اپنے ہمراہ لےگئے تھے۔
نثار مورائی کے وکیل کا کہنا ہے کہ نثار مورائی کو سادہ لباس میں ملبوس افراد اپنے ساتھ لے گئے جب ان سے پوچھا گیا تو انہوں نے کہا کہ ہمارے کمانڈر نے ملاقات کرنی ہے جس کے بعد انہیں رہا کردیا جائے گا۔
اسلام آباد: وزیر اعظم پاکستان نے جنرل قمر جاوید باجوہ کو نئے آرمی چیف آف اسٹاف کے عہدے پر فائز کردیا جبکہ جنرل زبیر حیات کو چیئرمین جوائنٹ چیف آف اسٹاف کمیٹی مقرر کیا گیا ہے۔
تفصیلات کے مطابق جنرل راحیل شریف کی سبکدوشی کے بعد وزات دفاع کی جانب سے بھیجی جانے والی سمری میں شامل چار ناموں میں سے جنرل قمر باجوہ کو پاک فوج کی کمان دے دی گئی ہے۔ سنیارٹی میں دو نمبر پر آنے والے لیفٹیننٹ جنرل زبیر حیات کو جوائنٹ چیفس آف اسٹاف مقرر کردیا گیا۔
تجزیہ نگار ارشد شریف کے مطابق وزیر اعظم ہاؤس کے باضابطہ کوئی نوٹی فکیشن جاری نہیں کیا گیا تاہم اطلاعات ہیں کہ وزیر اعظم نے چار میں سے دو افراد کو آرمی کی کمان دے دی ہے۔
لیفٹیننٹ جنرل قمر جاوید باجوہ کون ہیں؟
وہ اس وقت جی ایچ کیو میں انسپکٹرجنرل آف ٹریننگ اینڈ ایویلوئیشن ہیں اور یہ وہی عہدہ ہے جو آرمی چیف بننے سے قبل جنرل راحیل شریف کے پاس تھا اور سنیارٹی میں ان کا نمبر چوتھا ہے۔
سنیارٹی میں اول نمبر لیفٹیننٹ جنرل جاوید اقبال رمدے، دوم لیفٹیننٹ جنرل زبیر حیات اور سوم نمبر لیفٹیننٹ جنرل اشفاق ندیم ہیں۔
قمر جاوید باجوہ پاک فوج کی سب سے بڑی 10 کور کی کمانڈ کرچکے ہیں، قمر باجوہ کے پاس لائن آف کنٹرول کی ذمہ داری تھی۔ اس کے علاوہ جنرل قمر جاوید باجوہ بطور بریگیڈ کمانڈر کانگو میں اقوام متحدہ کے امن مشن کی کمانڈ بھی کر چکے ہیں۔
جنرل قمر آرمی کی سب سے بڑی دسویں کور کو کمانڈ کرچکے ہیں جو کنٹرول لائن کے علاقے کی ذمہ داری سنبھالتی ہے۔جنرل قمر جاوید باجوہ کشمیر اور شمالی علاقہ جات میں معاملات کو سنبھالنے کا وسیع تجربہ رکھتے ہیں بطور میجر جنرل انہوں نے فورس کمانڈ ناردرن ایریاز کی سربراہی کی۔
کشمیر اور شمالی علاقوں میں تعیناتی کا وسیع تجربے کے سبب جنرل قمر دہشت گردی کو پاکستان کے لیے ہندوستان سے بھی بڑا خطرہ سمجھتے ہیں۔ جنرل قمر جاوید باجودہ نے دسویں کور میں لیفٹیننٹ کرنل کے عہدے پر بھی بطور جی ایس او خدمات انجام دی ہیں۔
انفنٹری بلوچ رجمنٹ کے چوتھے آرمی چیف
لیفٹینینٹ جنرل قمر جاوید باجوہ کا تعلق بلوچ رجمنٹ سے تعلق ہے، تین آرمی چیف کا تعلق بلوچستان سے رہ چکا ہے
کشمیر اور ناردن ایریاز میں تعینات رہے ہیں۔
بلوچ رجمنٹ انفنٹری سے تعلق رکھنے والے لیفٹیننٹ جنرل قمر جاوید باجودہ۔جی ایچ کیو میں انسپکٹرجنرل آف ٹریننگ اینڈ ایویلوئیشن کے عہدے پر تعینات تھے یہ وہی عہدہ ہے جو آرمی چیف بننے سے قبل جنرل راحیل شریف کے پاس تھا۔
وزیراعظم کے ترجمان نے بھی تصدیق کردی
وزیراعظم کے ترجمان نے تصدیق کرتے ہوئے کہا ہے کہ وزیراعظم نواز شریف نے جنرل قمرجاوید باجوہ کو نیا آرمی چیف مقررکردیا ہے۔ سنیارٹی میں ان کا نمبر چوتھا ہے، ان کا تعلق انفنٹری بلوچ رجمنٹ سے ہے، وہ چوتھے آرمی چیف ہیں جن کا تعلق بلوچ رجمنٹ سے ہے، سابقہ آرمی چیف یحییٰ خان، جنرل مرزا اسلم بیگ اور جنرل اشفاق پرویز کیانی کا تعلق بھی بلوچ رجمنٹ سے تھا۔
ترجمان کا کہنا ہے کہ سنیارٹی میں دوسرے نمبر پر آنے والے لیفٹیننٹ جنرل زبیر حیات کو چیئرمین جوائنٹ چیفس آف اسٹاف کمیٹی مقرر کردیا گیا۔ ہے،جنرل زبیر حیات چیف آج جنرل اسٹاف کے عہدے پر تعینات تھے ، وہ ڈی جی اسٹریٹجک پلاننگ ڈویژن بھی رہے۔
جنرل زبیر محمود حیات کے بارے میں
جنرل زبیر محمود حیات کا تعلق آرٹلری رجمنٹ سے ہے، وہ فورڈ سل اوکلوہاما امریکا سے فارغ التحصیل ہوئے،کمانڈ اینڈ اسٹاف کیمبرلے یوکے سے ڈگری حاصل کی، نیشنل ڈیفنس یونیورسٹی اسلام آباد سے گریجویشن بھی کیا، انہیں کمانڈ اسٹاف اور انسٹرکشنل پوسٹوں پر کام کرنے کا وسیع تجربہ ہے۔
جنرل زبیر محمود حیات پاکستان ایمبیسی یو کے میں ڈیفنس اتاشی بھی رہے، بریگیڈ انفٹری ڈویژن کی بھی قیادت کرچکے ہیں اور ایک کور کے چیف آف اسٹاف بھی رہے،۔
ڈائریکٹر جنرل اسٹریٹجک پلاننگ ڈویژن کے سربراہ بھی رہے، انہوں نے کور کمانڈر بہاولپور کے طور پر بھی خدمات انجام دیں۔
جی او سی سیالکوٹ اور اسٹاف ڈیوٹیز ڈائریکٹوریٹ کے سربراہ بھی رہ چکے ہیں۔ زبیر حیات کا تعلق فوجی گھرانے سے ہے، ان کے والد لیفیننٹ جنرل کے عہدے سے ریٹائرڈ ہوئے۔
جنرل زبیر حیات کے ایک بھائی لیفٹیننٹ جنرل عمر حیات پاکستان آرڈیننس فیکٹری واہ کے چیئرمین ہیں جبکہ دوسرے بھائی احمد محمود حیات آئی ایس آئی میں ڈائریکٹر جنرل اینالائسز ہیں۔
چار فوجی افسران سپر سیڈ ہوگئے
جنرل زبیر حیات اور جنرل قمر جاوید باجوہ کی ترقیوں کی وجہ سے پاک فوج کے چار افسران سپر سیڈ ہوگئے، ان میں کور کمانڈر ملتان لیفٹیننٹ جنرل اشفاق ندیم، کور کمانڈر بہاولپو لیفٹیننٹ جنرل جاوید اقبال رمدے، ڈی جی جوائنٹ اسٹاف لیفٹیننٹ جنرل نجیب اللہ اور چیئرمین ہیوی انڈسٹریز ٹیکسلا واجد حسین شامل ہیں۔ یاد رہے کہ یہ چاروں افسران حسب روایت اپنے عہدوں سے مستعفی ہوجائیں گے۔
اسلام آباد : لائن آف کنٹرول پر جاری بھارتی جارحیت اور مقبوضہ کشمیر کے نہتے عوام پر ظلم و بربریت سے متعلق پاکستان تحریک انصاف نے اقوام متحدہ کے سیکرٹری جنرل بان کی مون کو خط لکھ دیا ہے۔
خط کے متن میں کہا گیا ہے کہ بھارت نے ایل اوسی پرحملوں کا سلسلہ شروع کر رکھا ہے جب کی بھارتی جارحیت سے بارڈر کے قریب رہائش پذیر معصوم شہری اور ان کے مال مویشی تک محفوظ نہیں،وہ شہری آبادی کو بھی انتہائی سفاکیت سے نشانہ بنارہاہے،بھارتی سفاکیت کا عالمی سطھ پرتدارک نہ کرنا ناقابل فہم ہے۔
پی ٹی آئی نے مطالبہ کیا کہ بان کی مون بطورسیکریٹری جنرل عالمی امن اورسلامتی کاتحفظ یقینی بنائیں اور سلامتی کونسل کے چارٹر کے تحت سلامتی کونسل کااجلاس طلب کر کے بھارتی جارحیت کی نہ صرف یہ کہ مذمت کریں بلکہ اسے رکوانے کے لیے اپنا بھرپور کردار ادا کریں۔
واضح رہے اس سے قبل چیئرمین تحریک انصاف عمران خان کی زیر صدارت پارٹی قیادت کے اجلاس میں بان کی مون کو خط لکھنے کا فیصلہ کیا گیا تھا،انہوں نے مزید کہا کہ اقوام متحد کو خط کے ذریعے بھارتی جارحیت اور عزائم کو بے نقاب کیا گیا ہے۔
اجلاس کے دوران عمران خان کا کہنا تھا تحریک انصاف قومی مفادات کو حکومتی نااہلی کی بھینٹ نہیں چڑھنے دے گی، وزیر اعظم کی کمزور اخلاقی ساکھ ملکی سلامتی اور ریاستی مفادات کیلئے تباہ کن ہے۔
فرانس : دنیا عجیب و غریب٬اور خوبصورت مقامات سے بھری پڑی ہے لیکن اسی دنیا میں کچھ ایسے مقامات بھی موجود ہیں، جو سمندر سے ملحقہ ہیں یا سمندر کے درمیان سے گزرتے ہیں اور پانی کی سطح بلند ہونے کی وجہ سے روزانہ کچھ وقت کے لیے ڈوب ہوجاتے ہیں۔
فرانس میں بھی کچھ ایسی ہی عجیب و غریب سڑک ہے، جو روزانہ غائب ہوجاتی ہیں، فرانس کی پیسیج دی گوا نامی سڑک نہ صرف منفرد بلکہ انتہائی خطرناک بھی ہے۔
یہ سڑک خلیج برنیف نامی مقام کو جزیرے نوئرماؤٹیئر سے جوڑتی ہے، عجیب بات یہ ہے کہ 2.58 میل طویل یہ سڑک دن میں دو مرتبہ غائب ہوجاتی ہے۔
فرانس کے لوگ اس سڑک کو دن میں صرف چند گھنٹوں کے لئے ہی انتہائی احتیاط کے ساتھ استعمال کرتے ہیں ، سڑک کے اطراف میں خصوصی تختے لگائے گئے ہیں جو یہ ظاہر کرتے ہیں کہ سڑک استعمال کے لیئے محفوظ ہے۔
خصوصی تختوں کے باوجود لوگ لہروں میں پھنس جاتے ہیں لیکن خوش قسمتی سے یہاں جان بچانے والے بلند مینار موجود ہیں، جہاں لوگ چڑھ سکتے ہیں اور بچائے جانے کا انتظار کر سکتے ہیں۔
کراچی : وزیر اعلیٰ سندھ مراد علی شاہ نے انکشاف کیا ہے کہ 22 اگست کے بعد پیدا ہونے والی صورتِ حال کے باعث اسلام آباد کے کچھ عناصرنہیں چاہتے تھے کہ سندھ میں بلدیاتی انتخابات ہوں۔
مراد علی شاہ مقامی حکومتوں سے متعلق سیمینار سے خطاب کر رہے تھے،سیمینار وزارتِ بلدیات کی جانب سے وزیراعلیٰ ہاؤس میں منعقد کیا گیا تھا،اپنے خطاب میں اُن کا کہنا تھا کہ 22 اگست کی صورتحال کے باوجود بلدیاتی انتخابات کروائے جب کہ اسلام آباد کے کچھ عناصر نہیں چاہتے تھے کہ بلدیاتی انتخابات ہوں۔
انہوں نے کہا کہ یہ تاثر غلط ہے کہ پی پی مقامی حکومتوں کو اختیارات نہیں دینا چاہتی،صدرِ پاکستان آصف علی زرداری نے بھی اپنے اختیارات سے دستبردار ہوکرصوبوں کوطاقتوربنایا اور صوبے اپنی قیادت کے نقشِ قدم پر چلتے ہوئے مقامی حکومتوں کو اختیارات منتقل کرے گی۔
وزیر اعلیٰ سندھ کا کہنا تھا کہ میرے پاس اختیارات ہیں لیکن ان سے تجاوز نہیں کرسکتا، پیسے جاری کرنا میرا نہیں پبلک اکاؤنٹس کمیٹی کا کام ہے تا ہم کو شش کی ہے کہ ہر یوسی کوتھوڑے پیسے دے دیں، ہمارے پاس جو وسائل ہیں اس کے مطابق ہی کام کرنا ہوگا۔
مقامی حکومتوں کے نمائندوں کو مخاطب کرتے ہوئے انہوں نے کہا کہ آپ گراس روٹ لیول سے منتخب نمائندے ہیں آپ کے فیصلے کو ترجیح دی جائے گی،شہرکے تمام بڑے مسائل کے حل کے لیے کام کررہے ہیں،کراچی کے پانی کا مسئلہ بھی جلد حل کریں گے،میری ساری توجہ ترقیاتی کاموں پرہے۔
ہم صوبے کی خدمت کرنے کے لیے آئے ہیں، حیدر آباد کے حوالے سے ان کا کہنا تھا کہ میں خود حیدرآباد میں پڑھا ہوں، مجھے پورا سندھ عزیز ہے۔
اسلام آباد : پاک فوج کا سپہ سالار کون ہوگا؟ وزیراعظم نوازشریف نے مشاورت مکمل کرلی، نئے آرمی چیف کا اعلان آئندہ چوبیس گھنٹے میں متوقع ہے۔
تفصیلات کے مطابق لیفٹیننٹ جنرل زبیر محمود حیات، لیفٹیننٹ جنرل اشفاق ندیم، لیفٹیننٹ جنرل جاوید اقبال رمدے اور لیفٹیننٹ جنرل قمرجاویدباجوہ میں سے پاک فوج کی کمان کون سنبھالے گا؟
زرائع کے مطابق وزیراعظم نوازشریف نے مشاورت مکمل کرلی، امکان ہے کہ نئے آرمی چیف کا اعلان وزیراعظم وطن واپسی پر کریں گے۔
سینیارٹی لسٹ میں سرفہرست کورکمانڈر بہاولپور لیفٹیننٹ جنرل زبیر حیات چیف آف جنرل اسٹاف رہ چکے ہیں، زبیر حیات کو بطور ڈی جی ایس پی ڈی وزیراعظم کے قریب رہ کر بھی کام کرنے کا تجربہ بھی ہے۔
آپریشن ضرب عضب کا خاکہ تیار کرنے والے لیفٹیننٹ جنرل اشفاق ندیم پاک فوج کے دوسرے سینئر ترین جنرل ہیں، کور کمانڈر ملتان اشفاق ندیم کا تعلق کشمیر رجمنٹ سے ہے۔
لیفٹیننٹ جنرل جاوید اقبال رمدے کا سینیارٹی لسٹ میں تیسرا نمبر ہے، سوات آپریشن کے دوران ہیلی کاپٹر پر فائرنگ سے زخمی ہوئے، کور کمانڈر بہاولپور این ڈی یو میں بطور کمانڈنٹ، چیف انسٹرکٹر اور صدر خدمات انجام دیں۔
پاک فوج کی سب سے بڑی کور کو کمانڈ کرنے والے لیفٹیننٹ جنرل قمر جاوید باجوہ جی ایچ کیو میں انسپکٹر جنرل آف ٹریننگ اینڈ ایو یلوئیشن فرائض انجام دے رہے ہیں، جنرل راحیل شریف آرمی چیف سے پہلے اسی عہدے پر فائز رہے۔
کراچی : کراچی والوں کو بہتر سفری سہولیات کےخواب کی تعبیر کیلئے کل سے نئی اذیت جھیلنا ہوگی، نصف صدی قدیم ناظم آباد کے پل کو گرانے کا کام کل سے شروع ہوگا۔
تفصیلات کے مطابق گرین لائن منصوبے کے لئے ناظم آباد بورڈ آفس پل کو گرانے کا عمل کل سے شروع ہو رہا ہے لیکن متبادل روٹ کے واضح اعلان کا کچھ اتاپتہ نہیں۔
ذرائع کے مطابق پل گرانے کا کام ایک ماہ جاری رہے گا، پہلے مرحلے میں بورڈ آفس سے عباسی شہید اسپتال جانے والا حصہ زمین بوس کیا جائے گا ، دوسرے مرحلے میں ناظم آباد سے بورڈ آفس جانے والے ٹریک کو منہدم کیاجا ئے گا۔
ناظم آباد ، نارتھ ناظم آباد ، نارتھ کراچی، نیوکراچی اور سرجانی ٹاؤن جانے والے لاکھوں شہری روزانہ ناظم آباد پل استعمال کرتےہیں، پل کے انہدام کے بعد ٹریفک جام میں مزید اضافہ کا خدشہ ہے۔
عباسی اسپتال جانے والے مریضوں اور اطراف میں قائم اسکولوں کے طلبہ وطالبات کو سخت مشکلات کاسامنا ہو سکتا ہے۔
شہریوں کا کہنا ہے پل کو منہدم کئے جانے سے قبل متبادل راستہ بنایا جائے اس پل کے منہدم کئے جانے کے بعد شہر کی نصف سے زائد آبادی کے شہریوں کو آمدو رفت میں مشکلات کا سامنا کرنا پڑے گا
خیال رہے کہ ناظم آباد پل کا ایک حصہ چھپن سال پرانا جبکہ نارتھ کراچی اور نارتھ ناظم آباد جانےوالے حصہ انیس سو چھیانوے میں تعمیر کیا گیا تھا۔
انار ایک بے پناہ فوائد کا حامل پھل ہے، حضور صلی اللہ علیہ وسلم نے ارشاد فرمایا کہ جنت کا پھل انار ہے ۔
حضرت علی سے روایت ہے کہ حضور صلی اللہ علیہ وسلم نے فرمایا جس نے انار کھایا اللہ تعالیٰ نے اس کے دل کو روشن کر دیا ۔ قرآن مجید نے انار کو جنت کا میوہ قرار دے کر مختلف مقامات پر ذکر کیا ہے۔
انار دنیا کے قدیم ترین پھلوں میں شمار کیا جاتا ہے۔ توریت کے مطابق حضرت سلیمان کے پاس اناروں کے باغات تھے۔
انار میں بے شمار فوائد ہیں ، انار قدرت کا شاندار تحفہ ہے، اس کے درخت کی چھال، پھول، پھل کا چھلکا اور یہاں تک کہ پتیاں بھی مفید ہیں، پرانی کھانسی میں بھی سفوف استعمال کرنا فائدہ مند ہے۔ انار کے پھولوں کے جوشاندے میں تھوڑی سی پھٹکری ملا کر اس سے غرارے کرنا گلے کی خرابی کا بہترین علاج ہے۔
ماہرین کے مطابق روزانہ انار کا جوس پینے سے کمر کے اردگرد چربی کا خاتمہ ہوتا ہے جبکہ ذہنی تناؤ کو کم کرنے کے لیے بھی انار کے جوس کو بہترین ٹانک قرار دیا گیا ہے۔
انار میں فولاد اور ہائیڈ رو کلورک ایسڈ موجود ہوتے ہیں، انار کھانے سے بھوک کھل کر لگتی ہے، انار میں موجود نمک کا تیزاب معدے کو طاقت دیتا ہے اور غذا کو ہضم کرنے میں مدد دیتا ہے ۔ انار دل کو طاقت دیتا ہے اور جسم میں صاف خون پیدا کرتا ہے ۔
انار ورم جگر ‘ یرقان ‘ تلی کے امراض ‘ گرم ‘ کھانسی ‘ سینے میں درد ‘ بھوک میں کمی ‘ ٹائیفائیڈ کے لئے مفید ادویاتی اور قدرتی غذا ہے ۔
انار کے رس میں شہد کا اضافہ کیا جائے تو بڑھاپے میں کمی ہوتی ہے، انار پھیپھڑوں سے بلغم نکال کر طاقت دیتا ہے ۔ اس میں وٹامن سی ‘ فاسفورس ‘ سوڈیم ‘ کیلشیم ‘ سلفر ‘ آئرن جیسے اجزاء بھی وافر پائے جاتے ہیں ۔ یہ مختلف امراض کے بعد کی کمزوری کو دور کرتا ہے۔
انار کا پھل دل و دماغ کو اس حد تک فرحت اور تازگی دیتا ہے کہ ایک پیغمبرانہ قول کے مطابق اس کے استعمال سے انسان میں نفرت اور حسد کا مادہ زائل ہو جاتا ہے ۔ انار کے چھلکے کے بھی فوائد ہیں ۔
انار دل و دماغ کو فرحت بخشتا ہے۔ قلت خون دور کرنے کا یہ ایک بہترین ذریعہ ہے۔
خصوصاً حاملہ خواتین کے لئے تو یہ ایک نعمت ہے، جو دوران حمل فولاد کی کمی، متلی، قے، بدہضمی کی کیفیت اورمٹی کھانے کی عادت کو دور کرتا ہے۔ انار خونی بواسیر یا کسی اور طریقے سے خون کے ضائع ہونے سے پیدا ہونے والی کمزوری کو فوری طورپردورکرکے قوت بحال کرتا ہے۔
اس کے علاوہ ملیریا، ڈینگو بخار اور خون کے سرطان جیسے مریضوں کے لئے اکسیر ہے، جن کے خون کے سرخ ذرات کم ہوگئے ہوں اور شدید کمزوری بھی لاحق ہو۔ جگر میں صفراءکی زیادتی، گرمی، خون کی خرابی، یرقان اور دیگرامراض جگر کے لئے انار کا استعمال مفید ہے۔
نئی دہلی : بھارتی حکومت کے ساتھ ساتھ بھارتی پائلٹس بھی آوٹ آف کنٹرول ہیں، رپورٹ کے مطابق دن بہ دن بھارت میں شرابی پائلٹس کی تعداد میں اضافہ ہوتا جارہا ہے ، جس نے مسافروں کیلئے خطرے کی گھنٹی بجادی ہے۔
شراب میں دھت پائلٹس یہ کارکردگی بھارتی ائیرلائنز کی ہے، جو آپ کی زندگی خطرے میں ڈال سکتی ہے ،بھارت میں دن بہ دن شرابی پائلٹس کی تعداد بڑھتی جارہی ہے۔
بھارت کے وزیر اشوک گجپت راجو نے پارلیمنٹ میں انکشاف کیا کہ سال 2016 میں یکم جنوری سے لے کر 31 اکتوبر تک 38 پائلٹ اور عملے کے 113 ارکان شراب کے ٹیسٹ میں ناکام پائے گئے۔
سال 2015 میں بھی 40پائلٹ اس ٹیسٹ میں ناکام قرار دیئے گئے تھے جبکہ سال 2014 میں یہ تعداد 20 کے آس پاس بتایا گیا تھا۔
ایئر انڈیا کے سینیئر ریٹائرڈ افسر اشوک شرما نے ان اعداد و شمار پر بی بی سی سے بات کی اور کہا کہ ان کے وقت میں کیس اتنے زیادہ نہیں ہوتے تھے. انھوں نے بتایا کہ یہ اعداد و شمار واقعی خطرے کا اشارہ دیتے ہیں اور جب میں کام کرتا تھا ان دنوں پائلٹ اور كیبن عملے کو اگر صبح پرواز درج کرنا ہوتی تھی تو وہ سرکاری پارٹیوں میں بھی شراب حاصل کرنے سے صاف انکار کر دیتے تھے.
کچھ دیگر سینیئر حکام کا خیال ہے کہ پرواز سے پہلے اپنے ملازمین کی میڈیکل جانچ جیسے سخت ہوا بازی قوانین کو لاگو کرنے میں بھارت تھوڑا سا سست ہی رہا ہے.
بین الاقوامی قوانین کے مطابق پرواز سے پہلے پائلٹ اگر نشے کی حالت میں پایا گیا تو اس کے خلاف کارروائی میں ذرا بھی رعایت نہیں برتی جائے گی. تاہم انڈیا میں کوئی بھی پائلٹ اور كیبن عملہ پرواز پر جانے سے کم از کم 12 گھنٹے پہلے 60 ایم ایل سے مزید الکوحل نہیں لے سکتا۔ اس کے بعد پرواز سے پہلے ٹیسٹ اگر مثبت پایا جاتا ہے تو انھیں 20 منٹ کا وقفہ دیا جاتا ہے تا کہ خود کو تازہ دم کر کے ٹیسٹ کے لیے دوبارہ تیار کر سکیں
بات یہیں ختم نہیں ہوتی، اس کے بعد ہوائی اڈے پر موجود طبی عملہ ایک عینی شاہد کی موجودگی میں ان کا ٹیسٹ کرتا ہے اور اگر اس ٹیسٹ میں کوئی پائلٹ یا عملے کا کوئی رکن ناکام ہو جاتا ہے تو اس کا لائسنس تین ماہ کے لیے معطل کر دیا جاتا ہے۔
