بغداد :عراقی دارالحکومت میں واقع یرموک نامی اسپتال میں لگنے سے 11 نو زائیدہ بچے جھلس کر ہلاک اور 12 بچے شدید زخمی ہوگئے ہیں۔
تفصیلات کے مطابق عراق کے دارلحکومت بغداد کے مغربی علاقے میں واقع یر موک اسپتال میں آگ لگنے کی وجہ سے11 نوزائیدہ بچے دم گھٹنے کے باعث خالق حقیقی سے جا ملے جب کہ12 بچے شدید زخمی ہیں
محکمہ صحت کے ترجمان احمد ال ردینی نے بتایا کہ آتشزدگی کا یہ واقعہ اسپتال کے شعبہ زچہ و بچہ میں شارٹ سرکٹ کی وجہ سے پیش آیا ہے جب کہ 7 دیگر بچوں اور 29 خواتین کوریسکیوآپریشن کے دوران بچالیا گیا ہے۔
غیر ملکی خبر رساں ایجینسی کے مطابق آتشزدگی کے واقعے میں 11 بچے ہلاک اور 12 بچے زخمی بھی ہوئے ہیں جب کہ وارڈ میں موجود 29 خواتین اور 7 دیگر بچوں کو ریسکیو اداروں نے باحفاظت اسپتال سے نکال کر دوسرے اسپتال منتقل کردیا گیا ہے۔
پولیس نے اسپتال انتظامیہ کے خلاف مقدمہ درج کر کے تحقیقات کا آغاز کردیاہے،پولیس حکام کا کہنا ہے کہ ابتدائی تفتیس سے پتہ چلا ہے کہ اسپتلا کے زچہ و بچہ وارڈ میں آگ شارٹ سرکٹ لگنے کی وجہ سے لگی۔
آگ لگنے کی وجوہات کے تعین کے بعد ذمہ داروں کے خلاف کارروائی کی جائے گی اور غفلت برتنے والوں کو کیفرکردار تک پہنچایا جائے گا۔
