سنی تحریک کے رہنما ثروت اعجاز قادری کا کہنا ہے کہ پاکستان، آئین، پارلیمنٹ اور عوام کو گالیاں دینے والوں سے بات چیت ہوتی ہے کیونکہ سب ان سے ڈرتے ہیں ۔۔ لگتا ہے قانون صرف طاقتور لوگوں کی حفاظت کے لیے ہے، وہ نشتر پارک میں جانثاران مصطفیٰ کانفرنس سے خطاب کررہے ہیں۔

نشتر پارک کراچی میں منعقدہ ”پاکستان بچاؤ جانثاران مصطفیﷺ کانفرنس“ سے خطاب کرتے ہوئے ثروت اعجاز قادری نے کہا کہ پاکستان کی خارجہ پالیسی امریکا، سعودیہ اور دیگر ممالک کے ادارے بناتے ہیں ان کا کہنا تھا کہ ربیع الاول کے بعد سنی تحریک مہنگائی اور دہشتگرد تنظیموں کے خلاف اپنے حتمی لائحہ عمل کا اعلان کرے گی اور تحریک کا آغاز کیا جائے گا۔اور 12 ربیع الاول تک ملک بھر میں لوڈشیڈنگ کا خاتمہ کیا جائے۔

ہم عوامی تحریک کی 6 جنوری کی ہڑتال کی مکمل حمایت کرتی ہے۔ انہوں نے کہا کہ اگلے سال تک ممتاز قادری کا فیصلہ نہ ہوا تو اس کا فیصلہ اب سنی خود کریں گے۔ انہوں نے کہا کہ جو لوگ پاکستان کے زبان، مذہب، لسان، مسلک کی بنیاد پر ٹکڑے کرنا چاہتے ہیں ان کا احتساب ہونا چاہیئے۔

آج تک عدالتوں نے نشتر پارک اور سنی تحریک کے قائد کے قتل کا سوموٹو نہیں لیا لیکن اب نئے چیف جسٹس آف پاکستان سے امید ہے کہ وہ سانحہ نشتر پارک پر سوموٹو ایکشن ضرور لیں گےکانفرنس سے خطاب کرتے ہوئے صاحبزادہ شاہ اویس نورانی نے کہا کہ پاکستان کو 65 سال قبل ہمارے علماء کرام اور مشائخ عظام نے حاصل کیا اور اس کا نام بھی اکابرین نے رکھا ہے۔

کراچی، اسلام آباد اور لاہور میں کارکنوں کی ٹارگٹ کلنگ کیخلاف اہلسنت و الجماعت نےکراچی پریس کلب کے باہر احتجاجی مظاہرہ کیا۔

احتجاجی مظاہرے سے خطاب کرتے ہوئے اہلسنت و الجماعت کے رہنما علامہ اورنگزیب فاروقی کا کہنا تھا کہ ملک بھر میں کارکنوں کو مسلسل ٹارگٹ کلنگ کا نشانہ بنایا جارہا ہے جس کی وجہ سے اشتعال پایا جاتا ہے.

اگر حکومت نے فوری طور پر قاتل گرفتار نہ کئے تو انتہائی اقدام پر مجبور ہوں گے، علامہ اورنگزیب فاروقی کا کہنا تھا کہ اہلسنت عوام کی ٹارگٹ کلنگ میں بیرون عناصر ملوث ہیں جنھیں بے نقاب کرنا ایجنسی کی ذمہ داری ہے۔

کراچی میں ٹارگٹڈ آپریشن کے دوران پولیس اوررینجرز نے چارٹارگٹ کلرز،گینگ وار کے اہم کردار نورالدین عرف نوراسمیت چالیس سے زائد جرائم پیشہ گرفتار کرکے بھاری اسلحہ برآمد کرلیا، شہر قائدمیں قیام امن کیلئے سیکورٹی اداروں کی کاروائیوں کا سلسلہ جاری ہے۔

لانڈھی صالح محمد گوٹھ میں ایک کارروائی کے دوران رینجرز نے گینگ وار کے اہم کردارنورالدین عرف نورا کو دو ساتھیوں سمیت گرفتار کرکے بھاری اسلحہ برآمد کرلیا۔ گلشن اقبال کے علاقے میں رینجرز نے چھاپہ مار کاروائیوں کے دوران 25سے زائد افراد کے قتل میں ملوث4ٹارگٹ کلرز کو گرفتارکرلیا۔

عیسٰی نگری سے بھی رینجرز نے مبینہ بھتہ خور کو حراست میں لیا۔ گڈاپ،ناظم آباد ٹاون ،رنچھوڑلائن سمیت دیگر علاقوں سے بھی رینجرز نے ایک درجن ملزمان کو گرفتار کیا۔ پولیس نے لیاقت آباد ٹاون کے مختلف علاقوں میں چھاپے مار کر 5افراد کو حراست میں لیا۔

ذرائع کے مطابق زیرحراست افراد سےاتوار کی شب پیرآباد کے علاقے میں پولیس موبائل پرحملے کے حوالے سے تفتیش کی جاری ہے۔ کیماڑی پولیس نے بینک ڈکیتیوں اورپولیس مقابلوں میں ملوث اشتہاری ملزم جاوید عرف قریشی کو گرفتار کرکے اسلحہ برآمد کیا۔ بلدیہ ٹاون اوربوٹ بیسن کے علاقوں سے بھی متعد د ملزمان کی گرفتاری عمل میں آئی جن سے تفتیش جاری ہے۔