جمعرات, جون 26, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 4821

موٹروے پولیس میں ہزاروں ملازمتوں کی آن لائن بھرتیاں

کی طرف
ویب ڈیسک
-
0

اسلام آباد : نیشنل ہائی وے اینڈ موٹروے پولیس (این ایچ اینڈ ایم پی) نے سینکڑوں ملازمتوں کے لیے خالی آسامیوں پر بھرتیوں کا اعلان کیا ہے، امیدواران آن لائن درخواستیں جمع کراسکتے ہیں۔

تفصیلات کے مطابق وفاقی حکومت نے نیشنل ہائی وے اینڈ موٹرویز پولیس میں گریڈ 15 تک کی 2ہزار331خالی اسامیوں پر بھرتی کی منظوری دے دی ہے۔

میڈیا رپورٹ کے مطابق وفاقی حکومت نے گریڈ 7 کے جونیئر پٹرول افسر کی سب سے زیادہ 2100 خالی اسامیوں، گریڈ 15 کے اسسٹنٹ کی چار اسامیوں، گریڈ 14 کے اسٹینوٹائپسٹ کی 35، گریڈ 13 کے فوٹوگرافر کی 46، گریڈ 13 کے یوڈی سی کی 31، گریڈ 11 کے ایل ڈی سی کی 77 اور گریڈ 7 کے پیرا میڈیکل سٹاف کی 37 خالی اسامیوں پر بھرتی کی منظوری دی ہے۔

حکومت کی منظوری کے بعد وزارت مواصلات مذکورہ اسامیوں پر آئندہ ہفتے سے بھرتی کے عمل کا باقاعدہ آغاز کرے گی، سندھ اور بلوچستان کے ڈومیسائل رکھنے والے امیدواروں والوں کو متعلقہ صوبوں میں ہی تعینات کیا جائے گا۔

motorway

اس کے علاوہ پنجاب پولیس میں بھی بھرتیوں کا اشتہار شائع کروا دیا گیا ہے، صوبہ پنجاب کے تمام اضلاع میں کانسٹیبلوں ، لیڈی کانسٹیبلوں، ڈرائیورز اور ٹریفک اسسٹنٹ کی گریڈ 7 کی خالی اسامیوں پر بھرتی کیلئے درخواستیں طلب کی گئی ہیں۔

موٹروے پولیس کی ملازمتوں کے لیے آن لائن درخواست دینے کا طریقہ

امیدواران سب سے پہلے درخواست فارم حاصل کرنے کے لیے این ایچ ایم پی پلیٹ فارم تک رسائی حاصل کرنے کے لیے اس لنک https://nhmp.gov.pk/careers پر جائیں۔

اس بات کو یقینی بنائیں کہ آپ تمام مطلوبہ معلومات کو درست طریقے سے پُر اور تمام مطلوبہ دستاویزات منسلک کررہے ہیں۔

درخواست جمع کرانے کے بعد موٹروے پولیس کی طرف سے تصدیقی کال یا ٹیکسٹ میسج موصول کرنے کے لیے تیار رہیں۔

اگر آپ تصدیق حاصل کرنے والے خوش قسمت امیدواروں میں شامل ہیں تو انٹرویو کے لیے خود کو جسمانی اور ذہنی طور پر تیار کرنا شروع کر دیں۔

انٹرویو کے لیے اپنے ریکارڈ کی تصدیق شدہ فوٹو کاپیوں کے ساتھ ساتھ اپنے جسمانی اور طبی ریکارڈ کے ساتھ تمام اصل دستاویزات ساتھ لانا یقینی بنائیں۔

حمزہ کی اہلیہ نیمل بن کر مداحوں سے بات کی، نوال سعید

کی طرف
ویب ڈیسک
-
0
نوال سعید

شوبز انڈسٹری کی معروف اداکارہ نوال سعید نے انکشاف کیا ہے کہ حمزہ کی اہلیہ نیمل خاور بن کر مداحوں سے بات کرچکی ہوں۔

اے آر وائی نیوز کے کرکٹ شو ’ہر لمحہ پرجوش‘ میں اداکارہ نوال سعید نے شرکت کی اور میزبان وسیم بادامی کے معصومانہ کھیل میں مختلف سوالات کے جوابات دیے۔

نوال سعید نے بتایا کہ خواتین عمر چھپاتی ہیں یہ الزام درست ہے لیکن میں ان خواتین میں شامل نہیں ہوں۔

اداکارہ نے بتایا کہ ساتھی اداکاراؤں سے اچھی دوستی ہے، انڈسٹری میں بڑے اچھے اداکار دیکھے ہیں۔

شادی سے متعلق سوال کے جواب میں نوال سعید نے کہا کہ شادی اس شخص سے کروں گی جو اچھا انسان ہو۔

انہوں نے کہا کہ سوشل میڈیا پر کمنٹ کرنے والے اکثر لوگ فارغ ہوتے ہیں۔

اداکارہ نے بتایا کہ ایئرپورٹ پر اکثر مداحوں نے لوگ مجھے حمزہ کی اہلیہ نیمل سمجھ لیتے ہیں دو سے تین مرتبہ ایسا ہوا اور میں نے نیمل بن کر مداحوں سے بات بھی کرلی۔

دبئی کا ورک پرمٹ اور ویزے کا حصول نہایت آسان

کی طرف
ویب ڈیسک
-
0

دبئی : متحدہ عرب امارات نے نجی سیکٹر کی کمپنیوں کے ملازمین کے لیے ورک پرمٹ اور ریزیڈنسی ویزا حاصل کرنے کے عمل کو مزید آسان بنا دیا ہے۔

تفصیلات کے مطابق متحدہ عرب امارات کی حکومت نے "ورک بنڈل” نامی پلیٹ فارم متعارف کرایا ہے جو مختلف محکموں کی خدمات کو یکجا کرے گا تاکہ ورک پرمٹ اور رہائشی ویزوں کے اجراء کے عمل کے وقت کو کم کیا جاسکے۔

میڈیا رپورٹ کے مطابق یہ منصوبہ ابتدائی طور پر دبئی میں شروع کیا گیا ہے اور اگلے مرحلے میں اس میں توسیع کی جائے گی۔ ”ورک بنڈل“ کے تحت ورک پرمٹ اور رہائشی ویزے کے عمل میں اب 30 دن کے بجائے صرف 5 دن لگیں گے۔

دبئی

اس پلیٹ فارم کے ذریعے دبئی میں کام کرنے والے غیر ملکی اور کمپنیاں دونوں فائدہ اٹھا سکیں گے، اس سے قبل ویزا کے حصول کے عمل میں 30 دن تک لگ جاتے تھے، جبکہ 16 دستاویزات بھی ضروری تھے۔

مذکورہ پراجیکٹ کا مقصد نجی فرموں کو سہولیات فراہم کرنا ہے جو تجدید، منسوخی، طبی معائنہ، اور فنگر پرنٹنگ سمیت روزگار کی خدمات کو مکمل کرنے کے لیے ایک پلیٹ فارم پیش کرتا ہے۔

متحدہ عرب امارات کے نائب صدر اور وزیر اعظم اور دبئی کے حکمران شیخ محمد بن راشد المکتوم نے کہا کہ ورک بنڈل پلیٹ فارم ملک میں رہائش اور کام (پرمٹ) کے طریقہ کار کو آسان اور مختصر کرے گا۔

پچھلے مہینے انہوں نے متحدہ عرب امارات کی وزارتوں اور وفاقی اداروں کو حکم دیا کہ وہ کم از کم 2 ہزار طریقہ کار کو کم کریں اور ایک سال کے اندر اندر کارروائی کے لیے درکار وقت کو نصف تک کم کریں۔

ایم کیوایم کا آصف زرداری کو ووٹ دینے کا اعلان

کی طرف
ویب ڈیسک
-
0

ایم کیوایم پاکستان نے صدارتی انتخاب میں آصف زرداری کی حمایت کا اعلان کر دیا۔

وزیراعظم شہبازشریف سے ایم کیوایم پاکستان کے وفد کی ملاقات پرائم منسٹر ہاؤس میں اتحادی جماعتوں کو دیے گئے عشائیے کے بعد ہوئی۔

وزیراعظم شہبازشریف نے ایم کیو ایم کے تمام مطالبات کو درست قرار دیتے ہوئے کہا کہ ایم کیوایم بھی آصف زرداری کو صدارت کےلیے ووٹ دے۔

چیئرمین پیپلزپارٹی بلاول بھٹو ایم کیو ایم کے کنویئر خالدمقبول صدیقی سے ملاقات کے لیے اسلام آباد میں ان کی رہائش گاہ پہنچے اور ایم کیوایم سےآصف زرداری کیلئے ووٹ کی درخواست کی۔

بلاول بھٹو کیساتھ صدارتی انتخابات کمیٹی ارکان بھی موجود تھے۔ ن لیگ کےسعدرفیق،اعظم نذیر تارڑ اور ایازصادق بھی خالدمقبول کی رہائش گاہ پہنچئے جب کہ یوسف گیلانی، راجہ پرویزاشرف، خورشیدشاہ، نویدقمر، شیری رحمان پارلیمنٹ لاجز میں موجود تھے۔

ملاقات کے بعد میڈیا سے گفتگو میں خالد مقبول صدیقی نے صدر مملکت کے لیے آصف زرداری کی حمایت کرتے ہوئے انہیں ووٹ دینے کا اعلان کیا۔

انہوں نے کہا کہ پاکستان کی تعمیروترقی ہمارا اولین ہدف ہےجس کیلئےمل کرکام کریں گے۔

اڑان بھرتے ہی طیارے پر آسمانی بجلی آگری

کی طرف
ویب ڈیسک
-
0
طیارے پر آسمانی بجلی

کینیڈا کے ایئرپورٹ سے اڑان بھرنے والے طیارے پر اچانک آسمانی بجلی ٹکرا گئی۔

غیرملکی خبررساں ادارے کی رپورٹ کے مطابق طیارہ 3 مارچ اتوار کی شام تقریباً ساڑھے 7 بجے کینیڈا کے وینکوور انٹرنیشنل ایئرپورٹ سے اڑان بھری تھی۔

ٹیک آف کے چند سیکنڈ بعد ہی اس پر آسماجی بجلی گر گئی جس نے سیاہ آسمان کا روشن کردیا۔

طیارے میں مسافر یہ منظر دیکھ کر صدمے سے دوچار ہوگئے خوش قسمتی سے طیارہ بغیر کسی حادثے کے پرواز جاری رکھنے میں کامیاب رہا۔

ایتھن ویسٹ نامی شہری نے ڈرامائی لمحے کو فلمایا۔

انہوں نے کہا کہ ’میں نے دیکھا کہ ایک طیارہ ٹیک آف کررہا تھا جو لندن ہیتھرو کی طرف جارہا تھا کہ آسمانی بجلی آن گری۔

ایتھن ویسٹ کا کہنا تھا کہ میں جانتا ہوں کہ کوئی سنگین مسئلہ نہیں ہوگا لیکن صرف یہ سوچ رہا ہوں کہ کیا انہیں موڑنا پڑے گا کیا مسافروں کو معلوم ہے کہ کیا ہورہا ہے۔

’لوڈشیڈنگ شیڈول میں نمایاں تبدیلی نہیں کی گئی‘

کی طرف
ویب ڈیسک
-
0
کے الیکٹرک نیپرا

ترجمان کےالیکٹرک نے کہا ہے کہ 71 فیصد نیٹ ورک لوڈشیڈنگ سے بدستور مستثنٰی ہے۔

کے الیکٹرک نیٹ ورک کا سہ ماہی جائزہ مکمل کر لیا گیا جس میں لوڈ شیڈنگ شیڈول میں نمایاں تبدیلی نہیں کی گئی۔ نیٹ ورک کا مجموعی طور پر 71 فیصد حصہ بدستور لوڈ شیڈنگ سے مستثنٰی ہے۔

ترجمان کےالیکٹرک کے مطابق 29 فیصد نیٹ ورک میں بجلی بلوں کی وصولیوں کی بنیاد پر لوڈشیڈ کا دورانیہ طے کیا جا تا ہے، 7 مارچ سے نافذالعمل ترمیم شدہ شیڈول ویب سائٹ، کے ای لائیو ایپ اور واٹس ایپ پر بھی موجود ہے۔

ترجمان نے کہا کہ سہ ماہی جائزے میں انفرادی طور پر فیڈرز میں اتار چڑھاؤ دیکھا گیا تاہم مجموعی صورتحال میں نمایاں تبدیلی نہیں آئی، لوڈشیڈنگ کا انحصار چوری اور عدم ادائیگی کی شرح پر ہوتا ہے ان میں کمی کے باعث بجلی فراہمی میں بہتری ہوتی ہے۔

ان کا کہنا تھا کہ ادارے کا عملہ مستقل چوری کی روک تھام میں سرگرم ہے، کنڈے ہٹانے کی مہم سمیت نادہندگان کیخلاف بھرپور کریک ڈاؤن بھی جاری ہے، مالی سال جولائی 2023 سے اب تک کےالیکٹرک نے چوری کو روکنے کے لیے تقریباً 20,000 کاروائیاں کیں اور 200,000 کلوگرام سے زیادہ غیر قانونی تاریں بجلی نیٹورک سے ہٹائی ہیں۔

حکومتی احکامات کے تحت قانون نافذ کرنے والےاداروں کی مدد سے بجلی چوری کے خلاف ایف آئی آر کا اندراج بھی جاری ہے، ماہ رمضان کی آمد کے تناظر میں کے-الیکٹرک حکومت کی ہدایات کی منتظر ہے اور ان احکامات کے تحت عوام کو زیادہ سے زیادہ سہولیات فراہم کی جائیں گیں۔

کیا سُستی اور تھکاوٹ لاعلاج مرض ہے؟

کی طرف
ویب ڈیسک
-
0
سُستی اور تھکاوٹ

مسلسل کئی گھنٹے تک کام کرنے کے بعد تھک جانا معمول کی بات ہے لیکن یہ شکایت بار بار ہونے لگے تو یہ کیفیت متعدد بیماریوں کا سبب بن سکتی ہے۔

تھکن ایک عام سی شکایت ہے، جس سے مَرد، عورت، بچّے، بوڑھے یا جوان کسی کو چھٹکارا نہیں، خاص طور پر موجودہ تیز رفتار دَور میں یہ ایک بیماری کی شکل اختیار کرچُکی ہے۔

انسان کو تھکاوٹ اس وقت ہوتی ہے جب اس میں توانائی کی کمی اور شدید نیند محسوس ہو رہی ہوں ان علامات کی شدت بعد میں ہلکی سے سنگین ہو سکتی ہے۔

عام تاثر یہی ہے کہ تھکن صرف کام کی زیادتی یا کمزوری کے سبب ہوتی ہے ہر چند کہ بنیادی وجہ یہی تصوّر کی جاتی ہے لیکن کئی طبّی، جذباتی اور نفسیاتی محرّکات بھی تھکن کا باعث ثابت ہوسکتے ہیں۔

دماغ اس صُورتِ حال کو محسوس کرتے ہی جسم کے ہر عضو کو پیغام دیتا ہے کہ شکر اور آکسیجن کا ذخیرہ ختم ہورہا ہے، لہٰذا مزید توانائی خرچ نہیں کی جاسکتی۔

اس کا علاج کیا ہے ؟

ماہرین کے مطابق تھکاوٹ کا کوئی خاص علاج نہیں ہے، البتہ راز کی بات یہ ہے کہ اس کی وجہ تلاش کرنے کی کوشش کریں اور پھر اس وجہ کو سامنے رکھ کر فیصلہ کریں۔

اگر اس کی وجہ طبی کیفیت ہے تو اس کیفیت کا علاج کرنے سے اکثر تھکاوٹ دور ہوجاتی ہے، مثال کے طور پر اگر آپ کو خون کی کمی ہے تو آئرن سپلیمنٹس اس کا علاج ہوسکتے ہیں اور آپ کے خون کی مقدار بہتر ہونے پر تھکاوٹ دور ہو جاتی ہے۔

اگر وجہ دوائی کا ضمنی اثر ہے، تو ممکن ہے کہ کسی ایسی چیز پر جانا ممکن ہو جو آپ کے لیے بہتر کام کرے۔

اگر آپ کو دائمی تھکاوٹ کا سنڈروم پایا جاتا ہے تو آپ کو نفسیاتی علاج، بتدریج ورزش کی تھراپی، یا ادویات کے ذریعے مدد کے لیے دائمی تھکاوٹ کے ماہر کے پاس بھیجا جا سکتا ہے۔

اگر آپ کو اضطراب یا افسردگی ہے تو اسے ٹاک تھراپی، کوگنیٹو بیویورل تھراپی (سی بی ٹی)، دوائیوں، یا کئی دیگر ممکنہ علاجوں سے دور کیا جا سکتا ہے۔

وہاج اور مایا علی کی بھارتی گانے پر رقص کی ویڈیو وائرل

کی طرف
ویب ڈیسک
-
0
وہاج علی

شوبز انڈسٹری کے معروف اداکار وہاج علی اور مایا علی کی بھارتی گانے ’مقابلہ‘ پر ڈانس کرنے کی ویڈٰیو وائرل ہوگئی۔

سوشل میڈیا کے مختلف پلیٹ فارمز پر مایا علی اور وہاج علی کے ڈانس کی ویڈیو وائرل ہورہی جس میں انہیں کسی شادی کی تقریب میں رقص کرتے دیکھا جاسکتا ہے۔

وائرل ہونے والی ویڈیو میں مایا علی نے سرخ جب کہ وہاج علی نے سیاہ لباس پہن رکھا ہے اور دونوں کسی شادی کی تقریب میں بھارتی گانے مقابلہ پر رقص کرتے دکھائی دیے۔

دونوں کی ڈانس ویڈیو وائرل ہونے پر بعض سوشل میڈیا پیجز پر دعویٰ کیا گیا کہ دونوں اداکار مایا علی کے بھائی کی شادی تقریبات میں رقص کر رہے ہیں۔

تاہم اداکارہ نے بھائی کی شادی کی تقریبات کی تصاویر یا ویڈیوز اپنے سوشل میڈیا پر شیئر نہیں کیں۔

دونوں کی ڈانس پرفارمنس کو سراہتے ہوئے صارفین نے دونوں کی جوڑی اور کیمسٹری کی بھی تعریفیں کیں اور مطالبہ کیا کہ دونوں کو ایسے ہی فلموں میں بھی ڈانس کرنا چاہئیے۔

پی ایس ایل 9: اسلام آباد یونائیٹڈ نے کراچی کنگز کو ہرا دیا

کی طرف
ویب ڈیسک
-
0
پی ایس ایل 9

پی ایس ایل 9 کے 24ویں میچ میں اسلام آباد یونائیٹڈ ن ےکراچی کنگز کو باآسانی 5 وکٹوں سے شکست دے دی۔

راولپنڈی میں کھیلے گئے میچ میں اسلام آباد یونائیٹڈ نے کراچی کنگز کی جانب سے دیا گیا 151 رنز کا ہدف باآسانی 5 وکٹوں کے نقصان پر 18.4 اوورز میں حاصل کرلیا۔

کپتان شاداب خان 34 رنز بنا کر نمایاں رہے، آغا سلمان نے 33 رنز کی اننگ کھیلی۔

ایلکس ہیلز 18 رنز بنا کر میر حمزہ کا نشانہ بنے، اعظم خان 9 رنز بنا کر کیچ آؤٹ ہوئے، کولن منرو 9 رنز بنا کر پویلین لوٹ گئے۔

کراچی کنگز کی جانب سے میر حمزہ نے تین کھلاڑیوں کو پویلین کی راہ دکھائی، مزرابانی اور زاہد محمود نے ایک، ایک وکٹ حاصل کی۔

اس سے قبل کراچی کنگز نے مقررہ اوورز میں 7 وکٹوں کے نقصان پر 150 رنز بنائے اور اسلام آباد یونائیٹڈ کو جیت کے لیے 151 رنز کا ہدف دیا تھا۔

کیرون پولارڈ 39 رنز کے ساتھ نمایاں رہے، ٹیم سائفرٹ 26 اور جیمز ونس 29 رنز بنا کر پویلین لوٹ گئے۔

کپتان شان مسعود 10 رنز بنا کر آؤٹ ہوئے، شعیب ملک 1 رن بنا کر عماد وسیم کو وکٹ دے بیٹھے، عرفان خان نیازی 16 رنز بنا کر آؤٹ ہوئے۔

اسلام آباد یونائیٹڈ کی جانب سے فہیم اشرف اور ٹائمل ملز نے دو، دو وکٹیں حاصل کیں، عماد وسیم ایک وکٹ حاصل کرسکے۔

اس سے قبل اسلام آباد یونائیٹڈ کے کپتان شاداب خان نے ٹاس جیت کر شان مسعود الیون کو پہلے بیٹنگ کی دعوت دی تھی۔

شاداب خان کا کہنا تھا کہ ٹیم میں تین تبدیلیاں کی گئی ہیں۔میتھیو فورڈ، حیدر علی اور ٹائمل ملز کی واپسی ہوئی ہے جبکہ نسیم شاہ، رومان رئیس اور جارڈن کاکس کو آرام دیا گیا ہے۔

کراچی کنگز کی ٹیم میں کوئی تبدیلی نہیں کی گئی ہے۔

 

View this post on Instagram

 

A post shared by Pakistan Super League (@thepsl)

کراچی کنگز نے اب تک 7 میچز میں سے 3 جیتے ہیں اور پوائنٹس ٹیبل پر پانچویں نمبر پر موجود ہے، یونائیٹڈ نے 8 مین سے تین میچ جیتے ایک میچ بارش کی نذر ہوا اور 7 پوائنٹس کے ساتھ چوتھی پوزیشن پر موجود ہے۔

ہیڈ ٹو ہیڈ مقابلوں میں اسلام آباد کو برتری حاصل ہے 21 میں سے 15 میچ جیتے 6 میچوں میں کراچی کامیاب رہا۔

پی ایس ایل 9 کے پہلے میچ میں اسلام آباد یونائیٹڈ نے کراچی کنگز کو 7 وکٹوں سے شکست دی تھی۔

امریکی فوج ’مصنوعی ذہانت‘ سے مشورے لے رہی ہے

کی طرف
ویب ڈیسک
-
0
امریکی فوج

امریکی فوج میدان جنگ میں جدید ٹیکنالوجی مصنوعی ذہانت ’اے آئی‘ سے عسکری حوالے سے تجرباتی طور پر مشاورت کررہی ہے۔

نیو سائینٹسٹ نامی ویب سائٹ کی رپورٹ کے مطابق امریکی افواج نے چیٹ جی پی ٹی فور سے عسکری مشاورت شروع کی ہے تاہم یہ مشاورت ایک فرضی سیمولیشن ماحول میں کی گئی جس میں فوجی حکمتِ عملی اور منصوبہ بندی پر غور کیا گیا۔

اس حوالے سے فوجی قیادت خاص طور پر اے آئی چیٹ بوٹس سے استفادے کیلئے اس پر توجہ مرکوز کررہی ہے۔

US Army

اس کے لیے فوجی ماہرین نے اسٹارکرافٹ ٹو نامی گیم مرتب ہے جس میں جنگ کی مختلف صورتحال کی سیمولیشن کی گئی ہیں۔ پھر چیٹ بوٹ سے اس جنگ کی تفصیلات اور حکمتِ عملی کی درخواست کی گئی ہے۔

دوسری جانب امریکی محکمہ دفاع کے ماہرین نے اپنی ایک رپورٹ میں کہا ہے کہ اے آئی (مصنوعی ذہانت) کو فوجی مقاصد کے لیے کم سے کم 180 مقامات پر استعمال کیا جاسکتا ہے۔

دوسری جانب کئی کمپنیوں سے سنجیدہ مذاکرات بھی جاری ہیں جن میں اسکیل اے آئی اور پیلنٹائر سرِفہرست ہیں۔

عسکری ماہرین کا خیال ہے کہ اے آئی کو جنگوں اور فوجی چالوں میں استعمال کرکے حسب خواہش نتائج حاصل کرنے میں کامیابی حاصل کی جاسکتی ہے۔

1...4,8204,8214,822...30,768صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025