جمعرات, جون 26, 2025
لائیو سٹریم
اے آر وائی نیوز انگریزی
رمضان کیلنڈر 2025
گولڈ ریٹس
کرنسی ریٹ
ایندھن قیمتیں
ہوم بلاگ صفحہ 4822

’لوڈشیڈنگ شیڈول میں نمایاں تبدیلی نہیں کی گئی‘

کی طرف
ویب ڈیسک
-
0
کے الیکٹرک نیپرا

ترجمان کےالیکٹرک نے کہا ہے کہ 71 فیصد نیٹ ورک لوڈشیڈنگ سے بدستور مستثنٰی ہے۔

کے الیکٹرک نیٹ ورک کا سہ ماہی جائزہ مکمل کر لیا گیا جس میں لوڈ شیڈنگ شیڈول میں نمایاں تبدیلی نہیں کی گئی۔ نیٹ ورک کا مجموعی طور پر 71 فیصد حصہ بدستور لوڈ شیڈنگ سے مستثنٰی ہے۔

ترجمان کےالیکٹرک کے مطابق 29 فیصد نیٹ ورک میں بجلی بلوں کی وصولیوں کی بنیاد پر لوڈشیڈ کا دورانیہ طے کیا جا تا ہے، 7 مارچ سے نافذالعمل ترمیم شدہ شیڈول ویب سائٹ، کے ای لائیو ایپ اور واٹس ایپ پر بھی موجود ہے۔

ترجمان نے کہا کہ سہ ماہی جائزے میں انفرادی طور پر فیڈرز میں اتار چڑھاؤ دیکھا گیا تاہم مجموعی صورتحال میں نمایاں تبدیلی نہیں آئی، لوڈشیڈنگ کا انحصار چوری اور عدم ادائیگی کی شرح پر ہوتا ہے ان میں کمی کے باعث بجلی فراہمی میں بہتری ہوتی ہے۔

ان کا کہنا تھا کہ ادارے کا عملہ مستقل چوری کی روک تھام میں سرگرم ہے، کنڈے ہٹانے کی مہم سمیت نادہندگان کیخلاف بھرپور کریک ڈاؤن بھی جاری ہے، مالی سال جولائی 2023 سے اب تک کےالیکٹرک نے چوری کو روکنے کے لیے تقریباً 20,000 کاروائیاں کیں اور 200,000 کلوگرام سے زیادہ غیر قانونی تاریں بجلی نیٹورک سے ہٹائی ہیں۔

حکومتی احکامات کے تحت قانون نافذ کرنے والےاداروں کی مدد سے بجلی چوری کے خلاف ایف آئی آر کا اندراج بھی جاری ہے، ماہ رمضان کی آمد کے تناظر میں کے-الیکٹرک حکومت کی ہدایات کی منتظر ہے اور ان احکامات کے تحت عوام کو زیادہ سے زیادہ سہولیات فراہم کی جائیں گیں۔

کیا سُستی اور تھکاوٹ لاعلاج مرض ہے؟

کی طرف
ویب ڈیسک
-
0
سُستی اور تھکاوٹ

مسلسل کئی گھنٹے تک کام کرنے کے بعد تھک جانا معمول کی بات ہے لیکن یہ شکایت بار بار ہونے لگے تو یہ کیفیت متعدد بیماریوں کا سبب بن سکتی ہے۔

تھکن ایک عام سی شکایت ہے، جس سے مَرد، عورت، بچّے، بوڑھے یا جوان کسی کو چھٹکارا نہیں، خاص طور پر موجودہ تیز رفتار دَور میں یہ ایک بیماری کی شکل اختیار کرچُکی ہے۔

انسان کو تھکاوٹ اس وقت ہوتی ہے جب اس میں توانائی کی کمی اور شدید نیند محسوس ہو رہی ہوں ان علامات کی شدت بعد میں ہلکی سے سنگین ہو سکتی ہے۔

عام تاثر یہی ہے کہ تھکن صرف کام کی زیادتی یا کمزوری کے سبب ہوتی ہے ہر چند کہ بنیادی وجہ یہی تصوّر کی جاتی ہے لیکن کئی طبّی، جذباتی اور نفسیاتی محرّکات بھی تھکن کا باعث ثابت ہوسکتے ہیں۔

دماغ اس صُورتِ حال کو محسوس کرتے ہی جسم کے ہر عضو کو پیغام دیتا ہے کہ شکر اور آکسیجن کا ذخیرہ ختم ہورہا ہے، لہٰذا مزید توانائی خرچ نہیں کی جاسکتی۔

اس کا علاج کیا ہے ؟

ماہرین کے مطابق تھکاوٹ کا کوئی خاص علاج نہیں ہے، البتہ راز کی بات یہ ہے کہ اس کی وجہ تلاش کرنے کی کوشش کریں اور پھر اس وجہ کو سامنے رکھ کر فیصلہ کریں۔

اگر اس کی وجہ طبی کیفیت ہے تو اس کیفیت کا علاج کرنے سے اکثر تھکاوٹ دور ہوجاتی ہے، مثال کے طور پر اگر آپ کو خون کی کمی ہے تو آئرن سپلیمنٹس اس کا علاج ہوسکتے ہیں اور آپ کے خون کی مقدار بہتر ہونے پر تھکاوٹ دور ہو جاتی ہے۔

اگر وجہ دوائی کا ضمنی اثر ہے، تو ممکن ہے کہ کسی ایسی چیز پر جانا ممکن ہو جو آپ کے لیے بہتر کام کرے۔

اگر آپ کو دائمی تھکاوٹ کا سنڈروم پایا جاتا ہے تو آپ کو نفسیاتی علاج، بتدریج ورزش کی تھراپی، یا ادویات کے ذریعے مدد کے لیے دائمی تھکاوٹ کے ماہر کے پاس بھیجا جا سکتا ہے۔

اگر آپ کو اضطراب یا افسردگی ہے تو اسے ٹاک تھراپی، کوگنیٹو بیویورل تھراپی (سی بی ٹی)، دوائیوں، یا کئی دیگر ممکنہ علاجوں سے دور کیا جا سکتا ہے۔

وہاج اور مایا علی کی بھارتی گانے پر رقص کی ویڈیو وائرل

کی طرف
ویب ڈیسک
-
0
وہاج علی

شوبز انڈسٹری کے معروف اداکار وہاج علی اور مایا علی کی بھارتی گانے ’مقابلہ‘ پر ڈانس کرنے کی ویڈٰیو وائرل ہوگئی۔

سوشل میڈیا کے مختلف پلیٹ فارمز پر مایا علی اور وہاج علی کے ڈانس کی ویڈیو وائرل ہورہی جس میں انہیں کسی شادی کی تقریب میں رقص کرتے دیکھا جاسکتا ہے۔

وائرل ہونے والی ویڈیو میں مایا علی نے سرخ جب کہ وہاج علی نے سیاہ لباس پہن رکھا ہے اور دونوں کسی شادی کی تقریب میں بھارتی گانے مقابلہ پر رقص کرتے دکھائی دیے۔

دونوں کی ڈانس ویڈیو وائرل ہونے پر بعض سوشل میڈیا پیجز پر دعویٰ کیا گیا کہ دونوں اداکار مایا علی کے بھائی کی شادی تقریبات میں رقص کر رہے ہیں۔

تاہم اداکارہ نے بھائی کی شادی کی تقریبات کی تصاویر یا ویڈیوز اپنے سوشل میڈیا پر شیئر نہیں کیں۔

دونوں کی ڈانس پرفارمنس کو سراہتے ہوئے صارفین نے دونوں کی جوڑی اور کیمسٹری کی بھی تعریفیں کیں اور مطالبہ کیا کہ دونوں کو ایسے ہی فلموں میں بھی ڈانس کرنا چاہئیے۔

پی ایس ایل 9: اسلام آباد یونائیٹڈ نے کراچی کنگز کو ہرا دیا

کی طرف
ویب ڈیسک
-
0
پی ایس ایل 9

پی ایس ایل 9 کے 24ویں میچ میں اسلام آباد یونائیٹڈ ن ےکراچی کنگز کو باآسانی 5 وکٹوں سے شکست دے دی۔

راولپنڈی میں کھیلے گئے میچ میں اسلام آباد یونائیٹڈ نے کراچی کنگز کی جانب سے دیا گیا 151 رنز کا ہدف باآسانی 5 وکٹوں کے نقصان پر 18.4 اوورز میں حاصل کرلیا۔

کپتان شاداب خان 34 رنز بنا کر نمایاں رہے، آغا سلمان نے 33 رنز کی اننگ کھیلی۔

ایلکس ہیلز 18 رنز بنا کر میر حمزہ کا نشانہ بنے، اعظم خان 9 رنز بنا کر کیچ آؤٹ ہوئے، کولن منرو 9 رنز بنا کر پویلین لوٹ گئے۔

کراچی کنگز کی جانب سے میر حمزہ نے تین کھلاڑیوں کو پویلین کی راہ دکھائی، مزرابانی اور زاہد محمود نے ایک، ایک وکٹ حاصل کی۔

اس سے قبل کراچی کنگز نے مقررہ اوورز میں 7 وکٹوں کے نقصان پر 150 رنز بنائے اور اسلام آباد یونائیٹڈ کو جیت کے لیے 151 رنز کا ہدف دیا تھا۔

کیرون پولارڈ 39 رنز کے ساتھ نمایاں رہے، ٹیم سائفرٹ 26 اور جیمز ونس 29 رنز بنا کر پویلین لوٹ گئے۔

کپتان شان مسعود 10 رنز بنا کر آؤٹ ہوئے، شعیب ملک 1 رن بنا کر عماد وسیم کو وکٹ دے بیٹھے، عرفان خان نیازی 16 رنز بنا کر آؤٹ ہوئے۔

اسلام آباد یونائیٹڈ کی جانب سے فہیم اشرف اور ٹائمل ملز نے دو، دو وکٹیں حاصل کیں، عماد وسیم ایک وکٹ حاصل کرسکے۔

اس سے قبل اسلام آباد یونائیٹڈ کے کپتان شاداب خان نے ٹاس جیت کر شان مسعود الیون کو پہلے بیٹنگ کی دعوت دی تھی۔

شاداب خان کا کہنا تھا کہ ٹیم میں تین تبدیلیاں کی گئی ہیں۔میتھیو فورڈ، حیدر علی اور ٹائمل ملز کی واپسی ہوئی ہے جبکہ نسیم شاہ، رومان رئیس اور جارڈن کاکس کو آرام دیا گیا ہے۔

کراچی کنگز کی ٹیم میں کوئی تبدیلی نہیں کی گئی ہے۔

 

View this post on Instagram

 

A post shared by Pakistan Super League (@thepsl)

کراچی کنگز نے اب تک 7 میچز میں سے 3 جیتے ہیں اور پوائنٹس ٹیبل پر پانچویں نمبر پر موجود ہے، یونائیٹڈ نے 8 مین سے تین میچ جیتے ایک میچ بارش کی نذر ہوا اور 7 پوائنٹس کے ساتھ چوتھی پوزیشن پر موجود ہے۔

ہیڈ ٹو ہیڈ مقابلوں میں اسلام آباد کو برتری حاصل ہے 21 میں سے 15 میچ جیتے 6 میچوں میں کراچی کامیاب رہا۔

پی ایس ایل 9 کے پہلے میچ میں اسلام آباد یونائیٹڈ نے کراچی کنگز کو 7 وکٹوں سے شکست دی تھی۔

امریکی فوج ’مصنوعی ذہانت‘ سے مشورے لے رہی ہے

کی طرف
ویب ڈیسک
-
0
امریکی فوج

امریکی فوج میدان جنگ میں جدید ٹیکنالوجی مصنوعی ذہانت ’اے آئی‘ سے عسکری حوالے سے تجرباتی طور پر مشاورت کررہی ہے۔

نیو سائینٹسٹ نامی ویب سائٹ کی رپورٹ کے مطابق امریکی افواج نے چیٹ جی پی ٹی فور سے عسکری مشاورت شروع کی ہے تاہم یہ مشاورت ایک فرضی سیمولیشن ماحول میں کی گئی جس میں فوجی حکمتِ عملی اور منصوبہ بندی پر غور کیا گیا۔

اس حوالے سے فوجی قیادت خاص طور پر اے آئی چیٹ بوٹس سے استفادے کیلئے اس پر توجہ مرکوز کررہی ہے۔

US Army

اس کے لیے فوجی ماہرین نے اسٹارکرافٹ ٹو نامی گیم مرتب ہے جس میں جنگ کی مختلف صورتحال کی سیمولیشن کی گئی ہیں۔ پھر چیٹ بوٹ سے اس جنگ کی تفصیلات اور حکمتِ عملی کی درخواست کی گئی ہے۔

دوسری جانب امریکی محکمہ دفاع کے ماہرین نے اپنی ایک رپورٹ میں کہا ہے کہ اے آئی (مصنوعی ذہانت) کو فوجی مقاصد کے لیے کم سے کم 180 مقامات پر استعمال کیا جاسکتا ہے۔

دوسری جانب کئی کمپنیوں سے سنجیدہ مذاکرات بھی جاری ہیں جن میں اسکیل اے آئی اور پیلنٹائر سرِفہرست ہیں۔

عسکری ماہرین کا خیال ہے کہ اے آئی کو جنگوں اور فوجی چالوں میں استعمال کرکے حسب خواہش نتائج حاصل کرنے میں کامیابی حاصل کی جاسکتی ہے۔

’آصف زرداری تاریخ کے سب سے زیادہ طاقتور سویلین صدر تھے‘

کی طرف
ویب ڈیسک
-
0
پیپلز پارٹی

چیئرمین پیپلزپارٹی بلاول بھٹو نے کہا ہے کہ آصف زرداری کامیاب ہوتے ہیں تو پہلی بار ہو گا کہ کسی سویلین نے دوبارہ صدارت سنبھالی وہ پہلے جب صدر بنے تھے تو تاریخ میں سب سےزیادہ طاقتور سویلین صدر تھے۔

وزیراعظم کی جانب سے اتحادی جماعتوں کے اعزاز میں دیے گئے عشائیہ سے خطاب کرتے ہوئے آصف زرداری صدر کیلئے ہم سب کے امیدوار ہیں ہم نے 18ویں ترمیم کے ذریعے صدر کے اختیارات تقسیم کیے تھے، 58ٹوبی کے صدر کے اختیارات کو بھی ہم سب نےمل کرختم کیا تھا۔

بلاول بھٹو نے کہا کہ آصف زرداری صدر بننے جا رہے ہیں کوئی بھی صدر اپنے اختیارات نہیں چھوڑتا لیکن آصف زرداری نے اختیارات کو پارلیمان کو دیا، آصف زرداری نے بطور صدر کام کر کے بہت کامیابیاں حاصل کیں آج بھی ہم نے مل کر تمام مسائل کامقابلہ کرنا ہے امید ہے اس مرتبہ ہم پہلے سے زیادہ کامیاب ہوں گے۔

ان کا کہنا تھا کہ مفاہمتی چارٹرحکومت کی ترجیح ہو گی معیشت بھی اولین ترجیحات میں شامل ہے عدالتی ریفارمز، الیکشن ریفارمز بھی مل کر کریں گے آصف زرداری کی حمایت کرنے والوں کا شکرگزار ہوں، نمبرز پورے کیے ہیں لیکن دن رات محنت کر کے صدارتی امیدوار کو کامیاب کریں گے آصف زرداری نے اختیارات تو دے دیئے اب ملکہ برطانیہ جیسے ہوں گے۔

’9 مارچ کو اتحادی جماعتوں کا سورج طلوع ہوگا اور زرداری صدر ہوں گے‘

کی طرف
ویب ڈیسک
-
0
شہباز شریف

وزیراعظم شہباز شریف کا کہنا ہے کہ انشا اللہ 9 مارچ کو اتحادی جماعتوں کا سورج طلوع ہوگا اور آصف زرداری صدر ہوں گے۔

وزیراعظم شہباز شریف نے اتحادی جماعتوں کے اعزازیے میں عشائیہ سے خطاب کرتے ہوئے کہا کہ صدر پاکستان کیلئے آصف زرداری ہمارے امیدوار ہیں، انشا اللہ 9 تاریخ کو قومی، صوبائی اسمبلیوں اور سینیٹ میں انتخاب ہوگا، ہماری اکثریت ہے اس کے باوجود ہم نے صدر کیلئے ووٹ کرنا ہے۔

انہوں نے کہا کہ 9 تاریخ کو فیصلہ ہوجائے کہ واقعی ہمیں دو تہائی اکثریت ملی ہے اس دن ہماری اکثریت کا پوری قوم کو پتہ چلنا چاہیے جب زرداری صدر کے عہدے پر ہوں گے تو بھرپور طریقے سے کام ہوگا۔

وزیراعظم نے کہا کہ دل سے طے کرلیں ہم نے اس ملک کی قسمت تبدیل کرنی ہے، یہ 2018 نہیں 2024 ہے جس میں ووٹرز اپنا انتخاب خود کررہے ہیں، اتفاق رائے سے اتحادی حکومت قائم ہوئی ہے۔

شہباز شریف کا کہنا تھا کہ ہمیں مل کر اس کشتی کو پار لگانا ہے، اس کشتی کو پارلگا دیا توقیامت تک عوام اچھے الفاظ میں یاد رکھیں گے اگر خدانخواسہ یہ ناؤ پار نہ لگی توعوام اور تاریخ ہمیں معاف نہیں کرے گی۔

ان کا کہنا تھا کہ خیبرپختونخوا ہمارا اپنا صوبہ ہے کوشش ہوگی ملکرساتھ چلیں، ملک اور قوم کی تقدیرملکر بدلیں گے، تمام اتحادی مل کرملکی معاشی مشکلات کا حل نکالیں گے۔

امتحان سے قبل غبارِ خاطر کا مطالعہ!

کی طرف
ویب ڈیسک
-
0

غبارِ خاطر ابو الکلام آزاد کے خطوط کا مجموعہ ہے۔ مولانا ابو الکلام آزاد ایک انشاء پرداز، صاحبِ اسلوب ادیب تھے جن کا تحریر و تقریر میں کوئی ثانی نہیں۔ ان کی تصنیف غبارِ خاطر کا کی نثر شگفتہ اور پیرایہ دلنشیں ہے۔

مختار مسعود بھی اردو ادب میں‌ اپنے اسلوب اور تصانیف کی وجہ سے شہرت اور مقام رکھتے ہیں۔ اپنے عہد کی ممتاز ادبی شخصیات اور بڑے بڑے قلم کاروں‌ کی طرح‌ مختار مسعود بھی مولانا ابوالکلام آزاد کی شخصیت اور ان کی تحریروں میں سحر میں‌ رہے اور اس کا تذکرہ اپنی کتابوں‌ میں‌ کیا ہے۔ یہاں‌ ہم مولانا آزاد کے تعلق سے مختار مسعود کے قلم سے نکلے چند پارے نقل کررہے ہیں۔ وہ لکھتے ہیں:

بی اے کا امتحان شروع ہونے سے پانچ دن قبل مولانا آزاد کی ’غبارِ خاطر ‘ ہاتھ آگئی جسے پڑھنا شروع کیا تو یہ بھی یاد نہ رہا کہ پانچ روز بعد بی اے کا امتحان شروع ہونے والا ہے۔ چوبیس گھنٹے بعد جب یہ کتاب پڑھ کے رکھی تو اُس کا جادو پوری طرح چڑھ چکا تھا۔

مختار مسعود لکھتے ہیں: ’’غبارِ خاطر ختم ہوئی۔ میں نے اُسے جہاں سے اُٹھایا تھا وہاں واپس رکھنا چاہا (تو) کتاب نے کہا (کہ اب) باقی باتیں امتحان کے بعد ہوں گی۔ اِس وقت تو (مجھے) تم سے ایک عہد لینا ہے کہ ’’میں مسمٰی مختار مسعود متعلم بی اے (سال آخر) بقائمی ہوش و حواس اور بہ رضا و رغبت یہ عہد کرتا ہوں کہ اگر حالات سازگار ہوئے اور زندگی نے موقع دیا تو میں بالیدگی، شائستگی اور حکمت کے اِس سبق کو جو مجھے اردو اور فارسی کی اِس (لازوال) نثر نے دیا ہے قرضِ حسنہ سمجھتے ہوئے بقلم خود قسط وار اُتارنے کی پوری پوری کوشش کروں گا۔

وہ اس کتاب کے مطالعہ کے فوائد کا تذکرہ کرتے ہوئے رقم طراز ہیں: ’’امتحان کا خوف دل سے جاتا رہا۔ جامعاتی اور رسمی تعلیم کا حکمت اور دانش سے ہرگز کوئی تعلق نہیں۔ (اسی طرح ) فکر و نظر کا بھی تعلیمی اسناد (ڈگریوں) سے کوئی علاقہ نہیں۔ (اس) زور پر نہ کوئی اچھا شعر کہہ سکتا ہے نہ اچھی نثر لکھ سکتا ہے۔ نہ اچھی کہانی کہہ سکتا ہے اور نہ اچھی تصویر بنا سکتا ہے۔ اِن منزلوں کے راستے اور (ہی) ہیں۔ سنگلاخ اور دشوار گزار۔ تلوے چھلنی ہو جاتے ہیں۔ جسم پسینے پسینے اور چور چور ہو جاتا ہے (کیونکہ ) جسم ایک آرام طلب ذات ہے۔ ’کسب ِ کمال‘ کے لیے اُسے بہت بے آرام ہونا پڑتا ہے۔ تب جاکر ’عزیز جہاں شوی ‘ کی منزل آتی ہے۔ اور آدمی مڑ کر دیکھتا ہے تو حیران ہو جاتا ہے کہ ذرا سی بے آرامی اور اس کا اتنا بڑا صلہ!قدرت کتنی فیاض ہے۔ اور انسان کتنا نا سمجھ۔۔‘‘(حرفِ شوق)

آئنسٹائن چیلنجز سے نہیں ڈرا، شہباز شریف بھی نہیں ڈرے گا، آصف زرداری

کی طرف
ویب ڈیسک
-
0
آئنسٹائن چیلنجز سے نہیں ڈرا، شہباز شریف بھی نہیں ڈرے گا، آصف زرداری

اسلام آباد: سابق صدر آصف علی زرداری نے وزیر اعظم شہباز شریف کو دنیا کے سب سے مشہور سائنسدان البرٹ آئنسٹائن سے تشبیہ دے دی۔

وزیر اعظم ہاؤس میں شہباز شریف کی جانب سے اتحادی جماعتوں کے اعزاز میں دیے گئے عشائیے سے خطاب کرتے ہوئے آصف علی زرداری نے کہا کہ وزیر اعظم نے جو کچھ کہا واقعی چیلنجز زیادہ ہیں۔

آصف علی زرداری نے کہا کہ شہباز شریف بھی چیلنجز سے گھبرائیں گے نہیں، جہاں ضرورت ہوگی ہم ان کا ساتھ دیں گے، ہم وزیر اعظم کے ساتھ کھڑے ہیں اور بھرپور سپورٹ کریں گے۔

انہوں نے کہا کہ پاکستان کی زمینوں میں اتنا زور ہے کہ اناج پیدا کر سکے، ایگری کلچر بنیادی مسئلہ ہے کینال  کو درست کریں اور ڈیمز بنائیں، چین 5 ٹریلین ڈالر کا فوڈ امپورٹ کرتا ہے، ہمارے پاس بلوچستان ہے جہاں فصل اگائی جا سکتی ہے بس پانی لانا ہے۔

ذوالفقار علی بھٹو ریفرنس پر سپریم کورٹ آف پاکستان کی رائے پر آصف علی زرداری نے کہا کہ بھٹو ریفرنس دائر کیا تھا تو کوئی نہیں سمجھتا تھا کہ کیا ہوگا، الحمداللہ سب نے دیکھا کہ تاریخ نے کیا پلٹا لیا تاریخ نے مانا عدالتی قتل تھا۔

ان کا کہنا تھا کہ اللہ کے فضل سے ہم پاکستان کو اس عروج پر دوبارہ لے جائیں گے۔

اننت امبانی کی شادی میں سب سے مہنگا تحفہ کس نے دیا؟

کی طرف
ویب ڈیسک
-
0
اننت امبانی

ایشیا کے امیرترین شخص مکیش امبانی کے بیٹے اننت امبانی کی شادی سے قبل تین روزہ پری ویڈنگ سلیبریشن کی پوری دنیا میں دھوم مچ گئی۔

مکیش امبانی کی جانب سے بیٹے کی شادی کی تقریبات کے لیے جام نگر شہر کا انتخاب کیا گیا جہاں بالی ووڈ اور ہالی ووڈ سمیت معروف شوبز شخصیات نے شرکت کی۔

بھارتی اداکاروں میں شاہ رخ خان، سلمان خان، عامر خان، بچن فیملی، کپور خاندان، کترینہ کیف، رانی مکھرجی، رجنی کانت سمیت معروف شخصیات شامل تھیں۔

یہی نہیں فیس بک کے بانی مارک زکربرگ، امریکی گلوکارہ ریانا بھی شادی کی تقریب میں موجود تھیں۔

بھارتی میڈیا رپورٹس کے مطابق اس عالیشان شادی کی تقریبات میں بالی وڈ کے شخصیات کی جانب سے اننت امبانی اور رادھیکا مرچنٹ کو قیمتی تحائف بھی دیے گئے۔

کترینہ کیف اور وکی کوشل

بالی وڈ کی باربی گرل اور معروف اداکارہ کترینہ کیف اور ان کے شوہر وکی کوشل نے رادھیکا کو ڈولچی اینڈ گبانہ کا ہیروں سے بنا بریس لیٹ اور رادھیکا کو مکی موٹو برانڈ کا ہیروں سے بنا خوبصورت ہار گفٹ کیا ہے۔

سلمان خان

بالی وڈ اداکار سلمان خان نے اننت امبانی کو پیٹک فلپ برانڈ کی مہنگی گھڑی اور رادھیکا کو سیرین برانڈ کا ہیروں سے بنے جھمکے تحفے میں دیے۔

پریانکا چوپڑا

اداکارہ پریانکا چوپڑا نے اننت امبانی کو اسمتھ سن برانڈ کا ہیروں سے بنا بریس لیٹ جبکہ رادھیکا کو شوان کا محدود پیمانے پر دستیاب مہنگا ترین پرفیوم تحفے میں دیا ہے۔

شاہ رخ خان اور گوری خان

بالی وڈ سُپر اسٹار شارخ خان اور ان کی اہلیہ گوری خان نے اننت امبانی اور رادھیکا کو ساڑھے 5 کروڑ بھارتی روپے لاگت کی بینٹلی فلائنگ سپر تحفے میں دی۔

 کیارا ایڈوانی اور سدھارتھ ملہوترا

بھارتی اداکار کیارا ایڈوانی اور سدھارتھ ملہوترا نے ہیرے اور سونے سے بنا بھگوان گھنیش اور لکشمی کی مورتی دی ہے۔

عالیہ بھٹ اور رنبیر کپور

بالی وڈ کی معروف جوڑی رنبیر کپور اور عالیہ بھٹ نے رادھیکا کو مشہور برانڈ گوچی کا ڈائمنڈ سے بنا بیگ اور آننت کو جارڈن برانڈ کے جوتے گفٹ کیے ہیں۔

رنویر سنگھ اور دیپیکا

دنیا بھر میں مقبول معروف بالی وڈ جوڑی دیپیکا پڈوکون اور رنویر سنگھ نے رادھیکا اور اننت امبانی کو کارٹیئر برانڈ کی 8 لاکھ روپے کی گھڑی تحفے میں دی۔

کارتک آریان

بھارتی فلم انڈسٹری کے اداکار کارتک آریان نے اننت امبانی کو مہنگی گھڑی جبکہ رادھیکا کو برنیلو برانڈ کا ہیروں سے بنا گلے کا ہار تحفے میں دیا ہے۔

کاجول اور اجے دیوگن

بالی وڈ کی معروف اداکار جوڑی کاجول اور اجے دیوگن نے امبانی خاندان کے بیٹے کو ہیروں سے بنی گھڑیاں تحفے میں دی ہیں جو رولیکس برانڈ کی ہیں۔ جبکہ رادھیکا کو ایکوا دی فارما برانڈ کا مہنگا ترین پرفیوم سیٹ گفٹ کیا ہے۔

شاہد کپور اور میرا راجپوت

بالی وڈ کے معروف اداکار شاہد کپور اور ان کی اہلیہ میرا راجپوت نے امبانی خاندان کی بہو کو راویلا برانڈ کا سرخ ہیروں میں بنا گلے کا ہار جبکہ اننت امبانی کو ڈیوڈ آف کول واٹر برنڈ کی مہنگی ترین پرفیوم دی ہے۔

واضح رہے کہ 28 سالہ اننت امبانی رواں سال جولائی میں رادھیکا مرچنٹ سے شادی کریں گے۔

1...4,8214,8224,823...30,768صفحہ%موجودہ صفحہ%کا%کل صفحات

سوشل میڈیا

اے آر وائی ڈیجیٹل نیٹ ورک

انٹرایکٹو

کارپوریٹ

کاپی رائٹ © 2025