عوامی مسلم لیگ کے سربراہ شیخ رشید احمد نے کہا ہے کہ آج ملک کے وزیراعظم کو عدالت میں آواز پڑے گی کہ ملزم حاضر ہو۔

عوامی مسلم لیگ کے سربراہ اور سابق وفاقی وزیر شیخ رشید احمد نے ایک بار پھر حکومت کو کڑی تنقید کا نشانہ بناتے ہوئے سماجی رابطوں کی ویب سائٹ ٹوئٹر پر اپنے ردعمل کا اظہار کیا ہے۔

شیخ رشید نے اپنے ٹوئٹ میں کہا ہے کہ ایک دن میں عمران خان کے خلاف 12 پریس کانفرنسیں بیوقوف حکومت ہی کرسکتی ہے، حکومتی قرضے 50 ہزار ارب سے بڑھ گئے ہیں۔

انہوں نے مزید کہا کہ آج بجلی، پٹرول اور آٹے کی قیمت آسمان پر چلی گئی ہے لیکن ساری سیاسی اہل کو نا اہل اور نا اہل کو اہل بنانے کے لیے ہو رہی ہے، آج آج ملک کے وزیراعظم کو عدالت میں آواز پڑے گی کہ ملزم حاضر ہو۔

ایک دن میں عمران خان کے خلاف12 پریس کانفرنسیں بیوقوف حکومت ہی کرسکتی ہے۔حکومتی قرضے50 ہزار ارب سے بڑھ گئے ہیں۔بجلی، پیٹرول اور آٹے کی قیمت آسمان پر چلی گئی ہے۔ساری سیاست اہل کونااہل اور نااہل کو اہل بنانے کے لیے ہو رہی ہے۔آج ملک کےوزیراعظم کوعدالت میں آواز پڑےگی کہ ملزم حاضر ہو.

— Sheikh Rashid Ahmed (@ShkhRasheed) September 7, 2022

سابق وفاقی وزیر نے اپنی ایک اور ٹوئٹ میں کہا کہ مہنگائی اور بیروزگاری کا طوفان بے شرم حکمرانوں کیلیے درس عبرت بنے گا وہ وہ عوام سے منہ چھپاتے پھریں گے۔

شیخ رشید نے کہا حکومت کی یو ٹیوب پر بندش، ٹی وی چینلز پر سینسر اور پابندی، صحافیوں کی جبری برطرفی اور جلا وطنی، بیگناہ ورکروں پر جھوٹے مقدمے، عمران خان پر دہشت گردی کا مقدمہ اور کارخانوں کی بندش، یہ سب بے شرم حکمرانوں کیلیے درس عبرت بنے گا۔

حکومت کی یوٹیوب پر بندش،TVچینلز پرسینسراورپابندی،صحافیوں کی جبری برطرفی اورجلاوطنی،بےگناہ ورکروں پرجھوٹے مقدمے،عمران خان پردہشت گردی کا مقدمہ اوراداروں سے لڑوانےکی سازش،کارخانوں کی بندش،مہنگائی اور بےروزگاری کاطوفان بےشرم حکمرانوں کےلیے درس عبرت بنےگا۔یہ عوام سےمنہ چھپاتےپھریں گے

— Sheikh Rashid Ahmed (@ShkhRasheed) September 7, 2022

پاکستان تحریک انصاف کے سربراہ اور سابق وزیراعظم عمران خان نے کہا ہے کہ امپورٹڈ حکومت ہمارے حقیقی آزادی کے پیغام کی حمایت دیکھ کر خوفزدہ ہے۔

پی ٹی آئی چیئرمین عمران خان نے یوٹیوب کی بندش کے حوالے سے سماجی رابطوں کی ویب سائٹ ٹوئٹر پر اپنے ردعمل میں اتحادی حکومت پر کڑی تنقید کی ہے۔

عمران خان نے اپنے ٹوئٹ میں کہا ہے کہ مین اسٹریم میڈیا بلکہ یو ٹیوب بھی بلاک کر کے تقریروں کا بلیک آؤٹ کیا جا رہا ہے، ڈیجیٹل سنسر شپ نہ صرف پورے آئی ٹی سیکٹر کو نقصان پہنچاتی ہے بلکہ عالمی سطح پر پاکستان کی ساکھ کو بھی متاثر کرتی ہے۔

Interested only in saving its looted wealth through NRO2, this fascist govt of cabal of crooks & their backers are willing to harm the interests of Pakistan simply out of fear of PTI's soaring popularity. Utterly callous & unacceptable. #EnoughlsEnough

— Imran Khan (@ImranKhanPTI) September 7, 2022

سابق وزیراعظم نے مزید کہا کہ یہ لوگ این آراو 2 کے ذریعے اپنی لوٹی دولت بچانے میں دلچسپی رکھتے ہیں، فاشسٹ حکومت پی ٹی آئی کی بڑھتی مقبولیت سے خوفزدہ ہے، یہ پاکستان کے مفادات کو نقصان پہنچانا چاہتے ہیں اور یہ ناقابل قبول ہے۔

پی ڈی ایم اور جے یو آئی (ف) کے سربراہ مولانا فضل الرحمٰن نے کہا ہے کہ سیلاب سے بچنے کے لیے ہمیں چھوٹے ڈیم بنانے کی ضرورت ہے۔

اے آر وائی نیوز کے مطابق وزیراعظم شہباز شریف کے ڈی آئی خان کے سیلاب متاثرہ علاقوں کے دورے کے موقع پر میڈیا سے گفتگو کرتے ہوئے پاکستان ڈیموکریٹک الائنس اور جے یو آئی (ف) کے سربراہ مولانا فضل الرحمٰن نے کہا کہ جب بھی سیلاب آتا ہے تو ہمیں تباہ وبرباد کر دیتا ہے، ہمیں سیلاب سے بچنے کیلئے مستقل بنیادوں پر کام کرنا ہوگا، ہمیں چھوٹے ڈیم بنانے کی ضرورت ہے، چھوٹے ڈیم تعمیر ہوجاتے ہیں تو ہم سیلاب سے بچ سکتے ہیں۔

مولانا فضل الرحمٰن نے مزید کہا کہ سیلاب سے سوات، بحرین، کاغان میں کئی کئی منزلہ عمارتیں گرگئیں، سیلاب داخل ہوا تو لوگ جتنا جلدی نکل سکتے تھے وہ نکلے، خطے کے لوگ مشکلات سے گزر رہے ہیں، پانی کا رخ ایک جگہ موڑتے ہیں تو آگے جاکر دوسرے لوگ متاثر ہوتے ہیں، آبادی کو بچانے کے لئے ہمیں بڑے روڈ کاٹنے پڑے ہیں، کوہستان کی صورتحال آج بھی قابل توجہ ہے۔

ان کا کہنا تھا کہ کوہستان اور دیر میں جو پانی آیا یہ صوبے کا بھی نقصان ہے، اس وقت جہاں جہاں ممکن ہے لوگ واپس گھروں کو جا رہے ہیں، جب تک کوئی گھروں میں نہیں جاسکتا تو کم از کم خیمہ، سایہ تو چاہیے، ہمیں یہاں کے لوگوں کو دوبارہ بحال کرنا ہے۔

پی ڈی ایم سربراہ نے مزید کہا کہ جتنا انسان کے بس میں تھا وہ انہوں نے کیا، جتنی امداد پہنچ سکتی تھی پہنچائی گئی کہ مسئلہ انسانیت کا ہے، متاثرین تک پکا پکایا کھانا اور نقد رقوم بھی پہنچائی گئیں، فلاحی تنظیموں اور سیاسی جماعتوں کی شاخوں نے جو کام کیا اس پر خراج تحسین پیش کرتے ہیں، یہ سب کچھ انسانی ہمدردی کی بنیادوں پر کیا گیا ہے۔

انہوں نے سیلاب متاثرہ علاقوں میں متاثرین کی دادرسی کرنے پر وزیراعظم شہباز شریف، پاک فوج کا بھی شکریہ ادا کیا۔

 سربراہ عوامی مسلم لیگ شیخ رشید نے کہا ہے مہنگائی اور بیروزگاری کا طوفان بے شرم حکمرانوں کیلیے درس عبرت بنے گا وہ عوام سے منہ چھپاتے پھریں گے۔

عوامی مسلم لیگ کے سربراہ اور سابق وفاقی وزیر شیخ رشید احمد نے سماجی رابطوں کی ویب سائٹ ٹوئٹر پر ایک بار پھر موجودہ اتحادی حکومت کو کڑی تنقید کا نشانہ بنایا ہے۔

شیخ رشید نے اپنے ٹوئٹ میں کہا ہے کہ حکومت کی یو ٹیوب پر بندش، ٹی وی چینلز پر سینسر اور پابندی، صحافیوں کی جبری برطرفی اور جلا وطنی، بیگناہ ورکروں پر جھوٹے مقدمے، عمران خان پر دہشت گردی کا مقدمہ اور کارخانوں کی بندش۔

انہوں نے کہا کہ یہ سب بے شرم حکمرانوں کیلیے درس عبرت بنے گا اور وہ عوام سے منہ چھپاتے پھریں گے۔

حکومت کی یوٹیوب پر بندش،TVچینلز پرسینسراورپابندی،صحافیوں کی جبری برطرفی اورجلاوطنی،بےگناہ ورکروں پرجھوٹے مقدمے،عمران خان پردہشت گردی کا مقدمہ اوراداروں سے لڑوانےکی سازش،کارخانوں کی بندش،مہنگائی اور بےروزگاری کاطوفان بےشرم حکمرانوں کےلیے درس عبرت بنےگا۔یہ عوام سےمنہ چھپاتےپھریں گے

— Sheikh Rashid Ahmed (@ShkhRasheed) September 7, 2022