کراچی: ڈالر کی قدر میں تنزلی کا سلسلہ جاری ہے، انٹر بینک میں ڈالر پانچ روپے سستا ہوگیا ہے۔
تفصیلات کے مطابق انٹربینک میں ڈالر کی قیمت میں بڑی کمی دیکھنے کو ملی ، پاکستانی روپے کے مقابلے میں ڈالر 5 روپیہ 52 پیسے سستا ہوگیا ہے۔
فاریکس ڈیلرز کے مطابق اوپن مارکیٹ میں ڈالرپانچ روپے سستا ہوکر 216 روپے 39 پیسے میں فروخت ہورہا ہے جبکہ بینک 215 سے 217 روپے میں فروخت کر رہے ہیں۔
معاشی ماہرین کا کہنا ہے کہ آئی ایم ایف کی جانب سے رواں ماہ کے اختتام تک قرض پروگرام کی بحالی کے باعث ڈالر کی قدر میں تنزلی ہورہی ہے۔
یہ بھی پڑھیں: ڈالر کی قدر میں کمی کا سلسلہ برقرار، مزید 2 روپے 13 پیسے سستا ہوگیا
ماہرین کا کہنا ہے کہ 28 جولائی کے 239روپے 94 پیسے کے مقابلے میں اب تک انٹر بینک مارکیٹ میں مجموعی طور پر 18روپے 3پیسے کی کمی واقع ہوئی ہے۔
گذشتہ روز بھی ڈالر مزید 2 روپے 13 پیسے سستا ہوکر 221 روپے 91 پیسے آیا تھا جبکہ جمعہ کے روز انٹر بینک میں ڈالر 224 روپے 4 پیسے پر بند ہوا تھا۔
یاد رہے کہ 3 اگست کو انٹر مارکیٹ میں ڈالر بُری طرح لڑکھڑا گیا تھا۔ صرف ایک دن میں اس کی قدر میں تاریخی کمی ہوئی تھی اور 226 پر سطح پر آگیا تھا۔
سماعت کے آغاز پر پولیس کی جانب سے ریمانڈ کی استدعا کی گئی جس پر ان کے وکیل نعیم قریشی نے مخالفت کرتے ہوئے موقف اپنایا کہ عماد یوسف کیخلاف مقدمہ بےبنیاد ہے، بتایاجائے کہ عماد یوسف کا کیا کردارہے؟
بعد ازاں عدالت نے پولیس کی استدعا مسترد کی اور اے آروائی کے ہیڈ آف نیوزعماد یوسف کی ضمانت منظور کرلی۔