مسلم لیگ ن سے تعلق رکھنے والے وفاقی وزیر ایاز صادق اور صوبائی وزیر سلمان رفیق کس کے حکم پر مستعفی ہوئے، اندرونی کہانی سامنے آگئی۔

حکمراں جماعت پاکستان مسلم لیگ ن کے وفاقی وزیر برائے اقتصادی امور ایاز صادق اور صوبائی وزیر برائے تحفظ صحت اور طبی تعلیم سلمان رفیق نے اپنے عہدوں سے استعفیٰ دیدیا ہے جس کی اندرون کہانی اے آر وائی نیوز منظر عام پر لے آیا ہے۔

اس حوالے سے ذرائع نے اے آر وائی نیوز کو بتایا ہے کہ دونوں وفاقی وزرا نے اپنی وزارتوں سے استعفے پارٹی سربراہ وسابق وزیراعظم نواز شریف کی ہدایت پر دیے ہیں۔

ذرائع نے بتایا کہ 17 جولائی کو پنجاب کی 20 نشستوں پر ہونے والے ضمنی الیکشن کی انتخابی مہم میں لاہور کے چار حلقوں میں ن لیگ کو پی ٹی آئی کی جانب سے سخت مزاحمت کا سامنا ہے اور عمران خان کے کامیاب جلسوں سے لیگی امیدواروں کیلیے مشکلات پیدا ہوگئی ہیں جس نے لیگی قیادت کی نیندیں اڑا دی ہیں۔

ذرائع کے مطابق ن لیگ کے امیدواروں کو اپنی ہی پارٹی کے عہدیداروں اور سابقہ ٹکٹ ہولڈرز کی طرف سے بھی کوئی تعاون نہیں مل رہا ہے اور اس وقت وفاق اور پنجاب کی حکمراں جماعت کے پاس مریم نواز کی علاوہ مہم کے لیے کوئی آپشن نہیں تھا۔

ذرائع نے بتایا کہ عمران خان کے بیانیے اور پی ٹی آئی امیدواروں اور مقامی عہدیداروں کی ڈور ٹو ڈور مہم سے لیگی امیدواروں کی مایوسی بڑھ رہی تھی یہی وجہ ہے کہ نواز شریف نے مذکورہ دونوں وزرا کو مستعفیٰ ہونے کی ہدایت کی جس کے بعد ایاز صادق اور سلمان رفیق اپنے عہدوں سے مستعفی ہوگئے ہیں جس کے بعد اب وہ لاہور میں ن لیگی امیدواروں کی انتخابی مہم چلائیں گے۔

یہ بھی پڑھیں: مسلم لیگ ن کے وفاقی اور صوبائی وزرا مستعفی

واضح رہے کہ وفاقی وزیر ایاز صادق اور صوبائی وزیر سلمان رفیق نے اپنے عہدوں سے استعفیٰ دے دیا ہے۔

رہنما پاکستان تحریک انصاف اور سابق گورنر سندھ عمران اسماعیل کو بھی نامعلوم نمبرز سے کالز آنے لگی ہیں۔

سماجی رابطے کی ویب سائٹ ٹوئٹر پر عمران اسماعیل نے موبائل فون پر موصول ہونے والی کالز کا اسکرین شاٹ پوسٹ کرتے ہوئے لکھا کہ نو کالر آئی ڈیز سے کالز آنے کا سلسلہ جاری ہے۔

انہوں نے کہا کہ نامعلوم کالیں ہماری تحریک کو نہیں دبا سکتیں، حکومت نے گندا کھیل کھیلنا شروع کر دیا ہے۔

سابق گورنر نے کہا کہ پی ٹی آئی رہنما ایسی کالز کو فوری طور پر سوشل میڈیا پر سامنے لائیں، کچھ کالز نامعلوم ہیں اور کچھ پر کہا جاتا ہے کہ امریکا سے کی گئیں۔

No caller ID serial continues, It cannot stop our movement. Govt has started playing dirty, I advise all PTi leadership to report such coward activities on social media to bring it on record. Some calls say USA and some say No Caller ID. pic.twitter.com/dXMSmOLgsl

— Imran Ismail (@ImranIsmailPTI) July 9, 2022

خیال رہے کہ گزشتہ روز چیئرمین پاکستان تحریک انصاف اور سابق وزیر اعظم عمران خان نے خوشاب جلسے میں خطاب کے دوران کہا تھا کہ ایک نامعلوم نمبر سے دھمکیاں دے کر خوفزدہ کرنے کی کوشش کی جا رہی ہے۔

عمران خان کا کہنا تھا کہ حکومت صحافیوں اور سیاستدانوں پر خوف طاری کر رہی ہے اور دہشت پھیلا رہی ہے لیکن ہم وہ لوگ ہیں جو کسی صورت امریکا کی غلامی نہیں کریں گے۔

پاکستان تحریک انصاف کے رہنما فواد چوہدری نے ضمنی الیکشن کی مہم کیلیے ن لیگ کے دو وزرا کے استعفوں پر اپنے ردعمل کا اظہار کیا ہے۔

پاکستان تحریک انصاف کے مرکزی رہنما اور سابق وفاقی وزیر فواد چوہدری نے سماجی رابطوں کی ویب سائٹ ٹوئٹر پر اپنے ٹوئٹ میں پنجاب کے ضمنی الیکشن میں لیگی امیدواروں کی مہم چلانے کے لیے وفاقی وزیر ایاز صادق اور صوبائی وزیر سلمان رفیق کے استعفوں پر دلچسپ تبصرہ کیا ہے۔

فواد چوہدری نے اپنے ٹوئٹ میں کہا ہے کہ شہباز شریف بھی وزارت عظمیٰ سے استعفیٰ دے کر مہم چلا لیں نتیجہ پی ٹی آئی کی فتح کی صورت میں ہی آنا ہے۔

پی ٹی آئی رہنما نے اپنے ٹوئٹ میں مزید کہا ہے کہ امپورٹڈ حکومت نامنظور ایسی کمپین بن چکی ہے جس پر عام آدمی کا یقین اور اعتماد ہے، صرف کچھ ہفتے انتظار کرلیں آپ کی پوری حکومت کو استعفیٰ دینا پڑے گا۔

شہباز شریف خود بھی استعفیٰ دے کر کمپین کر لیں نتیجہ تحریک انصاف کی فتح کی صورت میں آنا ہے #امپورٹڈ_حکومت_نامنظور ایک ایسی کمپین بن چکی ہے جس پر عام آدمی کا یقین اور اعتماد ہے، آپ کی پوری حکومت کو استعفیٰ دینا پڑنا ہے کچھ ہفتے انتظار فرمائیں https://t.co/K8BW5nyLdV

— Ch Fawad Hussain (@fawadchaudhry) July 9, 2022

واضح رہے کہ 17 جولائی کو پنجاب کے 20 حلقوں میں ضمنی الیکشن میں ن لیگی امیدواروں کی اتنخابی مہم چلانے کیلیے دو وزرا نے اپنے عہدوں سے استعفیٰ دے دیا ہے۔

یہ بھی پڑھیں: مسلم لیگ ن کے وفاقی اور صوبائی وزرا مستعفی

مستعفی ہونے والے وزرا میں وفاقی وزیر ایاز صادق اور صوبائی وزیر سلمان رفیق شامل ہیں، صوبائی وزیر کا استعفیٰ وزیراعلیٰ پنجاب نے منظور بھی کرلیا ہے۔

سینئر صحافی ایاز امیر کے بعد سمیع ابراہیم کو بھی نامعلوم افراد نے حملہ کرکے تشدد کا نشانہ بنا ڈالا۔

اے آر وائی نیوز کے مطابق اسلام آباد میں سینئرصحافی سمیع ابراہیم پر نامعلوم افراد نے حملہ کیا اور ان کے دفتر کے باہر انہیں تشدد کا نشانہ بنا کر زخمی کردیا۔

ڈر تھا مجھے کسی گاڑی میں اٹھا کر نہ لے جائیں

سمیع ابراہیم نے بتایا کہ مجھ پر حملہ کرنے والے نامعلوم افراد ہری نمبر پلیٹ والی گاڑی میں موجود تھے۔

ان کا کہنا تھا کہ معلوم ہو رہا تھا کہ خواجہ سرا نے بھی ٹریننگ کی ہوئی تھی، مجھے مجھے زدوکوب کرنے والے سبز رنگ کی گاڑی میں فرار ہوئے، تھے ان نامعلوم افراد کی طرف سے اغوا کرنے کی کوشش بھی کی گئی۔

سمیع ابراہیم نے بتایا کہ خواجہ سرا کو پہلے بھیجا اور اس سے ان کی پلاننگ ظاہر ہوئی مجھےگھیر لیا گیا تھا ، گالیاں دیں اور ویڈیو بنائی میں ڈر رہا تھا کہ مجھے کسی گاڑی میں نہ اٹھا کر لے جائیں،۔

ذرائع کے مطابق سمیع ابراہیم سے نامعلوم افراد نے ان کی ویڈیو بنائی اور مکے مارے اور زدوکوب کا نشانہ بنایا جس کے بعد وہ واپس دفتر چلے گئے۔

عینی شاہدین کا کہنا ہے کہ سمیع ابراہیم پر حملہ کرنے والے ملزمان کافی دیر سے موجود تھے اور ایسا لگتا ہے کہ وہ ان کی ریکی کررہے تھے۔

مزید پڑھیں: لاہور میں سینئر صحافی ایاز امیر پر نامعلوم افراد کا حملہ اور تشدد

یاد رہے کہ لاہور میں سینئر صحافی ایاز امیر نجی ٹی وی پر شوکر کے جا رہے تھے کہ راستے میں انہیں نامعلوم افراد کی جانب سے روکا گیا اور انہیں تشدد کا نشانہ بنایا گیا۔

نامعلوم گاڑی میں آنے والے چھ افراد ایاز امیر کا موبائل فون اور پرس بھی ساتھ لے گئے اور ان کے ڈرائیور پر بھی تشدد کیا۔

 ایاز امیر نے چیئرمین پی ٹی آئی عمران خان کے رجیم چینج سیمینار میں شرکت کی اور خطاب کیا تھا۔