حکومت کی جانب سے ‏پیٹرولیم مصنوعات پر موجود پیٹرولیم لیوی برقرار رکھے جانے کا امکان ہے۔

ذرائع کے مطابق پیٹرولیم مصنوعات کی قیمتوں میں کمی کا حتمی فیصلہ وزیر اعظم شہباز شریف کریں گے۔ پیٹرول پر 10 روپے فی لیٹر لیوی جب کہ ‏ہائی اسپیڈ ڈیزل، کیروسین آئل اور لائیٹ ڈیزل پر پانچ پانچ روپے فی لیٹر لیوی عائد ہے۔

اتحادی حکومت اقتدار میں آ کر 66 سے 95 فیصد تک پیٹرولیم مصنوعات کی قیمتیں بڑھا چکی ہے۔ پیٹرول کی قیمت میں 99 روپے فی لیٹر تک اضافہ کیا جا چکا ہے۔

اسی طرح ڈیزل کی قیمت میں 132 روپے، ‏کیروسین آئل کی قیمت میں 111 روپے اور لائیٹ ڈیزل کی قیمت میں 100 روپے فی لیٹر تک اضافہ کیا جا چکا ہے۔

وزیر خزانہ مفتاح اسماعیل نجی نیوز چینل سے گفتگو کرتے ہوئے کہا ہے کہ پیٹرولیم مصنوعات کی قیمتوں میں کمی کی سمری آج وزیراعظم کو بھجواؤں گا، پیٹرول، ڈیزل اور مٹی کے تیل کی قیمت میں کمی آئے گی، کوشش ہے کل سے قیمتوں میں کمی کا اطلاق ہو جائے۔

انہوں نے کہا کہ پیٹرول اور ڈیزل پر لیوی یکم جولائی والی ہی رہے گی، عالمی منڈی میں قیمتوں میں کمی کا فائدہ عوام کو پہنچانا چاہتے ہیں، ہم نے ایک دن میں 30 روپے پیٹرول مہنگا کیا اب عالمی سطح پر قیمتیں کم ہو رہی تھیں تو اس کے ثمرات عوام کو بھی دیں گے۔

وزیر خزانہ مفتاح اسماعیل نے کہا ہے کہ پیٹرولیم مصنوعات کی قیمتوں میں کمی کی سمری آج وزیراعظم کو بھجواؤں گا۔

ٹی وی شو میں گفتگو کرتے ہوئے مفتاح اسماعیل نے کہا کہ پٹرول، ڈیزل اور مٹی کےتیل کی قیمت میں کمی آئےگی قیمتوں میں کمی کی سمری آج وزیراعظم کو بھجواؤں گا کوشش ہےکل سےقیمتوں میں کمی کا اطلاق ہو جائے۔

انہوں نے کہا کہ پٹرول ،ڈیزل پر لیوی یکم جولائی والی ہی رہےگی، عالمی منڈی میں قیمتوں میں کمی کا فائدہ عوام کو پہنچانا چاہتے ہیں ہم نے ایک دن میں 30 روپے پیٹرول مہنگا کیا اب عالمی سطح پر قیمتیں کم ہو رہی تھیں تو اس کے ثمرات عوام کو بھی دیں گے۔

وزیر خزانہ نے کہا کہ حفیظ شیخ اور شوکت ترین نےآئی ایم ایف سے جو وعدے کیے پورےنہیں کیے آئی ایم ایف سےمزیدبات نہیں ہورہی،کوئی اختلافی نکتہ نہیں، آئی ایم ایف کی کچھ شرائط مانی ہیں، کچھ باتیں منوائی بھی ہیں۔

ان کا کہنا تھا کہ پیٹرولیم مصنوعات کی قیمتوں کا سیاست کا کوئی تعلق نہیں عالمی سطح پر ہونے والی قیمتوں میں تبدیلیوں پر ہی قیمتوں کا تعین کیا جاتا ہے۔

ایم کیو ایم کے رہنما و سابق وفاقی وزیر کو انسداد دہشت گردی عدالت کی جانب سے بے گناہ قرار دے کر مقدمہ سی کلاس کیے جانے کے بعد بابر غوری دبئی روانہ ہو گئے۔

نمائندہ اے آر وائی نیوز کے مطابق بابرغوری کراچی انٹرنیشنل ایئرپورٹ سے نجی ایئرلائن کے ذریعے دبئی روانہ ہوئے۔ ان کے ساتھ اہلیہ بھی تھیں۔

بتایا گیا ہے کہ غیرملکی ایئرلائن ای کے 603 سے دبئی روانہ ہوائے جہاں سے وہ امریکا روانہ ہو جائیں گے۔

بدھ کی صبح پولیس نے ایم کیو ایم رہنما بابر غوری کو عدالت میں پیش کیا تو عدالت میں پولیس کی جانب سے کہا گیا کہ بابر غوری کے خلاف ٹھوس شواہد نہیں ملے۔

عدالت نے پولیس کی رپورٹ مسترد کردی اور کہا کہ قانون کے مطابق رپورٹ بنا کر لائیں، رپورٹ دفعہ 497 کے مطابق نہیں دفعہ 169 کے تحت بنے گی۔

عدالت نے استفسار کیا کہ شواہد نہیں ملے اور ملزم کا مقدمے میں نام نہیں تو رہا کیوں نہیں کیا؟ عدالت نے تفتیشی افسر کو 20 منٹ میں نئی رپورٹ پیش کرنے کا حکم دے دیا تاہم تفتیشی افسر وہاں موجود نہیں تھا۔

خیال رہے کہ بابر غوری کو 4 جولائی کی صبح امریکا سے واپسی پر پولیس نے کراچی ایئرپورٹ سے گرفتار کیا تھا۔

بابر غوری کے خلاف سائٹ سپر ہائی وے تھانے میں مقدمہ درج ہے جس میں بابر غوری پر ملک مخالف اور اشتعال انگیز تقریر میں سہولت کاری کا الزام تھا۔

عدالت نے بابر غوری کو 12 جولائی تک جسمانی ریمانڈ پر پولیس تحویل میں دیا تھا۔ اس دوران بابر غوری نے ضمانت کے لیے انسداد دہشت گردی عدالت سے بھی رجوع کرلیا تھا۔

عدالت نے بابر غوری کی درخواست ضمانت پر تفتیشی افسر سے جواب طلب کرتے ہوئے بابر غوری کے طبی معائنے سے متعلق رپورٹ پیش کرنے کا حکم دیا تھا۔