لاہور: پاکستان تحریک انصاف کے سابق رکن صوبائی اسمبلی میاں جلیل شرقپوری نے پارٹی چھوڑنے کا فیصلہ کرلیا۔
تفصیلات کے مطابق سابق رکن صوبائی اسمبلی میاں جلیل شرقپوری نے بھی پاکستان تحریک انصاف چھوڑنے کا فیصلہ کرلیا۔
میاں جلیل شرقپوری کا کہنا ہے کہ انہوں نے اپنے تحفظات سے 9 مئی سے قبل ہی سابق وفاقی وزیر اسد عمر کو آگاہ کر دیا تھا، 9 مئی کے واقعات سمجھ سے بالاتر ہیں۔
انہوں نے کہا کہ پاکستان کا دفاع مضبوط فوج سے ہی ممکن ہے، ان حالات میں تحریک انصاف کے ساتھ چلنا ممکن نہیں۔
آپ نے ہوٹلوں میں مہنگے ترین کھانے کھائے ہوں گے لیکن ہم یہاں آپ کو دنیا کے وہ مہنگے ترین برگرز بتا رہے ہیں جن کی قیمت جان کر صرف ہوش ہی نہیں بلکہ آپ کی بھوک بھی اڑ جائے گی۔
دنیا میں دو طرح کے لوگ موجود ہیں جن میں ایک کے لیے خوراک صرف ضرورت تو دوسرے طبقے کے لیے ضرورت کے ساتھ اسٹیٹس سمبل بھی ہے ایسے ہی لوگوں کے لیے مختلف ممالک میں آئے روز مہنگے ترین کھانے متعارف کرائے جاتے ہیں تو آج ہم بھی آپ کو دنیا میں فروخت کیے جانے والے ایسے مہنگے ترین برگرز کے بارے میں بتائیں گے جس کی قیمت سن کر ہمیں یقین ہے کہ نہ صرف آپ کے ہوش بلکہ بھوک بھی اڑ جائے گی۔
دنیا کا مہنگا ترین برگر فروخت کرنے کا آفیشل اعزاز ہالینڈ کو حاصل ہے جہاں وور تھوئزن میں واقع ’’ڈی ڈالٹنس‘‘ ریسٹورینٹ میں اس کو تیار اور فروخت کیا جاتا ہے۔ اس کی قیمت 6 ہزار امریکی ڈالر (پاکستانی لگ بھگ ساڑھے 17 لاکھ روپے) ہے۔
قیمت کی طرح اس کا نام بھی منفرد ہے اور اس برگر کو ’’گولڈن بوائے‘‘ کا نام دیا گیا ہے۔ یہ برگر بڑے کیکڑے (کنگ کریب)، وائٹ ٹرفل اور دیگر مزیدار اجزا سے بنایا جاتا ہے۔
اس برگر کے خالق ریسٹورینٹ کے مالک رابرٹ جان ڈی وین ہیں جنہوں نے ایک نیک مقصد کے تحت اتنا مہنگا برگر بنایا اور وہ ہے اس برگر کی فروخت سے حاصل ہونے والی آمدنی کو فلاحی کاموں پر خرچ کرنا اور انہوں نے اس کی آمدنی غریب ممالک میں پانی کے منصوبوں کو عطیہ کرنے کا بھی اعلان کیا ہے۔
گولڈن بوائے نامی اس برگر میں مہنگے ترین اجزا شامل ہیں اس کو سونے کے ورق میں لپیٹا گیا ہے اس میں استعمال ہونے والا گوشت دنیا کا مہنگا ترین گوشت ہے جو جاپان سے درآمد کیا جاتا ہے، پھر بن کو شیمپین میں ڈبو کر سکھایا جاتا ہے اور اس پر زعفران بھی ڈالی جاتی ہے بعد ازاں تیاری پر بطخ کے انڈوں سے تیار کردہ مایونیز کا تڑکا لگایا جاتا ہے۔
رپورٹ کے مطابق اس برگر کے کھانے کے خواہشمند افراد کو کم از کم دو ہفتے قبل گولڈن بوائے برگر کا آرڈر دینا ہوگا۔
امریکا کے ایک ریسٹورینٹ میں 700 ڈالر (پاکستانی دو لاکھ روپے سے زائد) میں ہیم برگر فروخت کیا جاتا ہے۔
امریکی ریاست پنسلوینیا کے شہر فلیڈیلفیا کے ڈروری بیئر گارڈن میں فروخت کیے جانے والے اس برگر کو بھی سونے کے ورق میں لپیٹ کر پیش کیا جاتا ہے اور اس کا نام ویگیومیٹ برگر رکھا گیا ہے۔
اس برگر کی تیاری میں مچھلی کے انڈوں کا اچار، تازہ سیاہ ٹرفل، لوبسٹر فلیم 700 بیڈ (ایک مخصوص طریقے سے بنایا گیا جھینگا) استعمال کیا جاتا ہے جب کہ اس کو تیاری کے بعد آئرش پنیر اور شہد سے سجایا جاتا ہے جب کہ اس کے ساتھ فرائز بھی پیش کیے جاتے ہیں۔
جاپانی شہر ٹوکیو کے اوک ڈور اسٹیک ہاؤس میں بھی دنیا کے مہنگے ترین برگرز میں سے ایک برگر تیار کیا گیا جسے جاپان کے مشہور شیف پیٹرک شیماڈا نے تیار کیا ہے۔ اس برگر کی قیمت 700 برطانوی پاؤنڈ یا موجودہ پاکستانی مالیت ڈھائی لاکھ روپے ہے۔
برگر کے بن میں سونے کے انتہائی باریک ذرات شامل ہیں اور پورے برگر کا وزن بھی ایک کلو سے زیادہ ہے۔ اس میں جاپانی نسل کی گائے کا مشہور ویگیو بیف استعمال کیا گیا ہے۔ ایک اور مہنگی شے بطخ کے جگر کا پیسٹ ہے جسے جاپان میں ایک مہنگا کھاجا سمجھا جاتا ہے۔ سجاوٹ کےلیے اس اعلیٰ معیاری سلاد، ٹماٹر، پیاز اور دیگر اشیا شامل کی گئی ہیں۔
تاہم یہاں قارئین کو بتاتے چلیں کہ یہ بیش قیمت برگر ہر ایک کے لیے دستیاب نہیں بلکہ 2019 میں بطورِ خاص جاپانی ولی عہد پرنس ناروہیٹو کی رسمِ تاج پوشی کی خوشی میں تیار کیا گیا تھا۔
اداکارہ سیدہ طوبیٰ انور نے ’بے بی باجی‘ ڈرامے تیسری یعنی سب سے چھوٹی بہو کا کردار ادا کرتے ہوئے اسکرین پر جلد ہی نظر آئیں گی۔
اے آر وائی نیوز کے مارننگ شو میں ’بے بی باجی‘ کے تمام کردار مہمان بنے، جہاں اداکارہ سیدہ طوبیٰ انور نے اس ڈرامے میں کام کرنے کے تجربے کے بارے میں بات کی ہے۔
اداکارہ سیدہ طوبیٰ انور نے ہمارا گروپ بنا ہوا ہے، ہم نے مل بیٹھ کر سیٹ پر وقت گزارا، سیٹ کا ماحول بہت اچھا تھا، کوئی ایک ایسا اداکار یا ڈائریکٹر نہیں جس نے ماحول کو خراب کیا ہو۔
انہوں نے کہا کہ اس ڈرامے میں سینئر اور جونیئر اداکار کے ساتھ کام کرنے کا موقع ملا، جہاں سے بہت کچھ سیکھنے کو ملا، ہم ایک بہترین اور دوستانہ ماحول میں شوٹنگ کرتے تھے۔
انہوں نے کہا کہ ہمارے ڈائریکٹر بہت اچھے تھے، سیٹ پر 14 کردار کو ایک ساتھ رکھنا، ساری ٹیکنیکل چیزیں دیکھنا لیکن ہھر بھی وہ ایکٹر کے ساتھ بہت اچھے سے پیش آتے تھے۔
واضح رہے کہ ڈرامہ سیریل ’بے بی باجی‘ میں سینئر اداکارہ ثمینہ احمد، سعود قاسمی، جویریہ سعود، حسن احمد، سنیتا مارشل، جنید جمشید نیازی، سیدہ طوبیٰ انور، فضل حسین، عینا آصف ودیگر اداکاری کے جوہر دکھا رہے ہیں۔
بے بی باجی آج شام 7 بجے اے آر وائی ڈیجیٹل پر نشر کیا جائے گا۔
یاد رہے کہ طوبیٰ انور نے سلمان سعید اور زباب رانا کے ساتھ ڈراما سیریل ’بھڑاس‘ سے اداکاری کے میدان میں قدم رکھا تھا۔
کراچی : سابق تحریک انصاف کے رہنما فیصل واوڈا نے شیریں مزاری سمیت پی ٹی آئی کارکنوں کی رہائی کی اپیل کردی اور کہا یقین ہےدرخواست فوری سنی جائے گی۔
تفصیلات کے مطابق سابق پی ٹی آئی رہنما فیصل واوڈا نے سماجی رابطے کی ویب سائٹ ٹوئٹر پر اپنے بیان میں کہا ہے کہ مئی واقعہ کرانےکےبعدپی ٹی آئی لیڈرشپ نے معصوم عوام اور ورکرکو تنہا چھوڑ دیا، پی ٹی آئی لیڈر شپ نے یہ کہہ کرتنہاچھوڑ دیاکہ 9مئی کےواقعےسےکوئی تعلق نہیں۔
فیصل واوڈا کا کہنا تھا کہ مثبت کرداراداکرتے ہوئے درخواست کرتاہوں پی ٹی آئی ورکرزسمیت شیریں مزاری کوفی الفوررہاکیاجائے، مجھے یقین ہے میری درخواست فوری سنی جائے گی۔
اس سے قبل ایک ٹوئٹ میں فیصل واوڈا نے لکھا تھا کہ خان صاحب آپ خیریت سے نیب کورٹ پہنچیں اور خیر سے واپس آئیں۔
ان کا کہنا تھا کہ آپ کے مطابق آپ کی گرفتاری کے اسی فیصد امکانات ہیں، جب کہ میرے مطابق اسی فیصد امکانات نہیں ہیں، آپ کو ہمیشہ کی طرح غلط اطلاع دے کر مس گائیڈ کیا جا رہا ہے، سر اگر آپ اب بھی آپ نہیں سمجھیں گے تو پھر کب سمجھیں گے۔
بالی وڈ کے کنگ شاہ رخ خان کی بیٹی سہانا خان کی اسکول میں سنڈریلا کا کردار ادا کرنے کی ویڈیو وائرل ہوگئی۔
بھارتی اداکار شاہ رخ خان کی بیٹی اداکارہ سُہانا خان آج اپنی 23 ویں سالگرہ منا رہی ہیں، اداکارہ کے ایک مداح کو ان کے انڈسٹری میں آنے سے پہلے کی ایک اسٹیج شو کی پرانی ویڈیو ملی ہے۔
ویڈیو میں سہانا خان کی اداکاری کی مہارت کی ایک بہترین جھلک ہے جس میں وہ اسکول ہونے والے ایک ڈرامے میں پرفارم کرتی نظر آرہیں ہے۔
اس پلے میں وہ سنڈریلا کا کردار ادا کررہی ہیں جس میں وہ مضمون کے مطابق خوبصورتی سے اپنی اداکاری کے جوہر دیکھا رہیں ہیں۔
Check-out @iamsrk 's Daughter Suhana Khan makes her acting debut as Cinderella in School Play pic.twitter.com/2eYEavhr0T
— SRK International (@SRKInternationl) February 9, 2017
یہ ڈرامہ بظاہر سنڈریلا کی کہانی پر ایک طنزیہ انداز میں تھا جس پر ان کے مداح اداکارہ کی تعریف کررہے ہیں، ایک صارف نے تبصرہ کیا کہ ’ سُہانا بہت اچھا کررہی ہے، انہوں نے اس طنزیہ ڈرامہ کو باخوبی نبھایا ہے۔
ایک اور صارف نے کہا "مجھے لگتا ہے کہ سہانا نے اچھی اداکاری کی… تھیٹر کی اداکاری سنیما کی اداکاری جیسی نہیں ہونی چاہیے، پلے بھی طنزیہ انداز میں ہی پیش کیا گیا ہے، اس لیے مجھے لگتا ہے کہ اس نے اچھی اداکاری کی۔”
ایک اور صارف نے کہا کہ "جیسے باپ ویسا بیٹی”، ہوش اڑا دینے والی کارکردگی ہے، زبردست اداکاری کے ساتھ میٹھی آواز میں اتنی بہترین پرفارمنس۔
خیال رہے کہ بالی وڈ کے اسٹار شاہ رخ خان بھی اپنی بیٹی کی قابلیت پر بول چکے ہیں، انہوں نے کہا تھا کہ سہانا ایک اداکارہ بننا چاہتی ہیں۔ مجھے ان میں یہ جوش نظر آتا ہے۔ وہ اسٹیج پر بہت اچھی ہے، میں نے اس کی پرفارمنس دیکھی ہے۔ وہ انڈسٹری میں آنا چاہتی ہے۔
View this post on Instagram
شاہ رخ خان نے کہا کہ لیکن میری بات سیمپل ہے، آپ کو کچھ بھی کرنے سے پہلے اپنی تعلیم مکمل کرنی چاہیے میں نے اپنے بچوں کو صرف یہی کہا ہے۔
تاہم سہانا خان جلد ہی نیٹ فلیکس پر نظر آئیں گی، جہاں ان کے ساتھ امیتابھ بچن کے پوتے اگستیہ نندا اور سری دیوی بونی کپور کی بیٹی خوشی کپور بھی ہیں۔
مودی سرکار نے مقبوضہ کمشیر میں جی 20 اجلاس کی ناکامی دیکھ کر حریت پسندوں سے منسوب فالس فلیگ حملے کا منصوبہ بنایا ہے۔
مودی سرکار نے مقبوضہ کمشیر میں جی 20 اجلاس کی ناکامی دیکھ کر حریت پسندوں سے منسوب فالس فلیگ حملے کا منصوبہ بنایا ہے۔ تاہم یہ بھیانک منصوبہ ناپاک عملی شکل اختیار کرنے سے قبل ہی بے نقاب ہوگیا ہے۔
رپورٹ کے مطابق جی 20 اجلاس کی ناکامی دیکھ کر مودی سرکار بوکھلا گئی ہے اور اب اپنی اس ناکامی پر پردہ ڈالنے کے لیے دنیا کو ایک اور ڈرامے کی جانب راغب کرنے کے لیے کوشاں ہے تاکہ دنیا کی اس کی ناکامی کی جانب سے توجہ ہٹ سکے۔
اس کے لیے مودی سرکاری نے کشمیری حریت پسندوں سے منسوب فالس فلیگ حملے کا منصوبہ بنایا ہے جس کے مطابق ڈبل ایجنٹ حریت پسندوں کو جی 20 سمٹ پر اکسایا جائے گا اور انہیں جی 20 سمٹ سرینگر پر حملے سہولت فراہم کی جائے گی۔
اس خوفناک کارروائی کے فوری بعد بھارتی فالس فلیگ منصوبے کے مطابق حملہ آوروں کو مار دیا جائے گا اور جعلی شناخت وفیک پاکستانی ویپنز کی بنیاد پر سارا ملبہ پاکستان پر ڈال دیا جائے گا۔ تاہم یہ شرمناک اور ناپاک منصوبہ عملہ جامہ پہنانے سے قبل ہی آشکار ہوچکا ہے۔
واضح رہے کہ ہٹ دھرم مودی سرکار نے عالمی قوانین کی خلاف ورزی کرتے ہوئے عالمی سطح پر تسلیم شدہ متنازع علاقے مقبوضہ کشمیر میں سری نگر میں جی 20 اجلاس کیا ہے تاہم چین نے اجلاس میں شرکت نہ کرکے مودی کے ارادوں پر پانی پھیر دیا جب کہ ترکیہ، مصر اور سعودی عرب نے بھی اس میں شرکت نہ کرکے پاکستان کے موقف کی تائید کی دوسری جانب زبردستی کے اس اجلاس کے انعقاد کے خلاف حریت رہنماؤں کی اپیل پر وادی میں مکمل ہڑتال بھی کی گئی۔
واضح رہے کہ بھارت اپنی ہٹ دھرمی اور تعصب کے باعث اس سے قبل بھی پاکستان کو بدنام کرنے کے لیے کئی دہشتگرد منصوبے بنا اور اس پر عمل کرچکا لیکن ہر بار اسے منہ کی کھانی پڑی ہے۔
اسلام آباد: ملکی برآمدات (ایکسپورٹ) میں مسلسل کمی کا سلسلہ جاری ہے جس کے بعد وزیر اعظم شہباز شریف نے اجلاس طلب کرلیا، اجلاس میں متعلق حکام کے ساتھ بڑے ایکسپورٹرز کو بھی مدعو کیا گیا ہے۔
تفصیلات کے مطابق وزیر اعظم شہباز شریف نے برآمدات بڑھانے سے متعلق اجلاس آج طلب کرلیا، اجلاس میں وزیر خزانہ، وزیر تجارت، وزیر صنعت و پیداوار، ایف بی آر حکام اور دیگر متعلقہ اعلیٰ حکام شرکت کریں گے۔
ذرائع کا کہنا ہے کہ اجلاس میں برآمدات میں اضافے کے لیے اقدامات پر غور کیا جائے گا اور برآمدات میں کمی کی وجوہات کا جائزہ بھی لیا جائے گا۔
اجلاس میں ملک کے بڑے برآمد کنندگان کو بھی مدعو کیا گیا ہے۔
حکام کا کہنا ہے کہ رواں مالی سال کے 10 ماہ میں برآمدات میں 11.71 فیصد کمی ہوئی۔ اپریل میں سالانہ بنیاد پر برآمدات 26.68 فیصد اور ماہانہ بنیاد پر 10.46 فیصد کم ہوئیں۔
حکام کے مطابق جولائی تا اپریل 23 ارب 17 کروڑ 40 لاکھ ڈالرز کی برآمدات رہیں جبکہ اپریل میں صرف 2 ارب 12 کروڑ 40 لاکھ ڈالرز کی برآمدات ہوئیں۔
اسلام آباد : حکومت فروری میں پاس ہونے والے منی بجٹ کو توسیع دینے پر غور کررہی ہے، اگر منی بجٹ وفاقی بجٹ میں ضم ہوا تو 510 ارب روپے کے ٹیکس عائد ہوجائیں گے۔
تفصیلات کے مطابق آئندہ مالی سال کے بجٹ میں ٹیکسوں کی بھرمار ہوگی ، ذرائع کا کہنا ہے کہ حکومت کی جانب سے فروری میں پاس ہونے والے منی بجٹ کو توسیع دینے پر غور کیا جارہا ہے۔
ذرائع کا کہنا ہے کہ منی بجٹ وفاقی بجٹ میں ضم ہوا تو 510 ارب روپے کے ٹیکس عائد ہوجائیں گے، منی بجٹ کے ٹیکسز کو یکم مارچ سے 30 جون 2023 کے لیے عائد کیا گیا تھا۔
4ماہ میں منی بجٹ سے 170 ارب روپے جمع کرنے کا ہدف تھا،اب منی بجٹ کو وفاقی بجٹ میں ضم کرنے سے 510 ارب روپے ملنے کی توقع ہے۔
دستاویز کے مطابق منی بجٹ میں اشیا پر سیلز ٹیکس کی شرح 17 سے بڑھا کر 18 فیصد کی گئی تھی، اب نئے بجٹ میں اشیا پر سیلز ٹیکس کی شرح 18 فیصد برقرار رکھے جانے کا امکان ہے۔
منی بجٹ میں لگژری آٹمز پر سیلز ٹیکس کی شرح 17 سے بڑھا کر 25 فیصد کی گئی تھی، نئے بجٹ میں بھی لگژری آئٹمز پر سیلز ٹیکس کی شرح 25 فیصد پر برقرار رکھے جانے کا امکان ہے۔
نئے بجٹ میں نان فائلرز کی مانیٹرنگ سخت کرنے کی تجویز بھی سامنے آئی ہے، نان فائلرز سے لین دین کرنے والوں کی بھی مانیٹرنگ ہوگی۔
نان فائلرز کی پوری چین کے خلاف کارروائیوں کی تیاریاں کی جارہی ہے جبکہ ٹیکس چوروں کے گرد گھیرا تنگ کرنے کے لیے نئی حکمت عملی کی تیاری کرلی گئی ہے۔
ذرائع ایف بی آر نے بتایا ہے کہ ٹیکس چوروں کے خلاف آرٹیفیشل انٹیلی جنس کا فیصلہ کیا گیا ہے ، ٹیکس چوروں کے خلاف مقدمات میں تیزی لائی جائے گی۔
ذرائع کے مطابق ٹیکس نظام کو ڈیجیٹلائز کرکے ٹیکس آمدن بڑھانے اور ٹیکس کو دستاویزی بنانے کے لیے جدید نظام اپنانے کا بھی فیصلہ کیا گیا ہے۔
اسلام آباد : ایک اور رہنما عبدالرزاق خان نیازی نے تحریک انصاف چھوڑنے کا اعلان کردیا اور کہا قیادت کی سپورٹ نہ ہو تو اتنا بڑا قدم کوئی نہیں اٹھا سکتا۔
تفصیلات کے مطابق تحریک انصاف کے رہنما عبدالرزاق خان نیازی نے پریس کانفرنس کرتے ہوئے کہا کہ وقت پی ٹی آئی کا ٹکٹ ہولڈر ہوں، پی ٹی آئی کا ٹکٹ عمران خان کو واپس کرتا ہوں اوراستعفیٰ دیتا ہوں۔
عبدالرزاق خان نیازی کا کہنا تھا کہ پاک فوج کی وجہ سے دہشت گردی خطے سے ختم ہوئی ہے ، فوج ہی کی وجہ سے دشمن پاکستان کوناکام کرنے کی جرت نہیں کرتا۔
رہنما نے کہا کہ جی ایچ کیو سمیت دیگر آرمی تنصیبات پر حملے کیے گئے ، قیادت کی سپورٹ نہ ہو تو اتنا بڑا قدم کوئی نہیں اٹھا سکتا۔
انھوں نے کہا کہ بھارت میں آج مٹھائیاں بانٹیی جارہی ہیں، عوام کو فوج کےسامنے کھڑاکیاجارہاہے، فوج کی وجہ سے کوئی اس ملک پر حملہ نہیں کرتا، 65 اور 71 کی جنگ میں عوام فوج کے ساتھ کھڑی تھی۔
عبدالرزاق خان نیازی کا مزید کہنا تھا کہ یہ کہا جائے پی ٹی آئی قیادت بری الزمہ ہے یہ ماننے کی بات نہیں۔
چیف جسٹس آف پاکستان عمر عطا بندیال نے پنجاب الیکشن نظر ثانی کیس کی سماعت کرتے ہوئے رولنگ دی ہے کہ نظر ثانی کو اپیل میں تبدیل نہ کیا جائے۔
اے آر وائی نیوز کے مطابق سپریم کورٹ میں پنجاب الیکشن نظر ثانی کیس کی سماعت ہوئی۔ چیف جسٹس عمر عطا بندیال کی سربراہی میں جسٹس اعجاز الاحسن اور جسٹس منیب اختر پر مشتمل تین رکنی خصوصی بینچ نے سماعت کی جب کہ الیکشن کمیشن کے وکیل سجیل سواتی نے دلائل دیے۔
الیکشن کمیشن کے وکیل سجیل سواتی نے دلائل سے قبل عدالت کو آگاہ کیا کہ تحریک انصاف سمیت کیس فریق کے جواب کی کاپی نہیں ملی تمام جوابات کا جائزہ لینے کے لیے موقع دیا جائے جس پر چیف جسٹس نے کہا کہ آپ اپنی درخواست پر دلائل تو دیں آئندہ سماعت پر کوئی نیا معاملہ اٹھانا ہو تو ضرور اٹھائیں۔
سجیل سواتی نے دلائل کا آغاز کرتے ہوئے کہا کہ آرٹیکل 188 اختیارات کو محدود نہیں کرتا بلکہ بڑھاتا ہے جس پر چیف جسٹس نے کہا کہ آئین پاکستان نظر ثانی کی اجازت دیتا ہے، کیا ہم آپ کی مدد کریں کہ جوابات میں کیا کہا گیا ہے؟
وکیل الیکشن کمیشن نے دلائل جاری رکھتے ہوئے کہا کہ نظرثانی درخواست کا دائرہ اختیار آئینی مقدمات میں محدود نہیں ہوتا۔ سپریم کورٹ کا دائرہ اختیار بڑھایا جا سکتا ہے لیکن کم نہیں کیا جاسکتا، نظر ثانی اپیل میں سپریم کورٹ دائرہ اختیار دیوانی اور فوجداری مقدمات میں محدود ہوتا ہے۔
جسٹس اعجاز الاحسن نے نشاندہی کرتے ہوئے کہا کہ بنیادی حقوق کیلیےعدالت سے رجوع کرنا سول نوعیت کا کیس ہوتا ہے تو الیکشن کمیشن کے وکیل نے کہا کہ آرٹیکل 184 تھری کے تحت کارروائی سول نوعیت کی نہیں ہوتی۔ آرٹیکل 184 تھری کا ایک حصہ عوامی مفاد اور دوسرا بنیادی حقوق کا ہے۔
اس موقع پر جسٹس منیب اختر نے استفسار کیا کہ انتخابات کا مقدمہ اگر ہائیکورٹ سے ہوکر آتا تو کیا سول کیس نہ ہوتا؟ انتخابات سے پنجاب اور خیبرپختونخوا کے کروڑوں عوام کے حقوق جڑے ہیں۔ عوامی مفاد تو 90 روز کے اندر انتخابات ہونے میں ہے۔ آپ کے مطابق اگر ہائیکورٹ سے اپیل آئے تو عدالتی دائرہ کار محدود ہے؟
انہوں نے مزید کہا کہ نظر ثانی کیس میں آپ کا موقف ہے کہ دائرہ محدود نہیں لیکن کیا یہ بنیادی حقوق کے مقدمے کے ساتھ امتیازی سلوک نہیں؟ سپریم کورٹ کیوں اپنے دائرہ اختیار میں ابہام پیدا کرے؟
وکیل سجیل سوتای نے کہا کہ آرٹیکل 184 میں اپیل کا حق نہیں دیا گیا، اپیل کا حق نہ ہونے کی وجہ سے نظر ثانی کا دائرہ محدود نہیں کیا جاسکتا، آئینی مقدمات میں نیا نقطہ اٹھایا جاسکتا ہے، عدالت کو نظرثانی میں انصاف کے تقاضوں کو مدنظر رکھنا چاہیے اور نظر ثانی میں ضابطہ کی کارروائی میں نہیں پڑنا چاہیے۔
جسٹس منیب اختر نے وکیل الیکشن کمیشن سے استفسار کیا کہ کیا آپ کی دلیل یہ ہے کہ 184(3) میں نظر ثانی کو اپیل کی طرح سماعت کیا جائے؟
اس پر الیکشن کمیشن کے وکیل کا کہنا تھا کہ بالکل میں یہی کہہ رہا ہوں 184(3) میں نظرثانی دراصل اپیل ہی ہوتی ہے۔ 184 (3) کے مقدمے میں نظر ثانی کا دائرہ اختیار محدود نہیں ہونا چاہیے۔
جسٹس اعجاز الاحسن نے سجیل سواتی ایڈووکیٹ کو مخاطب کرتے ہوئے کہا کہ آپ کی دلیل مان لیں تو نظر ثانی میں ازسر نو سماعت کرنا ہوگی، آئین میں نہیں لکھا کہ نظرثانی اور اپیل کا دائرہ کار یکساں ہوگا، جس پر الیکشن کمیشن کے وکیل نے کہا کہ آئین میں دائرہ کار محدود بھی نہیں کیا گیا۔
جسٹس منیب اختر نے کہا کہ نیا مؤقف تو اپیل میں بھی نہیں کیا جاسکتا اگر آپ کی دلیل مان لیں تو بہت پیچیدگیاں پیدا ہو جائیں گی۔
الیکشن کمیشن کے وکیل نے کہا کہ عدالت کو مکمل انصاف کیلیے آرٹیکل 187 کا اختیار بھی استعمال کرنا چاہیے۔ عدالت کا تفصیلی فیصلہ آ جائے تو زیادہ آسان ہو جائے گا۔
اس موقع پر چیف جسٹس کا الیکشن کمیشن کے وکیل سجیل سواتی سے مکالمہ بھی ہوا۔ چیف جسٹس نے کہا کہ آپ نے دلائل میں بڑے اچھے نکات اٹھائے ہیں، ان نکات پر عدالتی حوالہ جات اطمینان بخش نہیں ہیں۔
چیف جسٹس عمر عطا بندیال نے الیکشن کمیشن اور حکومت اس کارروائی کو سنجیدگی سے لے رہے ہیں، ماضی میں حکومت بینچ پر اعتراض کرتی رہی ہے، کبھی فل کورٹ کبھی چار اور تین کا نکتہ اٹھایا گیا، جو باتیں آپ نے لکھ کر دی ہیں وہ پہلے کیوں نہیں کی گئیں؟ انہوں نے استفسار کیا کہ کیا کسی اور ادارے میں اب الیکشن کمیشن کو یہ موقف اپنانے پر مجبور کیا ہے؟
چیف جسٹس نے رولنگ نظرثانی کو اپیل میں تبدیل مت کریں، آئین نے آرٹیکل 184(3) میں اپیل کا حق نہیں دیا، دائرہ اختیار بڑھانے کیلیے آئین میں واضح ہونا چاہیے۔
عدالت نے کیس کی سماعت بدھ کی دوپہر سوا بارہ بجے تک ملتوی کر دی۔
واضح رہے کہ آج پاکستان تحریک انصاف نے مذکورہ کیس میں اپنا جواب بھی سپریم کورٹ میں جمع کرا دیا ہے جس میں عدالت عظمیٰ سے اپیل مسترد کرنے کی استدعا کی گئی ہے۔
