ممبئی : بھارتی فلم اور ٹی وی انڈسٹری کے مشہور اداکار آدتیہ سنگھ راجپوت کی لاش گزشتہ روز پراسرار طور پر ان کے گھر سے برآمد ہوئی تاہم تاحال یہ معمہ حل نہ ہوسکا۔
اپنے گھر کے باتھ روم میں ہلاک ہونے والے آدتیہ راجپوت نے موت سے چند گھنٹے قبل انسٹاگرام پر ایک اسٹوری پوسٹ کی تھی جس میں انہوں نے گھر کی کھڑکی سے ممبئی کی اونچی عمارتوں کی ایک خوبصورت تصویر شیئر کرتے ہوئے لکھا تھا کہ ’سنڈے فنڈے وِد بیسٹیز‘۔جس کے اگلے ہی روز ان کی موت واقع ہوگئی۔
تازہ ترین اطلاعات کے مطابق آنجہانی اداکار کی آخری رسومات آج بروز منگل کو ادا کی جائیں گی، یہ خبریں زیر گردش ہیں کہ ان کی موت منشیات کی زیادتی کے باعث ہوئی ہے تاہم اس کی تصدیق نہیں ہوسکی ہے۔
17سال کہ عمر سے بطور ماڈل اپنے کرئیر کا آغاز کرنے والے آدتیہ سنگھ راجپوت کی ذاتی زندگی کی بات کی جائے تو ان کا تعلق دہلی سے تھا جبکہ ان کے خاندان کا تعلق اتراکھنڈ سے تھا۔ آدتیہ نے اپنی تعلیم دہلی کے گرین فیلڈ اسکول سے مکمل کی۔
آدتیہ سنگھ راجپوت 25 سے زائد اشتہارات میں کام کرچکے ہیں ، جس میں اداکار ہریتک روشن اور کرکٹر سارو گنگولی کے ساتھ ایک موٹر سائیکل کا مشہور اشتہار بھی شامل ہے۔
انہوں نے کہا کہ میں نے دھونی سے بہت چیزیں سیکھی ہیں مثلا زیادہ بات نہیں کرنا، وہ میرے لییے پیارے دوست اور بھائی ہیں جن کے ساتھ میں مذاق کرسکتا ہوں، میں ان کا ہمیشہ شیدائی رہوں گا۔
